Blog Full - Muhasibat.Az

Oxunma sayı: 136. 993

19 Mar 2018

Vergilər Nazirliyi sadələşdirilmiş vergi ödəyicilərinə müraciət etdi

by | posted in: Vergi, Xəbər | 0

SADƏLƏŞDİRİLMİŞ VERGİNİN ÖDƏYİCİLƏRİ OLAN HÜQUQİ ŞƏXSLƏRİN NƏZƏRİNƏ!

Bildiririk ki, Vergi Məcəlləsinin 219.5-ci maddəsinə əsasən 01.01.2017-ci il tarixdən etibarən sadələşdirilmiş verginin ödəyicisi olan hüquqi şəxslər eyni zamanda əmlak vergisinin ödəyicisi hesab olunurlar.

Əmlak vergisi müəssisənin əmlakının orta illik qalıq dəyəri əsasında hesablanır. Əmlakın qalıq dəyəri dedikdə əsas vəsaitlərin ilkin dəyərindən həmin əsas vəsaitlərə hesablanmış amortizasiya məbləği çıxıldıqdan sonra qalan dəyəri başa düşülür.

2017-ci ilin yanvar ayının 1-dən etibarən əmlak vergisinin ödəyicisi olan hüquqi şəxslər əmlak vergisini hesablamaq üçün hesabat ilinin əvvəlinə (əvvəlki vergi ilinin sonuna müəyyən edilən qalıq dəyərindən həmin il üçün hesablanmış amortizasiya məbləği çıxıldıqdan sonra qalan dəyər) və sonuna əmlakın qalıq dəyərini toplayıb 2-ə bölür, alınan orta qalıq dəyərinə 1% vergi dərəcəsi tətbiq edirlər.

Məsələn: Sadələşdirilmiş verginin ödəyicisi olan hüquqi şəxsin əmlak vergisinə cəlb edilən əsas vəsaitlərinin (avtonəqliyyat vasitələri istisna olmaqla) qalıq dəyəri:

01.01.2017-ci il tarixə – 98.000 manat (ilin əvvəlinə);

31.12.2017-ci il tarixə – 85.000 manat (ilin sonuna).

Bu halda əmlak vergisinin məqsədləri üçün müəssisənin əmlakının orta illik qalıq dəyəri (98.000+85.000) : 2 = 91.500 manat, hesablanmış illik əmlak vergisinin məbləği isə 915 manat (91.500 x 1%) olacaqdır.

Odur ki, sadələşdirilmiş verginin ödəyicisi olan müəssisələr 2017-ci ilin yekununa görə Əmlak vergisinin bəyannaməsini cari ilin aprel ayının 2-dən gec olmayaraq vergi orqanına təqdim etməyə və hesablanmış vergini həmin müddətədək tam həcmdə dövlət büdcəsinə ödəməyə borcludurlar.

Bildiririk ki, Vergi Məcəlləsinin 57-ci, 58-ci və 59-cu maddələrinə əsasən:

– Əmlak vergisinin bəyannaməsini müəyyən edilən müddətdə təqdim etməyən müəssisəyə vergi orqanının qərarına əsasən 40 manat məbləğində;

– Bəyannamə təqdim edilməzsə, vergi ödəyicisinə yayındırılmış əmlak vergisi məbləğinin (kameral vergi yoxlaması nəticəsində hesablanmış əlavə vergi məbləği istisna olmaqla) 50 faizi miqdarında maliyyə sanksiyası tətbiq edilir;

– Əmlak vergisi müəyyən edilmiş müddətdə ödənilmədikdə, ödəmə müddətindən sonrakı hər bir ötmüş gün üçün, bir ildən çox olmamaqla vergi ödəyicisindən ödənilməmiş vergi məbləğinin 0,1 faizi miqdarında faiz tutulur.

Vergi öhdəliklərinizi vaxtında yerinə yetirməyi Sizə tövsiyə edirik.

Əlavə məlumat üçün “195-1” Çağrı Mərkəzinə və vergi ödəyicilərinə xidmət mərkəzlərinə müraciət edə bilərsiniz.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

19 Mar 2018

Transmilli şirkətlər az vergi ödəməyə başlayıblar

by | posted in: Vergi, Xəbər | 0

Hökümətlərin vergilərin ödənilməsindən yayınma ilə bağlı apardıqları mübarizəyə baxmayaraq, onların effektiv tarifləri aşağı düşüb.

Financial Times nəşrinin apardığı tədqiqatlar göstərib ki, nəhəng transmilli şirkətlər maliyyə böhranından əvvəlki dövrlə müqayisədə vergiləri daha aşağı tariflə ödəməyə başlayıblar. 2008-ci illə müqayisədə onların orta effektiv vergi tarifi 26%-dən, 2016-cı ildə 24%-ə qədər aşağı düşüb. 2000-ci ildə isə ümumiyyətlə həmin tarif 34% bərabər idi. Vergilərdən yayınma ilə bağlı beynəlxalq mübarizənin aparıldığı bir dövrdə bu, təbii ki, təəccüb doğurmaya bilmir.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

19 Mar 2018

Mühasib fırıldaqları (8-ci sxem)

by | posted in: muhasibat, Məqalə, Xəbər | 0

8ci sxem

Öz saxtakarlıqlarını ört-basdır etməkdən ötrü yanğın törədən mühasiblər

Bəzən mühasib öz səhlənkarlıq və saxtakarlıqlarının izini itirməkdən ötrü yanğın törətmək kimi əmələ belə əl atmaqdan çəkinmir. Bu üsulla o, mühüm əhəmiyyət kəsb edən mühasibat sənədlərini və kompüterləri məhv etməyə cəhd edir.

Mühasib bilir ki, mənimsəmə faktı ilə müqayisədə yanğınla bağlı onun üzərinə daha az şübhə düşəcək. Oğurluğun istintaqı zamanı müstəntiqlər bu cinayətin kimə daha çox sərfəli olması ilə bağlı sual verəcəklər. Belə halda mühasib maraqlı şəxs kimi, danışıqsız başlıca şübhəli şəxsə çevriləcək.

Həqiqətən, mühasibat sənədləri mühasibdən başqa kimlərə gərəkdir ki? Yanğın baş verdikdə isə mühasib fərz edir ki, o, şübhələrdən kənarda qalacaq, axı yanğına çox şey səbəb ola bilər: qısa qapanma, yerə atılmış siqaret kötüyü və ya elektrik çaydanı. Elədir, yanğını təşkil etmək, “oğurluq” etməkdən çox asan məsələdir. Məsələn, dünən söndürülməmiş siqaret kötüyünü “unutmaq” və gizlində onun yanğın törədə biləcəyinə ümid etmək olar.

Yeri gəlmişkən, odun məhv elədiyi sənədləri bərpa etmək ilk baxışda göründüyü kimi elə də çətin məsələ deyil. Sənədlərin hansı hissələrinin yanğından zərər çəkmədiyini təhlil etməyə dəyər. Məsələn, müəssisənin anbardar tərəfindən mal-maddi dəyərlərin daxil olması və anbardan çıxması ilə bağlı sənədlərin surətini özündə saxlayır. Bundan əlavə, xidməti banka müraciət edib ödəniş qəbzləri və çeklərinin və s. oradan surətini əldə etmək olar. Və toplanmış həmin sənədlər əsasında müqavilələrin və mal müşayiəti sənədlərinin əsas hissəsini bərpa etmək mümkündür.

Misal üçün, ödəmə qəbzində hər hansı bir “A” müəssisəsinə alınan məhsula görə pul ödənilibsə, həmin müəssisə ilə əlaqə saxlayıb həmin əməliyyata dair müqavilələrin və digər sənədlərin surətlərini xahiş edərək almaq olar. Müəssisənizlə əlaqəsi olan digər təsərrüfat subyektləri ilə də eyni cür hərəkət etmək mümkündür.

Əgər kompüterin sərt diski elə də çox zərər görməyibsə, onda olan məlumatları asanlıqla bərpa etmək mümkündür. Əgər, informasiyalar kənar daşıyıcılarda da (fləş-kart və ya disk) varsa, onda sizin bəxtiniz gətirib. Belə halda siz ilkin sənədləri tam bərpa edə bilərsiniz və beləliklə də müəssisənizin mühasibat uçotu sahəsində obyektiv təsvirini əldə edə biləcəksiniz. Ona görə, təşkil olunmuş “yanğınlar” işləri bir qədər ləngitsə də, çox vaxt mühasibə səhlənkarlıq və ya saxtakarlıqlar üzündən məsuliyyətdən yayınmağa imkan vermir.

Əgər, müəssisənizin mühasibatlığında yanğın baş veribsə, bunun üzərində düşünməyə dəyər. Hər şeydən əvvəl xatırlamağa çalışın, yaxın vaxtlarda vergi yoxlaması gözlənilirdimi? Əgər hə, onda yanğının izlərini itirmək məqsədi ilə mühasibiniz tərəfindən süni şəkildə təşkil olunması ehtimalı ola bilər. Yanğının hansı səbəblər üzündən baş verdiyini, bu səbəbləri araşdıran yanğından mühafizə xidmətinin tərtib etdiyi akta baxdıqdan sonra bilmək mümkün olacaq. Əgər, həmin aktda yanğının qəsdən törədildiyi yazılarsa, onda sizin şübhələriniz bir qədər də əsaslı olacaq. Əgər, siz yanğının təşkilində mühasibinizdən şübhələnirsinizsə, belədə onun sənədlərin bərpası işinə cəlb etmək, məqsəduyğun deyil.

Məqalənin 7-ci hissəsini bu linkə daxil olmaqla oxuya bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

19 Mar 2018

Məcburi dövlət sosial sığortası

by | posted in: Xəbər | 0

Sosial sığorta

Sosial sığorta – bu Qanunla nəzərdə tutulmuş hallarda fiziki şəxslərin itirilmiş əmək haqlarının, gəlirlərinin və ya əlavə xərclərinin kompensasiya edilməsinə, habelə itirilməsinin qarşısının alınmasına yönəldilmiş təminat formasıdır.

Məcburi dövlət sosial sığortası

Sosial sığorta məcburi dövlət sığortası və könüllü (əlavə) sığorta formalarında olur.

Məcburi dövlət sosial sığorta haqqı ödəyiciləri

Məcburi dövlət sosial sığorta haqqının ödəyiciləri – özünü və ya başqasını sosial sığortaedən şəxslərdir.

Məcburi dövlət sosial sığortası üzrə sığorta iştirakçılarının uçotu

Qeyri-kommersiya hüquqi şəxsləri dövlət qeydiyyatına, ailə kəndli təsərrüfatları isə qanunvericiliklə müəyyən edilmiş qaydada uçota alındıqdan, mülkiyyətində olan kənd təsərrüfatına yararlı torpaqları istifadə edən şəxslər torpağa mülkiyyət hüququnu təsdiq edən sənəd aldıqdan, təsərrüfat subyekti olmayan digər sığortaedənlər isə əmək müqaviləsi (kontraktı) bağlandıqdan sonra bir ay müddətində müvafiq məlumatları təqdim etməklə məcburi dövlət sosial sığortası üzrə Azərbaycan Respublikasının Dövlət Sosial Müdafiə Fondunun yerli orqanlarında uçota durmalıdırlar.

“Sahibkarlıq fəaliyyəti subyektlərinin fəaliyyətinin “bir pəncərə” prinsipi ilə təşkilinin təmin edilməsi tədbirləri haqqında” Azərbaycan Respublikası Prezidentinin 2007-ci il 25 oktyabr tarixli 2458 nömrəli Sərəncamı ilə sahibkarlıq fəaliyyəti subyektlərinin “bir pəncərə” prinsipi üzrə vahid dövlət qeydiyyatı orqanı Azərbaycan Respublikasının Vergilər Nazirliyi müəyyən edilmişdir.

Buna müvafiq olaraq kommersiya hüquqi şəxslərinin, xarici kommersiya hüquqi şəxsin nümayəndəlik və filiallarının, habelə sahibkarlıq fəaliyyəti ilə məşğul olan fiziki şəxslərin məcburi dövlət sosial sığortası üzrə Dövlət Sosial Müdafiə Fondu orqanlarında uçotu Azərbaycan Respublikasının Vergilər Nazirliyinin təqdim etdiyi uçot məlumatları əsasında aparılır.

Kommersiya hüquqi şəxs – əsas məqsədi mənfəət götürməkdən ibarət olan qurumdur.

Qeyri – kommersiya hüquqi şəxs- əsas məqsədi mənfəət götürməkdən ibarət olmayan və ya götürülən mənfəəti iştirakçılar arasında bölüşdürməyən qurumdur.