Blog Full - Muhasibat.Az

Oxunma sayı: 137. 724

6 May 2018

İngilis mühasiblər nə qədər qazanır??

by | posted in: Məqalə, Xəbər | 0

Londonun Morgan McKinley kadrlar agentliyinin apardığı tədqiqatlara görə İngiltərə maliyyəçilərinin maaşları son zamanlarda yüksək artım tempi göstərir. London mühasiblərinin əmək haqqı rekord səviyyəyə qalxıb: banklarda onların illik qazancı 65 min funt sterlinq (təxminən 151 615 manat) təşkil edir. Bank məhsullarına nəzarət sahəsində çalışan mütəxəssislər hazırda belə bir məbləğ qazanırlar. Ötən illə müqayisədə onların qazancı 2,5 min funt sterlinq artıb. Daxili audit üzrə gənc mütəxəssis isə illik 54 min funt sterlinq qazana bilir. Bu da ötənilki əmək haqqından 4 faiz çoxdur. Azərbaycanda mühasiblərin aylıq əməkhaqqı çox güman ki, 700-1500 manat civarındadır. Belə demək olar ki, İngiltərədə mühasiblərin bir aylıq əmək haqqı Azərbaycanda bu ixtisas sahiblərinin bir ildə əldə etdikləri maaşa bərabərdir.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

6 May 2018

Rusiyada vaxta və kağıza qənaət etmək üçün dövlət rüsumları 2 dəfə azaldılacaq

by | posted in: Xəbər | 0

Rusiyanın Dövlət Rabitə Komitəsi tərəfindən hökümətin tapşırığı ilə hazırlanmış qanun layihəsinə əsasən, kağız arayışlardan və ya çıxarışlardan imtina edib, bu işi elektron qaydada yerinə yetirməyə hazır olan Rusiya vətəndaşları üçün dövlət rüsumlarının ödənilməsində 50% endirim ediləcək.

Elektron arayışlara keçid onların hazırlanmasına sərf olunan vaxtı azaltmağa, tonlarla kağıza qənaət etməyə imkan yaradacaq, eləcə də sənədlərin itirilməsi problemini aradan qaldıracaq.

Qeyd edək ki, indiyə qədər dövlət orqanları elektron arayışları heç də həmişə qəbul etmirdilər. Diskont almaq üçün sifariş verib dövlət xidmətləri portalından (gosuslugi.ru) və ya onunla eyni sistemə aid vahid identifikasiya saytından icazə sənədi almaq və ödəniş etmək lazım gəlirdi.

Rəqəmsal sənədlər elektron imza ilə təsdiqlənir və kağız daşıyıcılardakı sənədlərlə bərabər tutulur. Kağız arayışlar kimi onları da tələb olunan yerlərə elektron formada təqdim etmək mümkündür.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

6 May 2018

Öz milli valyutası olmayan ölkələr varmı?

by | posted in: Məqalə, Xəbər | 0

Öz milli valyutası olmayan ölkələr varmı?

Bir çox ölkələrdə milli valyuta deyil millətlərarası pul işlədilir, yəni bir neçə millət eyni zamanda eyni valyutadan istifadə edir. Buna avrozonanı misal çəkmək olar. Öz pulu olmayan digər ölkələr də mövcuddur. Məsələn, Lixtenşteyndə İsveçrə frankından istifadə olunur.

Avstraliya dollarından isə Avstraliya ittifaqından başqa Kiribati, Nauru və Tuvalu dövlətlərində də istifadə olunur.

Marşall adaları və Salvadorda ABŞ dolları dövriyyədədir.

Zimbabvenin müvəqqəti olaraq öz valyutası yoxdur, çünki tamamilə dəyərdən düşən Zimbabve dolları bir neçə il əvvəl dövriyyədən çıxarılıb. Hazırda 100 trilyonluq əskinaslar kolleksiyaçılar tərəfindən satılır. Bu ölkədə iki pul vahidindən istifadə olunur: ABŞ dolları və CAR randasından.

Belə bir fikir mövcuddur ki, Panamanın da öz valyutası yoxdur, çünki bütün nağd hesablaşmalar zamanı bu ölkədə yalnız ABŞ dollarından istifadə olunur. Lakin, bütün hallarda Panamanın öz pul vahidi mövcuddur və o, Panama balboası adlanır. Dövriyyədə yalnız 2, 1 balboadan və daha xırda sikkələrdən istifadə edilir. Kağız əskinaslar isə yoxdur, onları ABŞ dolları əvəz edir.

Öz valyutası olmayan ölkələrdən biri də Fələstin dövlətidir. Çünki, bu ölkə hələ formalaşma mərhələsindədir və bir sıra dövlətlər tərəfindən hələ də müstəqilliyi tanınmayıb. Fələstində İsrail pul vahidi şekeldən istifadə olunur.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

6 May 2018

600 manat əmək haqqı ilə HR mütəxəssis tələb olunur

by | posted in: İş elanı, Xəbər | 0

Eurostar Cleaning şirkətinə təcili “İnsan Resursları üzrə Mütəxəssis” tələb olunur.

– Əmək qanunvericiliyinə əsasən işçilərin işə qəbul edilməsi, onlarla bağlanmış əmək müqavilələrinə xitam verilməsi, işçilərin bir vəzifədən başqa vəzifəyə keçirilməsi, işçinin vəzifədə irəli çəkilməsi, mükafatlandırılması, o cümlədən qiymətləndirilməsi ilə bağlı prosedurları yerinə yetirir müqavilələrini hazırlayır
– Müqavilələri (www.e-gov.az) daxil edir
– İşçilər barədə məlumatları özündə cəmləşdirən məlumat bazası ilə işləyir, lazımi dəyişiklikləri daxil edir
– İşçilərin şəxsi işlərini formalaşdırır və qeydiyyatını aparır; əmək kitabçalarını əmrlər əsasında doldurur
– Kadrların seçilməsində və ştat cədvəlinə əsasən düzgün yerləşdirilməsində bilavasitə iştirak edir
– Məzuniyyət qrafikininin və cədvəlininin tərtibini, işçilərin məzuniyyətə həmin cədvəl və qrafik əsasında getmələrini; işçilərin istifadə etdiyi məzuniyyətləri uçota alınmasını təmin edir
– Vakansiyalar ilə bağlı iş elanlarının yerləşdirilməsi, müsahibələrin keçirilməsi
-ehtiyyat kadrlar sisteminin formalaşdırılması
– Kadr sənədləşməsinə mütəmadi nəzarət edir
– Kadrlar üzrə hesabatları tərtib edir
– Qanunvericilikdən irəli gələn digər işləri yerinə yetirir
– İş qrafiki: həftəfə 6 gün 09:00-dan 18:00-dək
– əmək haqqı- 500- 600 azn(stajdan asılı olaraq)
– Korporariv mobil telefon nömrəsi və avadanlığı təmin edilir

Namizədə tələblər

– İnsan Resursları sahəsində minimum 2 il iş təcrübəsi
– Cinsi – qadın
– Ali təhsilli
– Azərbaycan Respublikasının Əmək Məcəlləsini yaxşı səviyyədə bilməli, bu sahədə praktik təcrübəyə malik olmalı
– Sənədləşdirmə və yazışma işlərini yüksək səviyyədə bacarmalı
– Əla səviyyədə kompüter bacarıqları (MS Word, Excel, İnternet və s.)
– Güclü ünsiyyət və danışıq qabiliyyəti
– Komandada işləmək bacarığı
– Problemləri həll etmə bacarığı
– İdarəçilik qabiliyyəti

Vakansiya ilə maraqlanan şəxslərdən CV-lərini mövzu yerinə “İnsan Resursları üzrə Mütəxəssis” yazaraq ünvanına göndərməsi xahiş olunur.
Məktubun mövzusunda iddia etdiyiniz vakant vəzifənin adı mütləq qeyd olunmalıdır.

Əlaqə nömrələri:

012 492 02 88
055 213 83 48
055 213 83 52

E-mail:

Mənbə: jobsearch.az