Oxunma sayı: 149. 461
13 Sen 2022

Əmək münasibətlərində qadınların müstəsna hüquqları

by | posted in: Xəbər | 0

qadınların hüquqları, Əmək münasibətləri,Qanunvericiliyə əsasən, əmək münasibətləri zamanı müəyyən kateqoriyalardan olan şəxslərə bəzi güzəşt və azadolmalar tətbiq edilir. İnsan resurslarının idarə olunması mütəxəssisi Nihad Əliyev Azərbaycan qanunvericiliyində qadınlara verilən müstəsna hüquqlar barədə bəhs edir.

  • Əmək Məcəlləsinin 52-ci maddəsinə əsasən, hamilə və 3 yaşına çatmamış uşağı olan qadınlara sınaq müddəti şamil edilmir.
  • Əmək Məcəlləsinin 66-cı maddəsinə əsasən, hamilə qadınların,uşağınün üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınların attestasiyası keçirilmir.
  • Əmək Məcəlləsinin 67-1-ci maddəsinə əsasən , Azərbaycan Respublikasında praktik tibb və ya əczaçılıq fəaliyyəti ilə məşğul olan hamilə qadınların, uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınların sertifikasiyası keçirilmir.
  • Əmək Məcəlləsinin 67-2-ci maddəsinə əsasən, Azərbaycan Respublikasında dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) işləyən hamilə qadınların, uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınların (uşağını təkbaşına böyüdən kişilərin) sertifikatlaşdırılması keçirilmir.
  • Əmək Məcəlləsinin 79-cu maddəsinə əsasən, hamilə, habelə üç yaşınadək uşağı olan qadınların əmək müqaviləsinin işəgötürən tərəfindən ləğv edilməsi qadağandır.
  • Əmək məcəlləsinin 91-ci maddəsinə əsasən, qısaldılmış iş vaxtının müddəti həftə ərzində hamilə və yaşyarımadək uşağı olan qadınlar və 3 yaşınadək uşağını təkbaşına böyüdən valideynlər üçün 36 saatdan artıq olmamalıdır.
  • Əmək Məcəlləsinin 94-cü maddəsinə əsasən, işçinin səhhəti və fiziolofi vəziyyəti (hamiləlik) müvafiq tibbi rəyə görə əmək funksiyasının natamam iş vaxtında yerinə yetirilməsini tələb edərsə, habelə on dörd yaşına çatmamış, yaxud sağlamlıq imkanları məhdud uşağı olan qadınlara ərizələri ilə işəgötürən natamam iş vaxtı (iş günü, yaxud iş həftəsi) müəyyən etməlidir.
  • Əmək Məcəlləsinin 98-ci maddəsinə əsasən , gecə vaxtı görülən işlərə hamilə və üç yaşınadək uşağı olan qadınların cəlb edilməsinə yol verilmir.
  • Əmək Məcəlləsinin 125-ci maddəsinə əsasən, hamiləlik dövründə və doğuşdan sonrakı dövr üçün işləyən qadınlara 126 təqvim günü (doğuşdan əvvəl 70 təqvim günü və doğuşdan sonra 56 təqvim günü) müddətində ödənişli məzuniyyət verilir. Doğuş çətin olduqda iki və daha çox uşaq doğulduqda doğuşdan sonrakı məzuniyyət 70 təqvim günü müddətində verilir.

Kənd təsərrüfatı istehsalında çalışan qadınlara hamiləliyə və doğuşa görə məzumiyyət aşağıdakı müddətlərdə verilir:

– normal doğuşda 140 təqvim günü (doğuşdan əvvəl 70 təqvim günü və doğuşdan sonra 70 təqvim günü);
– doğuş çətin olduqda 156 təqvim günü (doğuşdan əvvəl 70 təqvim günü və doğuşdan sonra 86 təqvim günü;,
– iki və daha çox uşaq doğulduqda 180 təqvim günü (doğuşdan əvvəl 70 təqvim günü və doğuşdan sonra 110 təqvim günü).

  • Əmək Məcəlləsinin 131-ci maddəsinə əsasən, qadınların hamiləliyə və doğuşa görə – sosial məzuniyyətdən bilavasitə əvvəl, yaxud sonra əmək müqaviləsinin bağlandığı vaxt nəzərə alınmadan işin birinci ili üçün əmək məzuniyyətindən istifadə etmək hüququ var.
  • Əmək Məcəlləsinin 240-cı maddəsinə əsasən, hamilə və ya 3 yaşına çatmamış uşağın olması səbəbinə görə qadınla əmək müqaviləsinin bağlanmasından imtina etmək yolverilməzdir. Bu qayda işəgötürənin müvafiq işi (vəzifəsi) olmadığı, habelə qadın əməyindən istifadə olunmasına yol verilməyən iş yerlərinə işə götürməkdən imtina olunan hallara şamil olunmur.

İşəgötürən hamilə və ya 3 yaşına çatmamış uşağı olan qadınla bu səbəblərə görə əmək müqaviləsi bağlamaqdan imtina etdikdə, qadın imtinanın səbəbi barədə işəgötürəndən yazılı cavab verilməsini tələb etmək hüququna malikdir. Əmək müqaviləsi bağlamaqdan imtina edilməsinin səbəblərinə görə qadın öz hüququnun müdafiə olunması üçün məhkəməyə müraciət edə bilər.

  • Əmək Məcəlləsinin 241-ci maddəsinə əsasən, hamilə və 3 yaşınadək uşağı olan qadınların bu maddədə nəzərdə tutulmuş işlərin görülməsinə cəlb olunması qadağandır.
  • Əmək Məcəlləsinin 242-ci maddəsinə əsasən, hamilə qadınların və 3 yaşına çatmamış uşağı olan qadınların gecə işlərinə, iş vaxtından artıq işlərə, istirahət, iş günü hesab edilməyən bayram və digər günlərdə işə cəlb edilməsinə, habelə onların ezamiyyətə göndərilməsinə yol verilmir.
  • Əmək Məcəlləsinin 243-cü maddəsinə əsasən, tibbi rəyə uyğun olaraq hamilə qadınlar üçün hasilat və ya xidmət norması azaldılır, yaxud onlar zərərli istehsal amillərinin təsirini istisna edən daha yüngül işə keçirilirlər.

Hamiləlik və ya uşağının yedizdirilməsi səbəblərinə görə qadınların əməkhaqqının azaldılması qadağandır.

  • Əmək Məcəlləsinin 245-ci maddsənə əsasən, hamilə, 14 yaşına çatmamış uşağı, yaxud sağlamlıq imkanları məhdud uşağı olan, habelə tibbi rəy əsasında xəstə ailə üzvünə qulluq edən qadınların xahişi ilə işəgötürən onlara işlənmiş vaxta mütənasib əmək haqqı ödənilən natamam iş günü və ya natamam iş həftəsi müəyyən etməlidir. Bu halda qadının gündəlik və ya həfləlik iş vaxtının müddəti tərəflərin razılığı ilə müəyyən edilir.

Hamilə və 3 yaşınadək uşağı olan qadınların həm özünün, həm də uşağının tibb müəssisələrində dispanser və ambulator müayinələrinin keçirildiyi, həkim məsləhətləri aparıldığı günlərdə orta əməkhaqqı saxlanılır. Belə müayinələrin keçirilməsi üçün işəgötürən hökmən hamilə qadınlara zəruri şərait yaratmalıdır.
Mənbə. “Əmək qanunvericiliyinin tətbiqi və əməkhaqqı hesablanması zamanı yaranan aktual məsələlərin tam praktiki izahı” kitabı.

Mənbə: vergiler.az

ƏDV qeydiyyatı keçmiş tarixlə aparıldıqda bəyannamə necə təqdim edilməlidir?

12 Sen 2022

ƏDV qeydiyyatı keçmiş tarixlə aparıldıqda bəyannamə necə təqdim edilməlidir?

by | posted in: Xəbər | 0

ƏDV qeydiyyatı, ƏDV bəyannamələri,Suala vergi mütəxəssisi Xəyal Feyzullayev aydınlıq gətirir.

Vergi Məcəlləsinin 177.5-ci maddəsində göstərilir ki, qeydiyyat Məcəllənin 157.3.3-cü maddəsinə uyğun olaraq keçmiş tarixlə aparıldıqda, vergi ödəyicisi qeydiyyatın qüvvəyə mindiyi tarixdən etibarən vergiyə cəlb edilən əməliyyatlar üzrə ƏDV ödəməlidir və müəyyən edilmiş qaydada vergi məbləğlərini əvəzləşdirmək hüququna malikdir. Müvafiq əməliyyatlar vergi ödəyicisi tərəfindən verilən birinci bəyannamədə əks etdirilməlidir. Bu əməliyyatlar bəyannamənin verildiyi ay ərzində aparılmış əməliyyatlar sayılır.

Lakin qeydiyyat Vergi Məcəlləsinin 157.3.1-ci maddəsinə uyğun olaraq keçmiş tarixlə aparıldıqda, həmin dövrlər üzrə müvafiq əməliyyatların vergi ödəyicisi tərəfindən verilən birinci bəyannamədə əks etdirilməsi halı Məcəllənin 177.5-ci maddəsində nəzərdə tutulmadığından vergi ödəyicisi qeydiyyat qüvvəyə mindiyi tarixdən etibarən ƏDV bəyannamələrini hər ay üzrə ayrı-ayrılıqda təqdim edilməlidir.

Belə ki, Vergi Məcəlləsinin 177.5-ci maddəsi 157.3.1-ci maddəyə deyil, bilavasitə 157.3.3-cü maddəyə əsaslandığı üçün müvafiq əməiyyatların vergi ödəyicisi tərəfindən birinci bəyannamədə əks etdirilməsini bildirir.

Misal 1: Sadələşdirilmiş vergi ödəyicisi olan “A” MMC 1 avqust 2022-ci ildə vergi orqanına könüllü olaraq ƏDV məqsədləri üçün qeydiyyata dair ərizə verərək ƏDV qeydiyyatının qüvvəyə mindiyi tarixin 1 yanvar 2020-ci il olduğunu qeyd edib. Vergi orqanı tərəfindən Vergi Məcəlləsinin 157.3.3-cü maddəsinə əsasən “A” MMC ƏDV qeydiyyatına alınıb. Qeydiyyatın qüvvəyə mindiyi tarix 1 yanvar 2020-cu il qəbul edilib. Bu halda “A” MMC 1 yanvar 2020-ci il tarixdən 31 avqust 2022-ci il tarixədək olan dövr üzrə vergi tutulan əməliyyatlarını və həmin dövr üzrə qanunvericilikdə müəyyən edilmiş qaydada əvəzləşdirilən ƏDV məbləğlərini birinci bəyannamədə, yəni 2022-ci ilin avqust ayının ƏDV bəyannaməsində göstərməlidir.

Misal 2: Sadələşdirilmiş vergi ödəyicisi olan “B” MMC əvvəlki hesabat dövrlərində ƏDV məqsədləri üçün qeydiyyata dair ərizə vermək öhdəliyinin yarandığı və qanunvericiliyə əsasən məcburi olaraq 1 yanvar 2020-ci il tarixdən qeydiyyatın qüvvəyə minməli olduğu halda, vergi orqanına ərizə təqdim etməyib. Qeyd olunan kənarlaşma vergi orqanı tərəfindən 2022-ci ilin avqust ayında aşkar edilib və MMC məcburi qaydada ƏDV qeydiyyatına alınıb. Bu halda, MMC 1 yanvar 2020-ci il tarixdən 31 avqust 2022-ci il tarixədək olan dövr üzrə hər ay üzrə ayrı-ayrılıqda ƏDV bəyannamələri təqdim etməlidir. Bundan əlavə, “B” MMC Vergi Məcəlləsinin 57-ci və 58-ci maddələrinə əsasən məsuliyyətə cəlb oluna bilər.

Mənbə: vergiler.az

Borcun tələb edilməsinin bilinməyən, lakin faydalı üsulu – icra qeydi

12 Sen 2022

Borcun tələb edilməsinin bilinməyən, lakin faydalı üsulu – icra qeydi

by | posted in: Xəbər | 0

icra qeydi, Borcun tələb edilməsi,Mövcud qanunvericiliyə əsasən bir şəxsin digər şəxsə verdiyi borcun ödənilməməsi ilə əlaqədar məhkəməyə müraciət edilərkən 1000 manatadək məbləğdə iddia tələbləri üzrə 30 manat məbləğində, bu məhkəməyə müraciət edilmədən həyata keçirildikdə isə notariusun icra qeydi ilə aparılarsa, 25 manat məbləğində dövlət rüsumu ödənilməlidir. Qeyd edək ki, məhkəməyə müraciət üzrə iddia tələbinin məbləği daha çox olduqda, dövlət rüsumunun məbləği 1290 manatdan da çox ola bilir. İcra qeydi üzrə isə bu rüsum sabit həcmdə müəyyən edilmişdir.

İcra qeydi kimlər tərəfindən aparılır?

Ölkə ərazisində dövlət və ya xüsusi notarius vasitəsilə, ölkə xaricində isə Azərbaycan Respublikası konsulluqlarında (10 USD dövlət rüsumu ödəməklə) müvafiq icra qeydləri əsasında borcludan tələb edilən məbləğ geri alına bilər.

Borcludan pul məbləğlərini tutmaq və ya əmlakı tələb edib almaq üçün borclunun olduğu yer üzrə notarius borcu müəyyən edən sənədlərdə icra qeydləri aparmalıdır. Bu icra qeydləri yalnız təqdim olunan sənədlər borcun mübahisəsiz olduğunu təsdiq etdiyi halda tətbiq edilir. Notariusa yazılı və ya elektron imza ilə bu barədə müraciət etmək mümkündür. Nəzərə almaq lazımdır ki, icra qeydi məhkəmə qətnaməsinə bərabər hüquqi statusa malik olmaqla, yenidən məhkəmə qərarı tələb edilmədən icra məmurları tərəfindən borcun tələb edilməsinə əsas verən icra sənədi hesab edilir. Onu da qeyd edək ki, məhkəmə qətnaməsi 1 ay ərzində icraya yönəldiyi halda, icra qeydi dərhal icra məmuru tərəfindən icraya götürülür.

Tələbkar şəxs notariusa (konsulluğa) müraciət etdiyi vaxtdan 1 iş günü müddətində müraciət üzrə icra qeydi aparılır və elektron qaydada icra məmurlarının sisteminə icra sənədini göndərir. Halbuki məhkəməyə müraciət zamanı prosedur müddətlər daha çox vaxt tələb edir.

İcra qeydinin aparılması üçün şəxs notariusa pulun ödənilməsini, əmlakın qaytarılmasını və ya verilməsini tələb edən notariat qaydasında təsdiq olunmuş əqdin əslini təqdim etməlidir. Həmçinin qeyd edək ki, icra qeydləri digər hallar üzrə də aparıla bilər. Həmin hallara aiddir:

  • Hesablaşma və kredit münasibətlərindən irəli gələn əsaslarla borcun alınması;
  • İşçilər əmək münasibətlərini pozduqda, onların müəssisəyə, idarəyə və təşkilata ödəmədikləri borcun alınması;
  • Nisyə alınmış mallar üçün borcun və müamilənin alınması;
  • Yüklərin daşınmasından əmələ gələn borcun və müəyyən edilmiş müddət ərzində dispaşa üzrə çatası məbləğlərin alınması;
  • Taranı vaxtında qaytarmamağa görə cərimənin alınması;
  • Yaşayış və qeyri-yaşayış sahələrindən kirayə müqavilələri üzrə, habelə kommunal xidmətləri üçün borcun alınması;
  • Müəlliflik hüququ ilə əlaqədar münasibətlərdən əmələ gələn borcun alınması;
  • Uşaqları uşaq tərbiyə müəssisələrində saxlamağa görə valideynlərdən borcun alınması və digər hallar.

Bu hallarla bağlı sənədlərin siyahısı Nazirlər Kabinetinin müvafiq qərarı ilə təsdiq edilmişdir. Göründüyü kimi icra qeydləri əsasında aparılan tələblərin icrası və tələb edilməsi qaydası daha sərfəlidir.

“Notariat haqqında” Qanun

“Dövlət rüsumu haqqında” Qanun

“İcra haqqında” Qanun

“Borcların icra qeydləri əsasında mübahisəsiz qaydada alınmasına əsas olan sənədlərin siyahısının təsdiq edilməsi haqqında” Nazirlər Kabinetinin Qərarı.

İnzibati cərimənin əməkhaqqıdan tutulması

12 Sen 2022

Niyə biznes müasir texnologiyaya ehtiyac duyur?

by | posted in: Məqalə, Xəbər | 0

yeni texnologiyalarRazılaşın ki, müasir texnologiyalar şirkətlərdə müsbət dəyişikliklərə, onun artımına və inkişafına doğru əhəmiyyətli addımdır. Texnologiyaların nəzərə alınmaması deqradasiyaya bərabərdir, çünki çoxsaylı rəqiblər artıq onları tətbiq edirlər. Yeni texnologiyaları tətbiq edən şirkətlər potensialı genişləndirmək, müştəri loyallığını artırmaq və ümumiyyətlə, yaxşı perspektivləri görmək imkanı əldə edirlər.

Alətlərin məsələsi

Şirkətlərin işini daha yüksək səviyyəyə avtomatlaşdırma alətləri çıxara bilər. Onlar biznesdə gedən proseslərə nəzarət edir və onları idarə edirlər. Bu alətlər geniş tanınan “fərdi yanaşmanı” təmin edirlər. Onlar bir sıra məsələlərin həllinə görə məsuliyyət daşıyırlar:

  • Satıcı və alıcı şirkətlər arasında əlaqələr qurmağa kömək edirlər.
  • Xərcləri optimallaşdırır və gəlirləri artırırlar.
  • Əməkdaşların əmək məhsuldarlığını artırırlar.
  • Biznesi avtomatlaşdırırlar.
  • Yeni məhsulun populyarlaşmasını təmin edirlər.
  • Rəqiblərdən öndə olmağı təmin edir, məhsulun və şirkətin bazarda mövqeyini yaxşılaşdırırlar.
  • Marketinq üsullarının keyfiyyətini yaxşılaşdırır və effektiv inkişaf strategiyası hazırlamağa kömək edirlər.

Biznesi təbliğ etməyə və fasiləsiz işi təmin etməyə imkan verən müasir yanaşmadan, demək olar ki, istənilən seqmentdə istifadə etmək olar. Hər şey sadə elementdən başlanır. Yeni texnologiyaların biznesdə tətbiqinin ilk mərhələsi rəqəmsallaşdırma hesab olunur.

Müasir texnologiyalarda 8 tendensiya

  • Hiperavtomatlaşdırma

O, tapşırıqları əhəmiyyətli şəkildə asanlaşdırır. Hiper-avtomatlaşdırma istənilən biznes seqmentində fəaliyyətləri təşkil etməyə qadirdir. O, səmərəlilik göstəricilərini artırır, xərcləri optimallaşdırır, şirkətin idarə olunmasına kömək edir. İnsanları tamamilə əvəz etmək mümkün deyil, lakin səyləri birləşdirmək — bununla da biznes imkanlarını genişləndirmək – mümkündür.

  • Multisensor təcrübəsi

infomasiya təhlükəsizliyiTəcrübənin müxtəlifliyi yeni texnologiyalar sahəsində biliklərə malik olan insanları birləşdirməyə və biznes-planı təkmilləşdirməyə kömək edir. Yeni təcrübənin tətbiqi sayəsində biz çərçivədən kənara çıxırıq, baxmayaraq ki, onlarla işləməyə öyrəşmişik. Məsələn, “Domino’s Pizza” tətbiqdə müştəri təcrübəsindən yararlanmağa və müştərilərin şirkətlə qarşılıqlı əlaqə prosesini təkmilləşdirən bir çox alətlər hazırlamağa müvəffəq olmuşdur. Bu tendensiya aşağıdakı komponentləri birləşdirir:

  1. Artırılmış və virtual reallıq.
  2. Maşın interfeysləri.
  3. Sensorlu texnologiyalar.

  • Texnologiyaların demokratikləşdirilməsi

Bu, insan və süni intellekt arasında yaranan qarşılıqlı bir əlaqədir. Yeni məhsul yaratmaq üçün müəyyən bir sahədə mütəxəssis və ya aparıcı mütəxəssis olmamağa imkan verir. Texnologiyaların demokratikləşdirilməsi sayəsində insanlar biznes və texnologiyalar haqqında zəngin bilik əldə edə bilərlər. O, 4 əsas sahədə qurulur:

  1. Dizayn və təhlil.
  2. Məlumatlar və təhlil.
  3. Əlavələrin hazırlanması.
  4. İnsanın bilikləri.

Yeni texnologiyaların inkişafındakı bu tendensiya sadə həllərdən istifadə edərək mürəkkəb problemləri həll etməyə kömək edir.

  • Qavrayışın yaxşılaşdırılması

Növbəti tendensiya — insan qavrayışının (həm fiziki, həm də idrakın) yaxşılaşdırılması üçün texnologiyaların tətbiqidir. Bu, sensor qavrayışa və biofunksiyaya təsir edən cihazların (protezlər, ekzoskeletlər və s.) yaradılmasıdır. Gələcəyin insanının planlarına öz imkanlarının durmadan genişləndirilməsi daxildir.

  • Etimad böhranı ilə mübarizə

Şəffaflıq və izləmək imkanı da az əhəmiyyət daşımır. Yeni texnologiyalar səbəbindən etimad böhranı aktuallaşır. İstifadəçilər təhsilli və məlumatlı insanlara çevrilirlər. Buna görə də etibarın əsas elementlərinin əhəmiyyəti artır. Onların arasında dürüstlük və açıqlıq, səlahiyyət və etika, ardıcıllıq və hesabatlılıq var.

Bu tendensiya sayəsində müştərilərin loyallığı artır, məhsul istehlakçısı ilə biznes arasında yaranan münasibətlər yaxşılaşır. O, bir tərəfdən təxribatçıdır, digər tərəfdən isə etimad böhranının aradan qaldırılmasına imkan verir.

  • İmkanların genişləndirilməsi

Bu gün insan çox kontent istehlak edir, ona görə də onu operativ, özü də asan və anlaşılan formada təmin etmək lazımdır. Beləliklə, sərhəd hesablamalarını təkmilləşdirmək məqsədəuyğundur. Yalnız texnologiyalar informasiyanın insan üçün rahat formada translyasiyasını təmin etməyə və qavrayış imkanlarını genişləndirməyə qabildir.

  • Praktikada blokçeyn

Blokçeyn – bu, aktivləri izləməyə kömək edən bir texnologiyadır, hakimiyyətin iştirakı olmadan tərəflərin qarşılıqlı əlaqəsi və dəyər mübadiləsini təmin edir. Bloklar zəncirlərindən istifadə, biznesə mərkəzləşdirilmiş şəkildə yaxınlaşmağa imkan verir, lakin şirkət daxilində mərkəzsizləşməni saxlayır. Bu, biznesdə strategiyaların idarə edilməsi üsuludur.

  • İnfomasiya təhlükəsizliyi

Biznes cəmiyyətinin transformasiyası — ayrılmaz prosesdir, onun əsas səbəbləri avtonomluq və hiperavtomatikləşdirmədir. Buna baxmayaraq, təhlükəsizlik məsələsi də ortaya çıxır. Buna görə, yeni texnologiyaları hazırlayanlar, ümumiyyətlə, məlumatların və biznesin qorunması üçün məsuliyyət daşıyırlar.

Süni intellektdən müxtəlif seqmentlərdə aktiv istifadə edilməsi səbəbindən hücumlardan müdafiə yolları işlənib hazırlanıb, kibertəhlükəsizlik təmin edilir. Bu, illər ərzində dəbdən düşməyəcək bir trenddir.

Avtomatlaşdırma yolunda ilk addım

Başlanğıc üçün şəxsi saytınızı işləyib hazırlayın. Bu tapşırığa rəqəmsallaşma kimi oflayn sərhədləri aşan bayağı bir iş kimi baxmayın. Ona kölgəyə çəkilməmək, mümkün qədər çox yeni müştəri cəlb etmək üçün bir fürsət kimi baxın.

Böyük məlumatları emal etmək və gələcəkdə qarşılıqlı əlaqə yaratmaq üçün bu məlumatları haradansa götürməlisiniz. Miqyaslana bilən resurs yaratmaqdan başlayın. O, işə başlamağa kömək edəcək və daha da inkişaf etdirmək üçün imkanlar açacaq. İstifadəçiyə asan oxunan məzmunu, həmçinin onu istənilən cihazdan qəbul etmək imkanı verin. Elə edin ki, potensial müştəri malı seçmək üçün anbara və ya mağazaya getməli olmasın. Sizin biznes rəvan şəkildə onun həyatına daxil olmalıdır və mümkün qədər uzun müddət orada qalmalıdır.

Yeni texnologiyalar biznes proseslərini idarə etməyə, köhnə müştəriləri saxlamağa və yeniləri cəlb etməyə imkan verir. Biznes transformasiya prosesindən keçir, texnologiyalar onun ayrılmaz hissəsinə çevrilir. Bu, qaçılmazdır və biznesə artım və inkişaf lazımdır.

Dünyanın ən nəhəng audit şirkətləri

1 … 638 639 640 641 642 643 644 … 2. 690