Fiziki şəxsin vergi uçotu məlumatlarının dəyişdirilməsi
Fiziki şəxsin vergi uçotu məlumatlarının dəyişdirilməsi elektron müraciət formasında, poçt xidməti vasitəsilə və ya xidmət yerinə gəlib müraciət etməklə mümkündür. Xidmətin həyata keçirilməsi üçün aşağıdakı sənədlər tələb olunur:
– “Fiziki şəxsin uçotu haqqında ərizə”;
– “Fiziki şəxsin uçotu haqqında şəhadətnamə” (soyadı, adı dəyişdikdə və vergi orqanından təhvil götürüldüyü halda);
– şəxsiyyəti təsdiq edən sənədin (Azərbaycan vətəndaşları üçün – şəxsiyyət vəsiqəsi, əcnəbilər və vətəndaşlığı olmayan şəxslər üçün – Dövlət Miqrasiya Xidməti tərəfindən verilmiş müvəqqəti və ya daimi yaşamaq üçün icazə vəsiqəsi, qaçqın vəsiqəsi) surəti (dəyişiklik şəxsiyyəti təsdiq edən sənədlə əlaqədar olduqda);
– torpağın mülkiyyət hüququnu təsdiq edən sənədin və “Torpaq sahəsinin planı və ölçüsü”nün surəti (yeni torpaq sahəsi əlavə edildikdə və ya uçota alınmış torpaq məlumatlarında dəyişiklik edildikdə);
– torpaq mülkiyyətçilərinin ailə üzvlərinin şəxsiyyət vəsiqələrinin surəti (ailə üzvləri dəyişdikdə);
– ailə kəndli təsərrüfatı üzvlərinə bələdiyyə tərəfindən verilmiş vəsiqələrin surəti.
Vergi ödəyicisinin yaşadığı yer dəyişdikdə, uçota alınmaq üçün verdiyi ərizə formasında olan məlumatlarda hər hansı dəyişiklik baş verdikdə vergi orqanına bu cür dəyişiklik baş verdiyi gündən 40 gün müddətində ərizə verməlidir.
İstifadəçi bu xidmətdən istifadə üçün ərizə ilə İqtisadiyyat Nazirliyi yanında Dövlət Vergi Xidmətinə müraciət edə bilər. Müraciətlər Azərbaycan Respublikasının Prezidentinin 2003-cü il 27 sentyabr tarixli 935 nömrəli Fərmanı ilə təsdiq edilmiş “Dövlət İcra Hakimiyyəti orqanlarında, idarə, təşkilat və müəssisələrində kargüzarlığın aparılmasına dair təlimat”a uyğun qəbul edildikdən sonra qeydə alınır və aidiyyəti struktur bölməyə icra edilməsi üçün göndərilir.
Sturktur bölmədə müraciətlə bağlı müvafiq araşdırma aparılır. Təqdim olunmuş sənədlərdə imtina üçün əsas olan çatışmazlıqlar aşkar edildiyi halda müraciətin icrasından imtina edilir və onların aradan qaldırılması barədə istifadəçiyə məlumat verilir. İmtina halları aşkar edilmədikdə, o cümlədən çatışmazlıqlar aradan qaldırıldıqdan sonra təkrar müraciət edilən zaman imtina halları aşkar edilmədikdə fiziki şəxsin uçot məlumatları dəyişdirilir və ona bu barədə məlumat verilir. Fiziki şəxsin adı və ünvanı dəyişdikdə ona şəhadətnamə verilir.
Elektron müraciət edən istifadəçilərin – İqtisadiyyat Nazirliyi yanında Dövlət Vergi Xidməti tərəfindən verilmiş şifrə, parolu və ya gücləndirilmiş elektron imzası olmalıdır. Bunlardan istifadə etməklə sistemə daxil olduqda istifadəçiyə təklif olunan ərizə formasını doldurmaq və təsdiq etmək imkanı yaranır.
Ərizə məlumatları sistemə daxil edilərək istifadəçi tərəfindən təsdiqləndiyi andan sistemdə qeydiyyata alınmış olur və ona 16 rəqəmli qeydiyyat nömrəsi verilir. İstifadəçi tərəfindən ərizə göstəriciləri üzrə sistemə daxil edilmiş məlumatların düzgünlüyü yoxlanılır. İmtina üçün əsas olmadıqda fiziki şəxsin uçot məlumatları dəyişdirilir. Xidmətin yerinə yetirilməsi nəticəsində fiziki şəxsin uçot məlumatlarında ərizədə göstərilən dəyişikliklər edilir.
Ərizə iş vaxtı başa çatdıqdan sonra və ya qeyri-iş günündə sistemə daxil edilmişdirsə, bu halda onun icrası həmin gündən sonrakı ilk iş gününün əvvəlində həyata keçirilir.
Mənbə: vergiler.az
Bax:
Son günlər üçüncü şəxslər üçün mal idxal edən və vergidən yayınan bəzi şirkətlər malların gömrük ərazisində saxlanılması və onlara qarşı maneə yaradılması ilə bağlı həqiqətə uyğun olmayan məlumatlar yaymaqla ictimaiyyətdə yanlış fikir formalaşdırmağa çalışırlar.
Kiçik və Orta Biznesin İnkişafı Agentliyi (KOBİA) tərəfindən “TechFin” MMC-nin “Hesabat” onlayn-mühasibat həllinə (
“Outsourcing” konkret tapşırıqların yerinə yetirilməsi üçün şirkətlə əlaqəsi olmayan kənar təşkilatın işə götürülmə prosesidir. “Insourcing” isə təşkilatın əməliyyat infrastrukturu daxilində həyata keçirilən fəaliyyətdir. Bu iki anlayış arasındakı əsas fərq, işlərin, layihələrin və ya tapşırıqların strateji məqsədlər üçün müxtəlif şirkətlər və şöbələr arasında bölüşdürülmə metodlarından ibarətdir.
Müəyyən bir xidmət və ya istehsal prosesi məqsədilə “outsourcing”dən istifadə edən təşkilatlar, layihə üçün işə götürülmüş kənar təşkilatın metodları üzərində minimal idarəetməyə malikdirlər. Məsələn, uğurlu müştəri xidmətinin göstərilməsi ilə tanınan hər hansı təşkilat kənar təşkilatın müştərilərlə hansı şəkildə qarşılıqlı əlaqədə olduğunu və ya həmin əlaqələri idarə edə bilmir.