Ən qeyri-adi üç vergi
Bütün ölkələrdə müxtəlif vergilər tətbiq olunur və bunlara bir növ artıq vərdiş etmişik. Yəni, hər bir ölkə öz büdcəsini müəyyən üsul və vasitələrlə doldurmağa çalışır. Bu da təbiidir. Amma zaman-zaman bir sıra ölkələrdə tətbiq edilən vergiləri gördükdə, şükür etməyə bilmirsən. Bəzi ölkələrdə tətbiq edilən ən qeyri-adi vergiləri diqqətə çatdırırıq.
- Kölgə salmağa görə tətbiq edilən vergi. Venesiyada binaların üzərinə kölgə salmaq qadağan edilib. Lakin bu yol kənarında yerləşən və çətirlərdən istifadə edən müxtəlif restoran və mağazalara şamil edilir. İş ondadır ki, sular qoynunda məskən salmış bu şəhərdə günəş nadir hallarda görünür və göy üzünü adətən buludlar örtür. Evlərin pəncərəsinə kölgə düşməsin deyə Venesiya hakimiyyət dairələri kölgəyə görə vergi tətbiq edib. Bir çox iş adamları vəziyyətdən çıxış yolunu tez tapıblar, belə ki, restoran və mağazaların küçəyə baxan hissəsində yerləşdirdikləri çətirləri söküblər. Öz iş yerlərinin görkəmini pozmaq istəməyən sahibkarlar isə vergini ödəməyə razılaşıblar.
- Qərbi Afrikanın bədbəxt və eyni zamanda ən kasıb millətinin yaşadığı ölkələrdən birində vətəndaşlar il ərzində 17 avro pul ödəyirlər ki, bu dövlətdə əmin-amanlıqdır. Yəni, müharibə yoxdur. Müqayisə üçün qeyd edək ki, bu ölkədə bir fincan qəhvə 17 sentə satılır. Və bu vergi ondan irəli gəlir ki, ölkədə hərbi əməliyyatlar aparılmır.
- Günəşin çıxmasına görə vergi. Gözəl və romantikdir, deyilmi? İbis, Mayorka və digər adalardan ibarət arxipelaqda çimərlikdə olduğuna görə gün ərzində vergi olaraq 1 avro pul ödəməlisən. Düzdür, hakimiyyət orqanları bu vergini çimərlikdə təmizlik yaratmaqdan ötrü vəsait əldə etmək məqsədilə tətbiq edib. Özü də xəzinəyə bu vergidən az vəsait daxil olmur. Arxipelaqa daxil olan təkcə Balear adalarına bir il ərzində 10.400.000 turist gəlir. Rəqəm həqiqətən fantastik hesab oluna bilər.
“Ələt azad iqtisadi zonası xüsusi statusla, hasilatın pay bölgüsü statusuna bərabər statusla fəaliyyət göstərəcək”. Bunu iqtisadçı-ekspert Vüqar Bayramov deyib. Onun sözlərinə görə, bu, “Ələt azad iqtisadi zonası haqqında” qanun layihəsində öz əksini tapıb. İqtisadçı ekspert hesab edir ki, Ələt azad iqtisadi zonasının xüsusi status əsasında fəaliyyəti Azərbaycan iqtisadiyyatı və xarici investorlar üçün faydalı olacaq: “Ələt artıq terminal statusundan çıxaraq “Azad İqtisadi Zona” statusu qazanır. Bildiyiniz kimi, Ələt Azad İqtisadi zonasının yaradılması ilə bağlı qanun layihəsi hazırlanıb və Milli Məclisdə iki oxunuşdan keçib. Nəticə etibari ilə sözügedən qanun Ələtə xüsusi status verir. Yəni, Ələt azad iqtisadi zonası xüsusi statusla, hasilatın pay bölgüsü statusuna bərabər statusla fəaliyyət göstərəcək. Bu statusun verilməsi xarici investisiyanın cəlb edilməsi baxımından vacibdir. Yeni güzəşt mexanizminin tətbiq olunması Ələt azad iqtisadi zonasına xarici investisiya cəlbini artıracaq. Burada artıq beynəlxalq hüquq normaları tətbiq ediləcək. Azərbaycanın öhdəliklərinin, eləcə də Ələt azad iqtisadi zonasında rezidentlərin öhdəliklərinin ayrıca qanunla müəyyənləşdirilməsi vacibdir. Təbii ki, bütün bunlar xarici investisiyanın cəlb edilməsinə imkan yaradacaq”.
