Blog Full - Muhasibat.Az

Oxunma sayı: 137. 096

29 Mar 2018

Mühasib və dostları əlbir olarsa…

by | posted in: muhasibat, Məqalə, Xəbər | 0

Rostovda 106.000 manat pulu oğurlamış mühasib mühakimə olunub.

Kirov rayon məhkəməsi sosial sığorta Fondunun pul vəsaitləri ilə bağlı dələduzluq etmiş şəxslərdən biri haqda hökm çıxarıb. İstintaqın məlumatına görə qadın digər iştirakçılarla birlikdə sənədləri saxtalaşdırmaq yolu ilə Fondun hesabından 106.000 manat (36 milyon rubl) pul çıxarıb. Buna görə ona beş il şərti cəza verilib.

İttiham olunan və onunla işbirliyi təşkil edən on nəfər Fonda saxta sənədlər təqdim etməklə (misal üçün analıq məzuniyyəti ilə bağlı ödənişlər və s.), bu əsasda ödəniş üçün zəmin hazırlayıblar. Sonra isə həmin sənədlər əsasında cinayətkarlar vəsaitləri Fondun hesabından özlərinin nəzarətində olan 18 şirkətin hesabına köçürüblər və daha sonra pulları nağdlaşdıraraq, bankın kassasından ələ keçiriblər.

Ümumilikdə, işbirliyində olan bu şəxslər 173 ədəd saxta ödəniş həyata keçiriblər ki, bununla da əvvəlcədən əlbir olmaqla saxta sənədlər düzəldiblər – DİN-nin Rostov vilayəti üzrə baş idarəsindən belə deyiblər.

Söhbət sosial sığorta Fondunun Rostovdakı filiallarından birinin baş mühasibi işləmiş Svetlana Nasledişevadan gedir. Polis əməkdaşları iki maddə üzrə daha on iştirakçı barəsində cinayət işi qaldırıb.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

29 Mar 2018

“Baktelecom” auditi bu şirkətə həvalə etdi

by | posted in: Audit, Xəbər | 0

“Bakı Telefon Rabitəsi” MMC-nin (“Baktelecom”) 2017-2019-cu illər üçün auditini aparacaq şirkətin adı açıqlanıb.

Şirkətin auditini “PricewaterhouseCoopers Azerbaijan” (“PwC Azerbaijan”) audit şirkəti həyata keçirəcək.

Qeyd edək ki, hər iki şirkət auditin həyata keçirilməsi ilə bağlı martın 1-də 208,860 min manatlıq müqavilə imzalayıb.

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

29 Mar 2018

İşsizlikdən sığorta haqqında qaydaların pozulması ilə əlaqədar cəzalar sərtləşdirilir

by | posted in: Xəbər | 0

Milli Məclisin Əmək və sosial siyasət komitəsinin iclasında İnzibati Xətalar və Cinayət Məcəllələrinə dəyişikliklər müzakirə olunub.

Layihə barədə məlumat verən komitə sədri Hadi Rəcəbli bildirib ki, işsizlikdən sığorta haqqında qaydaların pozulması ilə əlaqədar sərtləşdirmələr nəzərdə tutulur.

Cinayət Məcəlləsinin 213-cü (Vergi ödəməkdən yayınma) maddəsinə təklif olunan dəyişikliyə əsasən maddənin adı dəyişdirilərək belə verilir: “Vergiləri, işsizlikdən sığorta və ya məcburi dövlət sosial sığorta haqlarını ödəməkdən yayınma”.

Maddənin 1-ci bəndinə isə “işsizlikdən sığorta” sözü əlavə edilir. İnzibati Xətalar Məcəlləsində bununla bağlı cəza mexanizminin tətbiqi təklif olunur.

Məcəlləyə yeni 477-1-ci maddəsi əlavə edilir:

Sığorta edən tərəfindən işsizlikdən sığorta haqqında qanunvericiliyin pozulması, yəni:
İşçilərin işsizlikdən sığorta etdirilməməsinə,
“İşsizlikdən sığorta haqqında” qanunla müəyyən edilən qaydada, məbləğdə və vaxtda sığorta haqqının sığortaçıya ödənilməməsinə,
Əmək Məcəlləsinin 77-ci maddəsinin 1-ci hissəsinə uyğun olaraq, işçiyə xəbərdarlıq edildiyi gündən 5 gün müddətində həmin işçinin peşəsi, ixtisası və əməkhaqqı barədə sığortaçıya rəsmi məlumat verilməməsinə,
Sığorta haqqının hesablanmasına və ödənilməsinə, sığorta ödənişinin təyin edilməsinə əsas olan məlumatları sığortaçıya təqdim edilməməsinə,
Mülki Məcəllə ilə müəyyən edilən hallarda özünün yenidən təşkil olunması və ya ləğv edilməsi barədə sığortaçıya məlumat verilməməsinə,
Sığorta haqqının hesablanmasının və köçürülməsinin uçotunun düzgün aparılmamasına və bu barədə sığortaçıya və hesabatın təqdim edilməməsinə, sığorta ödənişi üçün əsas olan sənədlərin və məlumatların qorunub saxlanılmasının təmin edilməməsinə görə

fiziki şəxslər 100 manat məbləğdə, vəzifəli şəxslər 200 manat məbləğdə, hüquqi şəxslər 400 manat məbləğində cərimə edilir.

Sığortaolunan tərəfindən sığorta ödənişinin miqdarının dəyişməsinə və ya dayandırılmasına səbəb olan “İşsizlikdən sığorta haqqında” qanunla müəyyən olunan hallar barədə 10 gündən gec olmayaraq sığortaçıya məlumat verilməməsinə görə inzibati xəta nəticəsində vurulan ziyanın bir misli miqdarında cərimə təyin edilir.

Layihələr plenar iclasa tövsiyə olunub.

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

29 Mar 2018

4 xarici şirkətin filialı və 13 şirkət ləğv edildi

by | posted in: Xəbər | 0

“Lekrus” MMC (VÖEN: 1301018051) ləğv olunduğunu elan edir. Kreditorlar tələblərini Bakı şəhəri, Nəsimi rayonu, 20 Yanvar küçəsi, ev 15, mənzil 39 ünvanına bildirə bilərlər.
“Bağban-1” MMC (VÖEN: 7700453611) ləğv olunduğunu elan edir. Kreditorlar tələblərini Bakı şəhəri, Nəsimi rayonu, 20 Yanvar küçəsi, ev 15, mənzil 39 ünvanına bildirə bilərlər.
“MAKSEM MÜSTƏQİL” Kiçik Müəssisəsi (VÖEN: 1600229761) ləğv olunduğunu elan edir. Kreditorlar tələblərini Bakı şəhəri, Azərbaycan prospekti 28 ünvanına bildirə bilərlər.
“UİLLİ ƏND MEYRİS S.A” şirkətinin Azərbaycan Respublikasındakı Nümayəndəliyi (VÖEN: 1700851421) ləğv olunduğunu elan edir. Kreditorlar tələblərini Bakı şəhəri, Ələsgər Qayıbov küçəsi 10Q, STN Plaza 11-ci mərtəbə ünvanına bildirə bilərlər.
“LONDEKS RESORSİZ S.A” şirkətinin Azərbaycan Respublikasındakı Nümayəndəliyi (VÖEN: 1300981111) ləğv olunduğunu elan edir. Kreditorlar tələblərini Bakı şəhəri, Ələsgər Qayıbov küçəsi 10Q, STN Plaza 11-ci mərtəbə ünvanına bildirə bilərlər.
“Kür –Ə” MMC (VÖEN: 2000878031) ləğv olunduğunu elan edir. Kreditorlar tələblərini Bakı şəhəri, Xətai rayonu, General Səmədbəy Mehmandarov küçəsi, ev 42, mənzil 32 ünvanına bildirə bilərlər.
“TƏRLAN” MMC (VÖEN: 1400304011) ləğv olunduğunu elan edir. Kreditorlar tələblərini Bakı şəhəri, Nəsimi rayonu, Y.Vəzirov küçəsi, döngə 1, ev 27A ünvanına bildirə bilərlər.
“MTU Motor Türbin Sənaye və Ticarət Anonim Şirkəti”nin Azərbaycan Respublikasındakı Nümayəndəliyi (VÖEN: 1701695631) ləğv olunduğunu elan edir. Kreditorlar tələblərini Bakı şəhəri, Səbail rayonu, Nizami küçəsi, ev 90A ünvanına bildirə bilərlər.
“MƏŞRİQ” MMC (VÖEN: ləğv olunduğunu elan edir. Kreditorlar iki ay ərzində tələblərini Baki şəhəri, Nərimanov rayonu, Mustafa Kamal Atatürk, ev 3, mənzil 37 ünvanına bildirə bilərlər.
“Nurn-2016” MMC (VÖEN: 2903653651) ləğv olunduğunu elan edir. Kreditorlar iki ay ərzində tələblərini Sumqayıt şəhəri, 8-ci mkr, ev 20A ünvanına bildirə bilərlər.
“Əngəlan” Kiçik Müəssisəsi (VÖEN: 1400763711) ləğv olunduğunu elan edir. Kreditorlar iki ay ərzində tələblərini Baki şəhəri, Nəsimi rayonu, Cavadxan küçəsi, ev 29 A ünvanına bildirə bilərlər.
“Şahdağ-2003” MMC (VÖEN: 4500021221) ləğv olunduğunu elan edir. Kreditorlar iki ay ərzində tələblərini Quba şəhəri, N.Nərimanov küçəsi, ev 41 ünvanına bildirə bilərlər.
“Az Group DBK” MMC (VÖEN: 1503684461) “İnter DBK” MMC-yə (VÖEN: 1502098721) qoşularaq ləğv olunduğunu elan edir.
“KOTAZ AQRO” MMC (VÖEN: 1801190901) ləğv olunduğunu elan edir. Kreditorlar iki ay ərzində tələblərini Baki şəhəri, Nəsimi rayonu, Üzeyir Hacıbəyov küçəsi, ev 62, Marine Plaza, 9-cu mərtəbə ünvanına bildirə bilərlər.
“Prof Consulting” MMC (VÖEN: 1004992801) ləğv olunduğunu elan edir. Kreditorlar iki ay ərzində tələblərini Baki şəhəri, Binəqədi rayonu, Şəmsi Rəhimov, ev 58, mənzil 35 ünvanına bildirə bilərlər.
“Sunny-H” MMC (VÖEN: 1701110451) ləğv olunduğunu elan edir. Kreditorlar iki ay ərzində tələblərini Baki şəhəri, Səbail rayonu, Əziz Nəzərov, ev 12 ünvanına bildirə bilərlər.
“RIVIERA GREEN SMART S.R.L” Cəmiyyətinin Azərbaycan Respublikasındakı Nümayəndəliyi (VÖEN: 1401384641) ləğv olunduğunu elan edir. Kreditorlar iki ay ərzində tələblərini Baki şəhəri, Nəsimi rayonu, R.Behbudov küçəsi 59, mənzil 63 ünvanına bildirə bilərlər.