Blog Full - Muhasibat.Az

Oxunma sayı: 137. 168

3 Apr 2018

Sahibkarların təkliflərinə 1 ay ərzində baxılacaq

by | posted in: Vergi, Xəbər | 0

Azərbaycan sahibkarlarının Vergilər Nazirliyinə ünvanladığı təkliflərə 1 ay ərzində baxılacaq.

Bunu jurnalistlərə vergilər nazirinin müavini Sahib Ələkbərov deyib.

O, vergi ödəyicilərinin təkliflərinin hansı məsələlərlə bağlı olduğunu da açıqlayıb: “Təkliflər əsasən nağdsız ödənişlər, sənədlərin verilməsi, vergi inzibatçılığı, vergi qanunvericiliyi ilə bağlıdır. Bu təkliflərin hər birinə diqqətlə yanaşacağıq. Bir ay ərzində bu təklifləri araşdırıb müvafiq instansiyalara təqdim edəcəyik və parlamentdə büdcə paketi ilə birlikdə baxılacaq”.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

3 Apr 2018

Vergilər Nazirliyi: Bəzi sahibkarlar POS-terminal işlətməkdən imtina edir

by | posted in: Xəbər | 0

“Hazırda Azərbaycanda böyük otellərin, ticarət və ictimai iaşə müəssisələrinin hamısında POS-terminallar var”.

Bunu jurnalistlərə açıqlamasında vergilər nazirinin müavini Sahib Ələkbərov deyib.

Onun sözlərinə görə, bəzi kiçik müəssisələr POS-terminal işlətməkdən imtina edir: “Doğrudan da kiçik otellərdə, kiçik turist obyektlərində, mağazalarda bu və yaxud digər bəhanələri əsas gətirərək deyirlər ki, POS-terminal yoxdur. Amma axtaranda piştaxtanın altında tapılır. Bu, işləməlidir. Görünür ki, qanunvericilik baxımından bu barədə düşünülməlidir. POS-terminaldan imtinaya görə müəyyən tələblər qoyulmalıdır”.

Nazir müavini son illər POS-terminalların sayının azalmasına da münasibət bildirib: “Bu, bank sektorunda baş verən dəyişikliklə bağlıdır. Bağlanan banklar oldu, başqa suallar ortaya çıxdı. Amma bu məsələ tədricən yoluna düşəcək. Nağdsız heaablaşmalara keçməyin alternativi yoxdur. Əgər kimsə geriyə qayıdış olacağını fikirləşirsə, yanılır. Bu, mümkün deyil. Dünya bir istiqamətdə gedir və biz onun əksinə gedə bilmərik və getməyəcəyik”.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

3 Apr 2018

Vergilər Nazirliyi işə qəbulla bağlı xüsusi strategiya qəbul edib

by | posted in: Vergi, Xəbər | 0

Vergilər Nazirliyi 2017-2019-cu illərdə işə qəbulla bağlı xüsusi strategiya qəbul edib.

Bunu vergilər nazirinin müavini Sahib Ələkbərov deyib.

Onun sözlərinə görə, nazirlik innovativ fikirli əməkdaşlara ehtiyac duyur.

Bundan başqa, nazir müavini deyib ki, indiyə qədər Dövlət İmtahan Mərkəzi ilə əməkdaşlıq çərçivəsində 1 356 nəfərdən çox şəxs işə qəbul olunub ki, onlar da nazirlik əməkdaşlarının yarısından çoxunu təşkil edir.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

3 Apr 2018

Azərbaycan və Qırğızıstanın audit qurumları arasında əməkdaşlıq sazişi imzalana bilər

by | posted in: Audit, Xəbər | 0

Azərbaycan Qırğızıstana audit qurumları arasında əməkdaşlığın gələcəkdə daha da gücləndirilməsi məqsədi ilə ikitərəfli əməkdaşlıq üzrə sazişin imzalanmasını təklif edib.

Belə bir təkliflə Qırğızıstanda və Rusiyada səfərdə olan Azərbaycanın Hesablama Palatasının nümayəndə heyəti çıxış edib.

Qırğızıstana səfərin məqsədi ikitərəfli əməkdaşlıq əlaqələrinin gücləndirilməsi, eləcə də iki qurum arasında müvafiq sahələr üzrə bilik və təcrübə mübadiləsinin gələcək istiqamətlərini müəyyən etməkdən ibarət olub.

Nümayəndə heyətinin səfərinin növbəti hissəsi Moskva şəhərində Rusiya Federasiyası Hesablama Palatası tərəfindən keçirilmiş büdcə prosesi, metodologiya və ictimaiyyətlə əlaqələr və informasiya mövzusunda keçirilmiş seminarda iştirakla bağlı olub.

Seminarın sonunda Azərbaycan və Rusiyanın Hesablama Palataları arasında gələcək əməkdaşlıq əlaqələri gücləndirilməsi və inkişafı məsələləri ətraflı şəkildə müzakirə edilib.

Mənbə: report.az