Hansı hallarda işəgötürən işçiyə vurduğu ziyana görə maddi məsuliyyət daşıyır?
İşəgötürən əmək münasibətləri prosesində aşağıdakı hallarda işçiyə vurulan ziyana görə tam maddi məsuliyyət daşıyır:
a) əmək müqaviləsinə qanunsuz və əsassız xitam verilməsi nəticəsində məhkəmənin qanuni qüvvəyə minmiş qətnaməsi (qərarı) olduqda;
b) əmək mübahisələrinin həlli zamanı işçiyə dəyən maddi və ya mənəvi ziyanın məbləği məhkəmənin qətnaməsi (qərarı) ilə müəyyən edildikdə;
c) işəgötürən tərəfindən əməyin mühafizəsi qaydalarına əməl olunmadığına görə baş vermiş istehsalat qəzası nəticəsində əmək funksiyasını yerinə yetirərkən işçinin sağlamlığına və səhhətinə ziyan vurulduqda, habelə bu səbəbdən həlak olması ilə əlaqədar onun ailə üzvlərinə, himayəsində olan şəxslərə müvafiq maddi ziyan dəydikdə;
ç) əmək funksiyasını yerinə yetirərkən işçinin şəxsi əşyalarının və ya digər əmlakının işəgötürən tərəfindən mühafizəsi, saxlanılması lazımi qaydada təşkil olunmadığına görə onların korlanması, oğurlanması nəticəsində ziyan vurulduqda, həmçinin bu əşyaların fiziki aşınması ilə əlaqədar ziyan dəydikdə;
d) işçinin əmək haqqı və digər ödənişləri işəgötürən tərəfindən düzgün müəyyən edilmədikdə, habelə əsassız və qanunsuz olaraq verilmədikdə;
e) əmək müqavilələrinə işçilərin hüquqlarını qüvvədə olan qanunvericiliyə, kollektiv müqaviləyə və sazişə nisbətən məhdudlaşdıran şərtlərin işəgötürən tərəfindən daxil edilməsi nəticəsində işçilərə maddi, mənəvi ziyan dəydikdə;
ə) əmək müqaviləsi ləğv edildikdən sonra işəgötürən tərəfindən hər hansı üsulla işçinin şəxsi və peşəkarlıq keyfiyyətlərinin aşağı səviyyədə olması barədə həqiqətə uyğun olmayan, habelə şəxsiyyətini ləkələyən digər məlumatlar yaydığına görə işə düzələ bilməməsi ilə əlaqədar işçiyə maddi və mənəvi ziyan vurulduqda;
f) əmək müqaviləsi üzrə işəgötürən digər öhdəliklərini yerinə yetirmədiyinə görə işçiyə maddi ziyan dəydikdə;
g) işçi seksual qısnamaya məruz qaldıqda.
Mənbə: sosial.gov.az
Bax:
Əmək məzuniyyətlərinin verilməsində növbəlilik
Yaşayış və qeyri-yaşayış sahələrinin təqdim edilməsi
Əvəzsiz köçürmələr olduğu halda ƏDV-nin kompensasiya edilməsi
Vergidən azad olunan sahələrdə çalışan sahibkarlar bəyannamə təqdim etməlidirlər
Dividenddən ödəmə mənbəyində vergi tutulması
COVID-19-a qarşı immunitet sertifikatının təqdim edilməsi nəyə görə zəruridir?
İşdən çıxan işçiyə məzuniyyət haqqının ödənilməsi
BirKart müştərilərə daha bir qazandıran kampaniya təqdim edir. Artıq geyim, ayaqqabı, parfümeriya, kosmetika, aksesuar və dəftərxana sahəsi üzrə partnyor mağazalarında taksitli alış-veriş etdikdə 50 AZN-dək əlavə vəsait qazanmaq mümkündür. Şərtlərə görə, kampaniya müddətində BirKart sahibləri toplam 300 – 499,99 AZN arası taksit etdikdə 10 AZN, 500 – 999,99 AZN arası taksit etdikdə 30 AZN, 1000 AZN və daha yuxarı məbləğdə taksitli alış-veriş etdikdə isə 50 AZN qazanacaqlar.
Vergi ödəyicisi olan fiziki şəxsin uçotdan çıxarılması aşağıdakı hallarda mümkündür: