Blog Full - Muhasibat.Az

Oxunma sayı: 137. 505

26 Apr 2018

Valideyni əlil olan işçinin vergi güzəşti varmı?

by | posted in: Vergi, Xəbər | 0

Sual: Birinci qrup əlil olan fiziki şəxsin oğlunun muzdlu işlə əlaqədar əməkhaqqı gəlir vergisindən azaddırmı?

Cavab: Fiziki şəxslərə münasibətdə gəlir vergisindən azadolmalar və güzəştlər Vergi Məcəlləsinin (VM) 102-ci maddəsi ilə müəyyən edilmişdir.

Birinci və ikinci qrup əlillərin (müharibə əlillərindən başqa) əsas iş yerində (əmək kitabçasının olduğu yerdə) hər hansı muzdlu işdən vergi tutulmalı olan aylıq gəlirləri 200 manat məbləğində azaldılır (VM, maddə 102.3).

Qüvvədə olan qanunvericiliyə əsasən fiziki şəxsin əsas iş yerində (əmək kitabçasının olduğu yerdə) hər hansı muzdlu işlə əlaqədar əldə edilən aylıq gəliri 2500 manatadək olduqda, ölkə üzrə yaşayış minimumunun 1 misli (2018-ci il üçün 173 manat), illik gəliri 30000 manatadək olduqda, ölkə üzrə yaşayış minimumunun 12 misli məbləğində olan hissəsi gəlir vergisindən azaddır (VM, maddə 102.1.6).

Qeyd olunanlara əsasən:

Birinci qrup əlil olan fiziki şəxsin oğlunun muzdlu işlə əlaqədar əldə etdiyi aylıq gəlirinə vergi güzəştinin verilməsi qanunvericilikdə nəzərdə tutulmamışdır.

Mənbə: www.vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

26 Apr 2018

AGA Group Baş mühasib axtarır

by | posted in: İş elanı, muhasibat, Xəbər | 0

Tələblər:

Yaş həddi: 25-45
Mühasibatlıq sahəsində 5 ildən artıq iş təcrübəsi.
Ali təhsil (maliyyə və ya mühasibatlıq ixtisası üzrə)
Azərbaycan, Rus və İngilis dillərini bilməsi mütləqdir
1C (8.3) proqramında işləmək bacarığı

Vəzifələr:

Mühasibat uçotu üzrə ilkin sənədləşmələrin təşkili;
Vergi və mühasibat uçotunun aparılması;
Kassa, Bank əməliyyatlarının həyata keçirilməsi, qaimə və vergi hesab fakturaların yazılması, qarşılıqlı hesablaşma və üzləşmə aktlarının tərtib edilməsi;
Debitor və kreditor hesablaşmaların aparılması;
Əmək haqqı, məzuniyyətlərin hesablanması;
Əsas vəsaitlərin alınması, istismara verilməsi, köhnəlməsinin hesablanması, balansdan silinməsi və s.;
Mal-materialların uçotunun aparılması;
İdxal və ixrac əməliyyatlarının uçotunun aparılması, maya dəyərinin hesablanması;
Gündəlik və aylıq hesabatlarınin tərtib edilməsi;
Aylıq xərclər smetasının planlaşdırılması və xərclərin plana uyğun sərfiyyatına nəzarət;
Aylıq daxili maliyyə hesabatlarının hazırlanması;
Vergi orqanlarından daxil olan məktubların nəzarətda saxlanılması və müvafiq yazışmaların aparılması;
Aylıq, rüblük və illik Vergi, DSMF və Statistika hesabatlarının hazırlanması və aidiyyəti orqanlara təqdim edilməsi.

Qeyd olunmuş tələblərə cavab verən namizədlərdən CV- lərini elektron ünvanına göndərməkləri xahiş olunur.

Mənbə: jobsearch.az

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

25 Apr 2018

MMC satışında yeni qayda

by | posted in: Xəbər | 0

Prezident İlham Əliyev 23 aprel 2018-ci il tarixdə imzaladığı Fərmanla yerli və xarici investorlar üçün Azərbaycan iqtisadiyyatının cəlbediciliyini daha da artırmaq üçün Mülki Məcəlləyə müvafiq dəyişikliklər edib. (linkə daxil olun)

İqtisadi İslahatların Təhlili və Kommunikasiya Mərkəzinin departament rəhbəri Ayaz Çaparlı bildirir ki, yeni Fərmana əsasən, səhmdarlar həyata keçirilən əməliyyatlar nəticəsində alıcıya vurulan zərərə görə, direktorlar məsuliyyətə cəlb edilə bilərlər. İcraçı direktor isə səhmdarların təmin olunan iddialarına görə cərimələnə, həbs edilə və ya vəzifəsindən kənarlaşdırıla bilər. Bundan əlavə, səhmdarın müvəffəqiyyətli iddiası nəticəsində məhkəmə əməliyyatını (əqdi) ləğv oluna bilər.

Səhmdar cəmiyyətinin iştirakçısı payını satdığı halda ilk öncə mövcud iştirakçılara təklif etməlidir. Həmçinin, səhmdar cəmiyyətinin 50 faiz iştirak payını alan potensial alıcı tərəfindən digər səhmdarlara tender elan etməlidir.

Məhdud məsuliyyətli cəmiyyətin aktivlərinin 51 faizinin satıldığı zaman isə cəmiyyətin iştirakçılarının razılığı tələb edilir. Bundan əlavə, iştirak payının 5 faizini təşkil edən səhmdar cəmiyyətinin iştirakçıları gündəliyə yeni müzakirə mövzularını əlavə edə bilərlər. Cəmiyyətin direktorlar şurası yalnız direktorlar şurasının üzvlərindən ibarət audit komitəsini ehtiva etməlidir.

İİTKM-in departament rəhbəri əlavə edir ki, qanunvericiliyə edilmiş dəyişikliklər Azərbaycanda cəlbedici biznes və investisiya mühitinin əlverişliyinin daha da artırılması və beynəlxalq reytinqlərdə, o cümlədən də “Doing Business 2019” hesabatında ölkəmizin mövqeyinin gücləndirilməsi üçün münbit şərait yaradacaq.

Mənbə: fed.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

25 Apr 2018

Mühasiblər haqqında maraqlı lətifələr (13-cü hissə)

by | posted in: muhasibat, Məqalə, Xəbər | 0

Mühasib dostu ilə birlikdə təbiət tarixi muzeyinə gəlir. Dinozavrın yanında dayanır və dostuna deyir:

– Bu dinozavrın iki milyon, on ay yaşı var.

– Sən bunu belə dəqiqliklə haradan bilirsən?

– Özün hesabla: mən burada on ay əvvəl olmuşam və bizi muzeylə tanış edən bələdçi söyləmişdi ki, dinozavrın iki milyon yaşı var.

Siz niyə məni aldatmısınız – bankir əsəbi şəkildə mühasib vəzifəsinə yeni qəbul olunmaq istəyən gəncdən soruşur. Bəyan etmisiniz ki, bank sahəsində yeddi illik iş təcrübəniz var. Siz bu sahədə heç işləməmisiniz?!

– Axı, özünüz elanda yazmısınız ki, siz fantaziya sarıdan zəngin bir mütəxəssis axtarırsınız. Mən elə sizin istəyinizə uyğun bir mütəxəssisəm, deyə, gənc özünə bəraət qazandırır.