Oxunma sayı: 137. 780
11 May 2018

Maliyyə yardımı zamanı E-Qaimə verilməlidir?

by | posted in: Xəbər | 0

Maliyyə yardımı Sual: Hər hansı bir layihənin reallaşdırılması üçün müəssisə başqa bir müəssisədən maliyyə dəstəyi alır, maliyyə dəstəyinin müqabilində isə qarşı tərəfə sadəcə həmin layihədən yaranmış mənfəətə payçı olur. Bu şərtlərlə bağlanmış bir müqavilə əsasında pul köçürülməsi (əsas məbləğ və ƏDV) həyata keçirilir. Bu zaman maliyyə dəstəyi alan müəssisə həmin məbləği uçotda necə əks etdirməli və ya elektron qaimə vermək kimi öhdəliyi vardırmı?

Cavab: Bildiririk ki, şəxsin aldığı maliyyə yardımı Vergi Məcəlləsinin müddəalarına uyğun olaraq onun gəlirlərinə aid edilməklə tətbiq etdiyi vergitutma sisteminin (gəlir və ya mənfəət, sadələşdirilmiş) xüsusiyyətləri nəzərə alınmaqla ümumi qaydada vergiyə cəlb edilir.

Əgər maliyyə yardımı alan şəxs tərəfindən alınmış yardımın qarşılığında hər hansı işlərin və xidmətlərin göstərilməsi nəzərdə tutulmursa, elektron qaimə-faktura verilmir.

Maliyyə yardımının uçotda əks etdirilməsi qaydası ilə əlaqədar Maliyyə Nazirliyinə müraciət etməyinizi tövsiyə edirik.

Bax: Vergi Məcəlləsinin 13.2.12-ci, 16.1.11-6-cı və 71-1-ci maddələri.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

11 May 2018

500 manat əmək haqqı ilə mühasib tələb olunur

by | posted in: İş elanı, muhasibat, Xəbər | 0

Mühasib üzrə vakansiya“Grand Motors” Mühasib üzrə vakansiya elan edir.

İş barədə məlumat

  • Şöbənin əməkdaşlarının iş bölgüsü, texikaların təmirinin və ehtiyyat hissələri sərfiyyatının idarə olunması
  • Şirkət-daxili və müştərilərdən gələn zənglərin, yazışmaların cavablandırılması
  • Müqavilələrin hazırlanması və bağlanması.
  • Nəqliyyat departamentina aid bütün maliyyə hesabatlarının hazırlanması və təqdim olunması
  • Şöbə əməkdaşlarının əmək haqqının hesablanması
  • Bazar ertəsi – Cümə: 08:30-dan 17:30-dək
  • Şənbə : 10:00-dan 16:00-dək

Namizədə tələblər

  • Ali təhsil: Maliyyə – mühasibatlıq sahəsinə üstünlük verilir
  • Azərbaycan və İngilis dili (upper-intermediate) biliyi
  • Microsoft office proqramları (excel-əla)
  • Aktiv və çalışqan
  • Təzyiq altında işləmək bacarığı
  • Yalnız kişi namizədlər nəzərdən keçirilir

Vakansiya ilə maraqlanan namizədlər mövzu yerində “Mühasib” yazmaqla öz CV-lərini ünvanına göndərə bilərlər. Yalnız yuxarıda göstərilən tələblərə cavab verən şəxslər müsahibəyə dəvət olunacaqlar.

Mənbə: boss.az

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

10 May 2018

DSMF-nin fəaliyyətində ciddi nöqsanlar aşkar edilib

by | posted in: Xəbər | 0

DSMF-nin fəaliyyətində ciddi nöqsanlar aşkar edilib2016-cı ildə məcburi dövlət sosial sığorta haqları üzrə təsdiq edilmiş proqnoz 93,5% icra edilməklə 1 mlrd. 920 mln. 994,8 min manat vəsait yığılıb, ilin əvvəlinə nisbətən sonunda sığortaedənlərin Dövlət Sosial Müdafiə Fonduna borcu 21 mln. 612,2 min manat və ya 6,7% artaraq 342 mln. 877,2 min manat təşkil edib.

Bu barədə “Hesablama Palatasının 2017-ci ildə fəaliyyəti haqqında” adlı hesabatda qeyd olunub. Sənəddə vurğulanıb ki, aparılmış audit tədbirləri 2016-cı il üzrə DSMF-nin məcburi dövlət sosial sığortası üzrə gəlirlərinin və xərclərinin proqnozlaşdırılmasında mövcud potensialın qiymətləndirilməsi, gəlirlərin və xərclərin icra vəziyyətini əhatə edib.

Hesabatda bildirilib ki, qeyd olunan dövrdə qeyri-büdcə sektoru üzrə debitor borcların aradan qaldırılması istiqamətində Fondun fəaliyyəti həmin tədbirləri tam əhatə etməyib.

Auditin başlanıldığı tarixə 181 halda pensiya alan şəxslərin vəfat etdiyi tarixdən sonra hesabların bağlanılmadığı, həmin hesablara ödənişlərin davam etdirilərək 624,5 min manat, 35 şəxsin, eyni zamanda Fondun iki müxtəlif yerli orqanından əmək pensiyası aldığı və nəticədə onlara ikiqat pensiya ödənilərək, ümumilikdə 319,1 min manat məbləğində vəsait ödənildiyi məlum olub.

2016-cı ildə Fondun Bakı şəhəri üzrə Hüquqi Şəxslərlə İş İdarəsində qeydiyyatda olan müəssisə və təşkilatlarda əmək fəaliyyəti ilə məşğul olan 492 nəfər, İri Sığortaedənlərlə İş İdarəsində isə 416 nəfər Fondun müxtəlif şəhər və rayonlarında əlilliyə görə əmək pensiyasını tam məbləğdə alıb, bu səbəbdən artıq ödənilən pensiya məbləği ümumilikdə 1092,6 min manat təşkil edib.

Sığortaolunanların sanatoriya-kurort müalicəsi və sağlamlaşdırma tədbirlərinin həyata keçirilməsi üzrə Azərbaycan Həmkarlar İttifaqları Konfederasiyası vasitəsilə maliyyələşdirilən xərclər üzrə 01.01.2016-cı il tarixə Konfederasiyanın hesabında 662,7 min manat məbləğində qalıq olmasına baxmayaraq həmin vəsait təsdiq olunmuş illik xərclərdə nəzərə alınmayıb, qanunvericilikdə Fondun vəsaitlərinin düzgün və məqsədyönlü xərclənməsinin ildə bir dəfədən az olmayaraq yoxlanılması nəzərdə tutulsa da, Fond və Nazirlik tərəfindən Konfederasiyada müvafiq yoxlamalar həyata keçirilməyib.

Fondun aparatının saxlanılması üzrə 38,9 min manat vəsait təsdiq olunmuş smetada nəzərdə tutulan maddələrə uyğun xərclənməyib, tətbiq olunmuş maliyyə sanksiyalarından daxil olan vəsaitlər üzrə ümumilikdə 25,8 min manat vəsait “Sosial Sığorta haqqında” qanunda nəzərdə tutulmayan istiqamətdə xərclənib. bundan əlavə, ümumilikdə 10,7 min manat məbləğində artıq əmək haqqı və müavinət, həmçinin 6 min manat məbləğində artıq yanacaq xərcləri aparılıb, Azərbaycan Hökuməti ilə Beynəlxalq İnkişaf Assosiasiyası arasında imzalanmış “Pensiya və sosial təminat” layihəsi üzrə Fondun dövlət büdcəsinə 2,3 mln. dollar məbləğində borc qalığı yaranıb.

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

10 May 2018

Düşmən ölkədə vergi sistemi barədə

by | posted in: Məqalə, Vergi, Xəbər | 0

Ermənistanın vergi sistemiErmənistanın vergi sistemi iki səviyyəlidir. Bütün vergilər iki kateqoriyaya ayrılır:

  • Dövlət vergisi
  • Yerli vergilər

Gəlirdən tutulan vergi. Bu birbaşa vergidir və onu hüquqi şəxslər ödəyirlər. Vergiyə – ölkə ərazisində və onun hüdudlarından kənarda (qeyri-rezidentlər üçün), eləcə də erməni mənbələrindən daxil olan (bu da qeyri-rezidentlər üçün) gəlirlər cəlb olunur. Bu verginin vergi dərəcəsi vergi tutulan mənfəətin 20%-ni təşkil edir.

Gəlir vergisi. Bu da birbaşa vergidir və o, fiziki şəxslər tərəfindən ödənilir. Burada da vergi obyekti olaraq həm ölkə daxilində, həm ölkə xaricində (qeyri-rezidentlər üçün), eləcə də erməni mənbələrindən qeyri-rezidentlər üçün daxil olan gəlirlər çıxış edir. Burada mütərəqqi vergi stavkası tətbiq olunur ki, onun da ən aşağı həddi 24,4% təşkil edir.

Aksiz vergisi. Dolayı vergi növüdür. Vergi obyekti kimi aksizə cəlb olunmuş mallar çıxış edir. Həmin mallara spirtli içkilər, tütün və neft məhsulları daxildir. Stavkalar məhsulun növündən asılı olaraq fərqlənir. Misal üçün, şərablardan ötrü minimal olaraq onun qiymətinin 10%, maksimal olaraq isə bəzi bir sıra spirtli içkilər üçün 55% təşkil edir.

ƏDV. Dolayı vergi hesab olunur, ölkəyə məhsul gətirilərkən, istehsalatda, müxtəlif malların dövriyyəsi, eləcə də ölkə daxilində xidmətlər zamanı tutulur. Bu vergi həm hüquqi şəxslər, həm də sahibkarlar tərəfindən ödənilir. ƏDV stavkası ümumi qaydaya uyğun olaraq malların (xidmətlərin) dövriyyəsindən asılı olaraq 20% təşkil edir.

Dövlət vergisinə dair siyahıya daxil olan vergilər ümumidir, bütün ölkə ərazisində məcburidir və yerlərdə onunla bağlı müzakirələrə yol verilmir.

Yerli vergilər. Yerli vergilər haqqında Qanuna görə vergilərdən daxil olan bütün pullar bələdiyyə rayonunun büdcəsinə yatırılır. Yerli vergi stavkaları da bələdiyyələr tərəfindən müəyyənləşdirirlir.

Yerli vergilərə bunlar aiddir:

  • Mülkiyyət vergisi. Birbaşa vergidir və mülkiyyət sahibləri tərəfindən ödənilir. Vergi obyekti olaraq müxtəlif daşınmaz əmlak və nəqliyyat vasitələri sahibləri çıxış edir. Hər iki mülkiyyət növü üzrə mütərəqqi vergi stavkası tətbiq olunur. Daşınmaz əmlakdan ötrü bu onun dəyərindən asılı olur. Nəqliyyat vasitəsi üçün isə onun gücündən.
  • Torpaq vergisi. Birbaşa vergi növüdür. Bu vergini qanuni torpaq sahibləri ödəyirlər. Burada vergi obyekti rolunda – torpaq sahələrinin kadastr qiymətləri çıxış edir. Vergi stavkası torpaqların kateqoriyasından asılı olur.

Bundan əlavə, Ermənistanda otel və nəqliyyat vasitələrinin parkinqi üçün də yerli vergi növü mövcuddur.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

1 … 2. 394 2. 395 2. 396 2. 397 2. 398 2. 399 2. 400 … 2. 683