Blog Full - Muhasibat.Az

Oxunma sayı: 137. 479

24 Apr 2018

“Ticarət, ictimai iaşə, məişət və digər növ xidmət Qaydaları”nda kiçik dəyişiklik edildi

by | posted in: Xəbər | 0

AZƏRBAYCAN RESPUBLİKASININ
NAZİRLƏR KABİNETİ
Q Ə R A R
№ 161
Bakı şəhəri, 17 aprel 2018-ci il
Azərbaycan Respublikası Nazirlər Kabinetinin 2014-cü il 3 aprel
tarixli 94 nömrəli qərarı ilə təsdiq edilmiş “Azərbaycan
Respublikasında ticarət, ictimai iaşə, məişət və digər növ
xidmət Qaydaları”nda dəyişiklik edilməsi haqqında

“Tütün məmulatlarının istifadəsinin məhdudlaşdırılması haqqında” Azərbaycan Respublikasının 2017-ci il 1 dekabr tarixli 887-VQ nömrəli Qanununun tətbiqi barədə” Azərbaycan Respublikası Prezidentinin 2017-ci il 29 dekabr tarixli 1774 nömrəli Fərmanının 1.1.6-cı yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

Azərbaycan Respublikasının
Baş naziri Artur Rasi-zadə

Mənbə: www.cabmin.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

24 Apr 2018

“Məşğulluq haqqında” qanun qəbul edilib

by | posted in: Xəbər | 0

Azərbaycan Milli Məclisdə keçirilən plenar iclasda yeni hazırlanan “Məşğulluq haqqında” qanun layihəsi ilk oxunuşda müzakirəyə çıxarılıb.

Qanun layihəsi 5 fəsil, 34 maddən ibarətdir.

Yeni sənəddə işaxtaran və işsiz şəxslərin müvafiq icra hakimiyyəti orqanında qeydiyyata alınması qaydası tamamilə yenidən müəyyən edilib. Qeydiyyata alınma prosedurunun elektron qeydiyyat üzərində həyata keçirilməsi nəzərdə tutulur.İlk dəfə olaraq işaxtaran və işsiz şəxslərə əvvəlcə vakansiya bankından münasib işin onlar tərəfindən seçilməsi hüququ verilir. Onlar bu hüquqdan istifadə etmədikdə isə sistem tərəfindən bu edilir. Münasib iş təklifi üzrə müddət isə 11 gündən 5 günə endirilir.

Layihədə aktiv məşğulluq tədbirlərindən biri hesab olunan və hazırda tətbiqinə önəm verilən özünə məşğulluğa dair yeni maddə daxil edilib. Çünki hazırda qanunda bu tədbiri tənzimləyən müvafiq maddə yoxdur. Yeni maddə ilə özünə məşğulluq tədbirlərinin mərhələləri və müddətləri monitorinq, əmlakların qaytarılması və s. prosedurlar müəyyən edilib. Layihəyə əsasən, mülkiyyətində kənd təsərrüfatına yararlı torpaq payı olub digər məşğulluğu olmayan şəxslər də, müvafiq şəxslərin ümumi sayının 50 faizindən çox olmamaq şərtilə, özünəməşğulluğa cəlb edilirlər.

İşsiz şəxslərin özünəməşğulluğunun təşkili zamanı ünvanlı dövlət sosial yardımı alan şəxslərə, əlillərə və sağlamlıq imkanları məhdud 18 yaşınadək uşaqlara, bir ildən artıq işsiz kimi qeydiyyatda olanlara, pensiya yaşına iki ildən az qalan şəxslərə, cəzaçəkmə yerlərindən azad edilmiş işsiz şəxslərə üstünlük verilir.

Layihədə işaxtaran və işsiz şəxslərin sosial təminatlarına əlavələr edilib, peşə hazırlığı dövründə işsiz şəxsə müvafiq icra hakimiyyəti orqanının müəyyən etdiyi minimum aylıq əməkhaqqı məbləğində təqaüd veriləcəyi nəzərdə tutulub. O qeyd edib ki, bu məbləğ hazırki məbləğdən (75 manat) 1.7 dəfə çoxdur.

Qanun layihəsi müzakirədən sonra səsverməyə çıxarılaraq ilk oxunuşda qəbul olunub.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

24 Apr 2018

Deputat mühasibləri hədəfə aldı

by | posted in: muhasibat, Xəbər | 0

“Azərbaycanda baş mühasib, peşəkar mühasib həmişə problem olub. Peşəkar mühasiblər isə olduqca azdır. Biz bu qanunu Azərbaycanda tətbiq etməklə milli mühasibat uçotunun standartlara uyğunlaşdırmaqla mühasiblərə daha ciddi tələblər irəli sürürük. Mən bilmək istərdim ki, Azərbaycanda mühasibat vəziyyəti nə yerdədir. Doğurdanmı bizdə yaxşı mühasiblər var? Mən inanmıram”.

Bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Mühasibat uçotu haqqında” qanuna dəyişikliklərin müzakirəsi zamanı deputat Vahid Əhmədov deyib.

Deputat bildirib ki, biz bu qanunu qəbul edəndən sonra sahibkarlar ciddi problemlərlə üzləşsinlər.

“Ola bilər ki, onlarda işləyən mühasiblər bu standartlara uyğun deyil. Onlar imtahan verməlidrlər. Haradasa imtahandan keçməlidirlər. Bu qanun layihəsi bizim sahibkarlar üçün problemlər yarada bilər”.

Mənbə: faktxeber.com

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

24 Apr 2018

Azərbaycanda bu şirkət vergi güzəştləri hesabına 100 milyon dollara qənaət edib

by | posted in: Xəbər | 0

“SOCAR Polymer” layihəsinin Sumqayıt Kimya Sənaye Parkının ərazisində inşa olunan polipropilen istehsalı qurğusunun bu ilin iyun ayında, yüksək sıxlıqlı polietilen istehsalı qurğusunun isə ilin sonuna kimi istismara verilməsi gözlənilir”.

Bunu “SOCAR-Polymer” MMC-nin maliyyə direktoru Fuad Əhmədov Bakıda keçirilən SOCAR III Beynəlxalq “Xəzər və Mərkəzi Asiya: Ticarət, Logistika, Neft emalı, neft-kimya” Forumunda çıxışı zamanı bildirib.

Onun sözlərinə görə, ildə 180 min ton polipropilen istehsal edəcək qurğu üzrə işlərin 98,6%-i icra olunub: “Polipropilen qurğusunun detallı mühəndislik işləri 100%, satınalma 100%, tikinti işləri isə 96,7% yekunlaşıb. Qurğu bu ilin iyun ayında istismara veriləcək”.

O bildirib ki, illik 120 min ton istehsal gücünə malik yüksək sıxlıqlı polietilen qurğusu üzrə işlərin 91,1%-i icra olunub: “Qurğunun mühəndislik işləri 99,8%, satınalma 99,9%, tikinti işləri isə 80,1% yerinə yetirilib. Yüksək sıxlıqlı polietilen qurğusunun bu ilin III rübündə istismara veriləcəyi gözlənilir”.

F. Əhmədov Sumqayıt Kimya Sənayesi Parkında yerləşən zavodların geniş vergi güzəştləri, tam infrastruktur dəstəyi və digər güzəştlər əldə etdiyini və buna görə də 100 mln. dollara qənaət edildiyini bildirib.

Mənbə: apa.az