“Auditorun şəxsi kabineti” adlı elektron portal istifadəyə veriləcək
Auditorlar Palatası üzvü olan auditorlar üçün “Auditorun şəxsi kabineti” adlı elektron portal istifadəyə verməyə hazırlaşır.
Bu barədə Auditorlar Palatasının İnnovasiyaların tətbiqi idarəsinin rəisi Elnur İbrahimov məlumat verib.
“Bu ilin may ayından bu elektron portal üzərində iş gedir. Çalışacağıq ki, bu ilin sonuna qədər bu işi yekunlaşdıraq, portalı istifadəyə verək”, – deyə o qeyd edib.
Bax: Auditorlar Palatası daxili auditor kadrlarının hazırlanması üzrə hazırlıq kurslarını davam etdirir
E.İbrahimovun sözlərinə görə, elektron portal auditorların işini xeyli asanlaşdıracaq: “Hazırda auditorlar bəzi hesabatları Auditorlar Palatasında əllə təqdim edir. “Auditorun şəxsi kabineti” elektron portalı istifadəyə verildikdən sonra buna ehtiyac olmayacaq. Onları şəxsi kabinetə daxil olmaqla, “ASAN İmza” və yaxud “Elektron İmza”dan istifadə etməklə həmin hesabatları Palataya təqdim edə biləcəklər.
Bundan başqa, Auditorlar Palatanın lisenziya əsasında hazırladığı bəzi qanunvericilik aktları var ki, onlar dərc olunmur. Bunların da əksəriyyəti tərcümələrdir və Palatanın internet səhifəsində ingilis dilində yerləşdirilib, Azərbaycan dilində yerləşdirmək hüququnu isə hələ ki, əldə etməmişik. Amma auditorlar üçün həmin tərcümələr elektron portalda yerləşdiriləcək və onlar bu tərcümələrdən şəxsi kabinetə daxil olmaqla istifadə edə biləcəklər”.
Mənbə: report.az
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Vergi ödəməkdən yayındığı sübut edilmiş məşhur Çin aktrisası Fan Binbinə təxminən 884 milyon yuan (130 milyon ABŞ dollarına yaxın) pul cəzası kəsilmişdir.
Avropa İttifaqı (Aİ) ölkələri e-kitab kimi elektron nəşrlərdən tutulan əlavə dəyər vergisinin (ƏDV) miqyasını aşağı salmaq haqqında razılaşmaya gəlmişdir. Aİ-yə üzv olan 28 ölkənin maliyyə nazirləri İqtisadi və Maliyyə İşləri Şurasının iclasını keçirmək üçün Lüksemburqda toplaşmışlar.