Millət vəkili Vergi Məcəlləsinə təklif olunan dəyişiklikləri açıqlayıb
Milli Məclisin payız sessiyasının ilk plenar iclasında baxılacaq qanun layihələri açıqlanıb. Millət vəkili Tahir Mirkişili rəhbərlik etdiyi İqtisadi siyasət, sənaye və sahibkarlıq komitəsi tərəfindən təqdim olunacaq qanun layihələrinin qısa izahını verib. Bildirib ki, “Gömrük tarifi haqqında” qanuna və Vergi Məcəlləsinə dəyişikliklər ediləcək. Qaradağ sənaye parkı üçün nəzərdə tutulmuş gömrük və vergi güzəştlərinin (parkın rezidenti tərəfindən fəaliyyətin məqsədləri üçün idxal olunan bütün malların rüsum və ƏDV-dən azad olunması) daha 5 il – 2026-cı ilin may ayının 1-nə kimi uzadılması təklif olunur.
“Gömrük Məcəlləsi”nə ediləcək digər dəyişiklik emal məhsuları ilə bağldır. T.Mirkişili bildirib ki, sahibkarlar daxildə emal edilən malların xüsusi gömrük rejimi ilə (müəyyən malların emal edildikdən sonra ixrac edilməsi məqsədilə ölkəyə gətirilməsi) idxal etdikləri zaman gömrük borcunun yarandığı və ya yarana biləcəyi hallarda onun ödənilməsinə təminat verməli idilər. Bu borc adətən idxal olunuan malların 1 il ərzində ixrac edilməməsi halında yaranır. Təklif olunan dəyişiklik belə bir təminatın məcburi olmamasını özündə ehtiva edir. Bu isə sahibkarları təminat vermək üçün bir çox xərclərdən azad edəcək, xarici hüquqi şəxslər üçün isə Azərbaycanda xidmət almaq və investisiya yatırmaq üçün daha əlverişli şərait yaradacaq.
Vergi orqanları tərəfindən tətbiq edilən sanksiyalardan və cərimələrdən İqtisadiyyat Nazirliyinin hesabına daxil olan vəsaitin bir hissəsinin dövlət və ictimai əhəmiyyətli məqsədlərlə əlaqədar, o cümlədən YAŞAT Fonduna köçürülməsi üçün hüquqi imkanların yaradılmasına ehtiyac vardır. Bunun üçün Vergi Məcəlləsində daha bir dəyişiklik edilməsi gözlənilir.
“Dövlət rüsumu haqqında” Qanuna ediləcək dəyişiklik isə müharibə ilə əlaqədar əlilliyi müəyyən edilmiş şəxslərin məhkəməyə verilən iddia ərizələri üzrə və mənzilin (evin) alğı-satqısı zamanı dövlət rüsumu ödəməkdən azad edilməsini nəzərdə tutur.
Mənbə: vergiler.az
Qızılın bir troya unsiyası 1779 dollar, gümüşün unsiyası isə – 23,67 dollar təşkil edir. Rusiya hökuməti yanında Maliyyə universitetinin dünya iqtisadiyyatı və dünya maliyyəsi Departamentinin dosenti Valeriya Minçiçova bu qiymətin təşəkkülünü izah edən bir neçə səbəbi misal gətirir: “Qızıla planetdə daha az-az rast gəlinir (illik qızıl hasilatı 3 min tondur, gümüş istehsalı isə 20-22 min tondur)”. Qızıl çox vaxt stabillik olmayan regionlarda, məsələn, Yaxın Şərqdə və ya Afrikada hasil olunur. Bu da metal tədarükünü kəskin şəkildə azaldır, deməli, nəticədə qiyməti yüksəldir.
Əvvəlcədən sifariş edilməyən malların təqdim edilməsi üzrə elektron qaimə-fakturanın göndərilməsi vergi ödəyicilərini maraqlandıran məsələlərdəndir. Vergi Məcəlləsinin 71-1.1.2-ci maddəsinə görə, əvvəlcədən sifariş edilməyən malların təqdim edilməsi, malların təhvil verilməsini təsdiq edən sənədin verildiyi tarixdən 5 gün müddətində mümkün olur. Sərbəst auditor Altay Cəfərov bu mövzuda bəzi məqamlara aydınlıq gətirib:
Vergi Məcəlləsindəki son dəyişiklik və əlavələrdən biri də fiziki şəxslərlə olan təhtəlhesab əməliyyatlar ilə bağlıdır.