Blog Full - Muhasibat.Az

Oxunma sayı: 155. 877

30 Dek 2019

Bu il Azərbaycanda müəllimlərin maaşı 20 faiz artırılıb

by | posted in: Xəbər | 0

Bu il Azərbaycanda müəllimlərin maaşı 20 faiz artırılıb. Bu barədə Təhsil Nazirliyinin illik hesabatında bildirilib. Qeyd olunub ki, Prezident İlham Əliyevin sərəncamına əsasən, müəllimlərin aylıq vəzifə maaşı bu il sentyabrın 1-dən orta hesabla daha 20 faiz artırılıb və orta aylıq əməkhaqqı 600 manata çatıb.

Bu artımlardan sonra aylıq əməkhaqqı 1.000 manatdan çox olan müəllimlərin sayı, təxminən, 5 min nəfər təşkil edib.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

müəllimlərin maaşı,

30 Dek 2019

28.12.2019-cu il tarixdə təqdim etdiyimiz mallara görə 2020-ci ilin yanvar ayında elektron vergi hesab-fakturası təqdim etməliyikmi?

by | posted in: Vergi, Xəbər | 0

Cəmiyyətimiz topdansatış fəaliyyəti ilə məşğuldur və ƏDV ödəyicisidir. 28.12.2019-cu il tarixdə elektron qaimə-faktura əsasında dəyəri 10.000 manat olan avadanlıq satıb, lakin bu zaman elektron vergi hesab-faktura təqdim edilməyib. Məlum olduğu kimi, yeni dəyişikliklərə əsasən, 1 yanvar 2020-ci il tarixdən etibarən malların satışına görə yalnız elektron qaimə-faktura verilir.

Bilmək istərdik ki, 28.12.2019-cu il tarixdə təqdim etdiyimiz mallara görə 2020-ci ilin yanvar ayında elektron vergi hesab-faktura təqdim etməliyikmi?

1 yanvar 2020-ci il tarixdən təqdim olunmuş mallara (işlərə, xidmətlərə) görə elektron vergi hesab-fakturasının verilməsi ləğv edilib. Həmin tarixdən etibarən təqdim edilmiş mallara (işlərə, xidmətlərə) görə ƏDV ödəyiciləri tərəfindən yalnız elektron qaimə-faktura təqdim olunur. 2020-ci ilin 1 yanvar tarixinədək təqdim edilmiş mallara (işlərə, xidmətlərə) görə isə elektron qaimə-faktura ilə yanaşı, elektron vergi hesab-fakturası da təqdim edilir.

Belə ki, qanunvericiliyə əsasən, 2020-ci il 1 yanvar tarixinədək alınmış mallara (işlərə, xidmətlərə) görə ödənilən ƏDV-nin əvəzləşdirilməsi 01.01.2020-ci ilədək mövcud olan qaydada həyata keçirilir. Qeyd olunanlara əsasən, 2019-cu ilin dekabr ayında elektron qaimə-faktura əsasında təqdim edilmiş mallara görə malların alıcısına elektron vergi hesab-fakturası təqdim olunmalıdır.

Əsas: Vergi Məcəlləsi, 71-1-ci, 175.1-ci maddələr və “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 29 noyabr 2019-cu il tarixli 1704-VQD nömrəli Qanunu , 2.1-ci maddə.

Mənbə: taxes.gov.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Elektron vergi hesab-faktura,

30 Dek 2019

Yeni ildə baş mühasibə nə hədiyyə etmək olar??

by | posted in: muhasibat, Məqalə, Xəbər | 0

Yeni ildə baş mühasibə nə hədiyyə etmək olar: hədiyyələrin top səkkizliyi

Qış – elə bir dövrdür ki, həmin fəslə xeyli bayramlar təsadüf edir. Həmin bayramların içində ən başlıcası, şübhəsiz ki, Yeni illə bağlı olanıdır. Yeni il bayramı ərəfəsində mühasibinizə nə hədiyyə edə bilərsiniz? Biz sizə həmin hədiyyələrlə bağlı nümunələri təqdim edirik.

Futlyar ilə birlikdə qələm

Qəşəng bir qələm hədiyyə etmək yerinə düşər. Axı, mühasibiniz xeyli sənədləri imzalayır və həmin imzaları qəşəng, qiymətli süni daşlar ilə bəzədilmiş və ya gümüşü korpusda olan qələmlə etmək ona çox xoş gələcək. Qiymətli “Parker” qələmi almaq vacib deyil, əsas odur ki, hədiyyə zərif və dəbli olsun.

Üstündə ad yazılmış bloknot

Bu istənilən mühasibdən ötrü lazımlı, daha dəqiq desək, zəruri bir şeydir. Əgər biz seçimi qadın üçün ediriksə, onda bloknot gözəl və incə olmalıdır.

Karaoke və ya restoran ziyarəti

Siz nə qədər yaxın dostsunuz? İşdən sonrakı vaxtlarda da ünsiyyət qurursunuzmu? Hətta mühasibinizlə xüsusi bir dostluğunuz olmasa belə, bunda qorxulu bir şey yoxdur. Yeni ilə hədiyyə olaraq onu hər hansı bir qələbəlik yerə dəvət etmək olar.

Pul daxılı

Öz həyatını maliyyə ilə bağlayan bir kəs üçün pulla bağlı bir hədiyyə yaxşı bir şey ola bilər. Məsələn, müxtəlif ölçüdə olan hər hansı bir pul daxılı belə bir hədiyyə üçün yerinə düşər. Həmin daxıla ilk məbləği də özünüz sala bilərsiniz.

Planşet

Bir qədər bahalı bir şeydir. Kollektivlə birgə bunun öhdəsindən asanlıqla gələ bilərsiniz.

Dəri əlcəklər

Dəri əlcəklər də hədiyyə kimi çox yararlı bir şeydir. Çünki ondan dərhal istifadə etmək mümkündür. Gözəl seçim edin və bu soyuq qış günləri üçün həqiqətən əvəzolunmaz bir şeydir.

Bahalı kalkulyator

Bildiyiniz kimi, kompüterdə çoxsaylı proqramların olmasına baxmayaraq, mühasiblərin əksəriyyəti hesablama zamanı bu gün də kalkulyatordan istifadə edirlər. Müxtəlif kalkulyatorlar satılır, ucuzları da var, amma, siz ən müasir və çox zərif bir hesablama maşını seçin.

Ətriyyat

Əgər mühasib qadındırsa, kosmetika dəstinə sevinəcəyi şübhə doğurmur. Hədiyyə kimi neytral bir qoxu seçin, ən yaxşısı, bununla bağlı öncədən “kəşfiyyat aparıb” müəyyən şeyləri aydınlaşdırmaqdır. Bütün hallarda istənilən qadın ətriyyat mallarına çox önəm verirlər.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

29 Dek 2019

Müəssisənin fəaliyyəti üzrə əlavə vergi nəzarəti tədbirləri həyata keçirilə bilərmi?

by | posted in: Vergi, Xəbər | 0

Müəssisəmiz riskli vergi ödəyicisi meyarlarına uyğun gəldiyi halda, vergi orqanı tərəfindən müəssisənin fəaliyyəti üzrə əlavə vergi nəzarəti tədbirləri həyata keçirilə bilərmi?

Vergilər Nazirliyinin açıqlamasında bildirilir ki, 1 yanvar 2020-ci ildən Vergi Məcəlləsində edilmiş dəyişikliyə əsasən, vergi ödəyicisinin riskli vergi ödəyicisi olması onun fəaliyyəti üzrə növbədənkənar səyyar vergi yoxlamasının və operativ vergi nəzarətinin keçirilməsi üçün əsas yaradır. Bununla yanaşı, Məcəllənin 83.7-ci maddəsinin müddəalarına əsasən, vergi ödəyicisi riskli vergi ödəyicisidirsə, vergi orqanının vergini onun ödənildiyi tarixədək hesablamaq hüququ vardır.

87.3-1-ci maddədə isə göstərilib ki, riskli vergi ödəyiciləri tərəfindən artıq ödəmənin qaytarılması ilə bağlı müraciət edildikdə, bu maddə ilə müəyyən olunmuş müddətlər onların fəaliyyəti üzrə kameral və ya səyyar vergi yoxlamaları və operativ vergi nəzarəti tədbirləri tam başa çatdıqdan sonra tətbiq edilir. Bundan əlavə, Vergi Məcəlləsinin 89.3-cü maddəsinə əsasən, vergi ödəyicisi riskli vergi ödəyicisi olduğu halda, vergi orqanı vergi ödəyicisinə yazılı bildiriş göndərməklə, eyni zamanda, ondan vergi öhdəliyini dərhal yerinə yetirməyi tələb edə bilər.

Mənbə: vergiler.az