Oxunma sayı: 137. 862
15 May 2018

Ən səs-küylü maliyyə qalmaqalları (1-ci hissə)

by | posted in: Maliyyə, muhasibat, Məqalə, Xəbər | 0

Dəqiq mühasibat uçotunun olmaması bəzən geniş miqyaslı pozuntulara gətirib çıxarır. Biznes dünyasında baş verən bir çox nəhəng qalmaqallardan sadə üsullarla yayınmaq olardı, lakin müəyyən zaman kəsiyində onlardan istifadə olunmaması, həmin hay-küylü qalmaqallara gətirib çıxardı və bütün dünya bu rüsvayçılıqlardan xəbər tutdu.

Ən böyük maliyyə qalmaqalları əsasən korrekt olmayan mühasibat hesabatlılığı nəticəsində ortaya çıxır. Şirkətlərin gəlir və xərclərinin təhrif olunmasından, aktivlərinin şişirdilməsindən və passivlərinin dəyərləndirilməməsindən söhbət gedir. Bəzən bu pozuntuların nə dərəcədə bilərəkdən həyata keçirilib-keçirilməməsini müəyyən etmək nəzarətedici orqanlara müəssər olmur.

Kommersiya təşkilatları tərəfindən həyata keçirilmiş və diqqətləri daha çox cəlb edən maliyyə pozuntularından bir neçəsini diqqətinizə çatdırırıq.

“Korporativ Toshiba mədəniyyəti”

2015-ci ildə yapon şirkəti Toshiba bir neçə il ərzində öz qazancını əhəmiyyətli dərəcədə şişirtdiyinə görə qalmaqalın mərkəzinə düşdü. Şirkət yeddi il ərzində gəlirlərin səviyyəsinin 2 milyard dollar şişirdildiyini etiraf etdi. Müstəqil təhqiqat müəyyən etdi ki, mühasiblər bu qanun  pozuntularına şüurlu şəkildə, həm də rəhbərliyin xəbəri ola-ola yol vermişlər.

Bunun nəticəsində şirkətin prezidenti Hisao Tanaka, baş icraçı direktor və digər bir sıra vəzifəli şəxslər istefa verməli oldular. İstintaq müəyyən etdi ki, Hisao Tanakanın rəhbərliyi dövründə Toshiba-da “korporativ mədəniyyət” hökm sürübmüş və nəticədə rəhbərliyin qərarlarına heç kim etiraz edə bilməzmiş. Təqsirkar mühasiblər rəhbərliyin təzyiqi altında olublar və onlar hesabatlardan müntəzəm olaraq zərərlərlə bağlı məlumatları çıxarır, eləcə də şirkətin xərclərinin bir hissəsini növbəti ilə keçirirdilər.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

15 May 2018

Kalkulyatorla edəcəyimiz heyrətləndirici fokuslar (3-cü hissə)

by | posted in: Məqalə, Xəbər | 0

Sən demə, kalkulyatorla da müxtəlif oyunlar oynamaq və fokuslar göstərmək olurmuş. Bu silsilədən olan daha bir fokusu sizə təqdim edirik.

“Sehirli rəqəm”

Bu oyunu yerinə yetirməkdən ötrü sizə kalkulyator, qələm və kağız lazım gələcək.

  1. Könüllüdən sizə söyləmədən hər hansı bir rəqəm seçməyi təklif edin, məsələn, könüllü “2” rəqəmini seçib. Həmin rəqəmi sizə göstərmədən kağız üzərində yazmağı xahiş edin.
  2. Sonra könüllüdən həmin rəqəmi 9-a vurmağı və nəticəni, yəni, 2×9=18, yadında saxlamağı xahiş edin.
  3. Sonra kalkulyatorda 12345679 nömrəsini yazın (görürsünüz, burada 8 rəqəmi yoxdur).
  4. Həmin göstərici əks olunan kalkulyatoru könüllüyə təqdim edin. Auditoriya söyləyin ki, süzin şüurunuz könüllünün beyninin buraxdığı dalğaları tutmaq qabiliyyətinə malikdir və siz onun ürəyində tutduğu ilk rəqəmi tapa bilərsiniz. Ən təəccüblüsü isə siz həmin rəqəmi kalkulyatorda əks olunmağa məcbur edəcəksiniz.
  5. Könüllüdən göstərilən rəqəmi nəticə ilə birlikdə olan rəqəmə, yəni 12345679×18 vursun. Kalkulyatorda 222222222 sayı görünəcək. Könüllü eyni rəqəmlərdən ibarət sayın görünməsinə heyrətlənəcək. Auditoriyaya bildirin ki, siz öz ekstrasensor qabiliyyətinizi sayın sehirli şəkildə peyda olmasına məcbur edəcəksiniz. Bu necə olacaq? 12345679 nömrəsini götürək və 12345679×9-a vuraq, 1111111111 rəqəmi alınacaq. Daha sonra bunu istənilən yeganə rəqəmə vursanız, doqquz rəqəmli say alınacaq. Bu nümunədə olduğu kimi: 12345679×9=111111111. Könüllüdən 2×9=18 sayını yerinə yetirməyi xahiş edin və bu zaman siz bunu necə etdiyinizi izah etməklə bağlı onun xahişini yerinə yetirməkdən bir növ yayınırsınız və onun da diqqətini yayındırsınız.

Məqalənin 2-ci hissəsini bu linkə daxil olaraq oxuya bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

15 May 2018

600 manat məvaciblə, 1 ildən az təcrübəsi olan 1C operator axtarılır

by | posted in: 1C, İş elanı, Xəbər | 0

1C operatorİşəgötürən: ASF MMC

Əmək haqqı: 500-600 AZN

İş barədə məlumat:

  • İş barədə bütün məlumatlar öncədən öyrədiləcək
  • İş saatı: 10:00-dan 20:00-dək
  • Həftədə bir gün istirahət
  • Karyera yüksəlişi var

Namizədə tələblər:

  • 1c proqramında işləmə bacarığı

Mənbə: boss.az

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

15 May 2018

Əmək pensiyası və əmək pensiyasına əlavə necə ödənilir?

by | posted in: Xəbər | 0

Əmək pensiyalarının əhaliyə ödənilməsi (çatdırılması) qaydaları əmək pensiyasını təyin edən orqan tərəfindən müəyyən edilir.

Əmək pensiyalarının əhaliyə çatdırılması ilə bağlı xidmət haqları və nağd pul vəsaitinə görə haqqın məbləği həmin orqanın bank və rabitə orqanları ilə bağladıqları müqavilələrlə müəyyənləşdirilir. Əmək pensiyasına əlavənin ödənilməsi əmək pensiyası ilə birlikdə və əmək pensiyasının ödənilməsi qaydalarına uyğun aparılır. İşləyən əmək pensiyaçılarına: Yaşa görə əmək pensiyasının baza və pensiya təyin olunan günədək qazanılmış sığorta hissəsi tam məbləğdə ödənilir. Pensiya təyin olunduqdan sonrakı dövr üzrə qazanılan sığorta və yığım hissələri üzrə pensiya kapitalının toplanması davam etdirilir və şəxslər işləməyən əmək pensiyaçısı kateqoriyasına keçdikdə həmin dövr üzrə sığorta və yığım hissələrinin hesablanmasında gözlənilən pensiya ödənişi müddəti aylarının sayı pensiyaçının pensiya yaşından sonra işlədiyi ayların miqdarı qədər, lakin 72 aydan artıq olmamaqla azaldılaraq əmək pensiyası yenidən hesablanır. Əlilliyə görə əmək pensiyası himayədə olanlara görə verilən əlavə nəzərə alınmadan yalnız baza hissəsindən ibarət olmaqla ödənilir.

“Əmək pensiyaları haqqında” Azərbaycan Respublikası Qanununun qüvvəyə mindiyi tarixədək təyin olunmuş əlilliyə görə əmək pensiyası himayədə olanlara verilən əlavə nəzərə alınmadan tam məbləğdə ödənilir; ailə başçısını itirməyə görə əmək pensiyası tam məbləğdə ödənilir; “Əmək pensiyaları haqqında” Azərbaycan Respublikası Qanununun 20.1.1-ci – 20.1.10-cu və 20.1.14-cü – 20.1.19-ci maddələrində nəzərdə tutulmuş şəxslərə qulluq stajına görə əmək pensiyasına əlavələr həmin maddələrdə göstərilən vəzifələrdə çalışdıqda 50 faiz həcmində, digər hallarda isə tam məbləğdə ödənilir. Həmin şəxslər (bu Qanunun 20.1.5-ci və 20.1.14-cü və 20.1.18-ci maddələrində göstərilən şəxslər istisna olmaqla) qulluq stajına görə əmək pensiyasına əlavənin təyin edilməsi üçün əsas götürülmüş vəzifədə (bu qanunun 20.1.1-ci maddəsində göstərilən şəxslər həmin maddədə sadalanan vəzifələrdə, 20.1.3-cü maddəsində göstərilən şəxslər həmin maddədə sadalanan vəzifələrdə, 20.1.3-1-ci maddəsində göstərilən şəxslər həmin maddədə sadalanan vəzifələrdə, 20.1.4-cü maddəsində göstərilən şəxslər həmin maddədə sadalanan vəzifələrdə, 20.1.5-1-ci maddəsində göstərilən şəxslər həmin maddədə sadalanan vəzifələrdə, 20.1.6-cı maddəsində göstərilən şəxslər həmin maddədə sadalanan vəzifələrdə, 20.1.7-cı maddəsində göstərilən şəxslər həmin maddədə sadalanan vəzifələrdə, 20.1.16-cı maddəsində göstərilən şəxslər həmin maddədə sadalanan vəzifələrdə) çalışdıqda, onlara həmin əlavənin ödənilməsi dayandırılır.

Əmək pensiyaçısının müalicə müəssisələrində stasionar müalicədə, habelə cüzam xəstəxanasında olduğu dövrdə onun əmək pensiyası tam məbləğdə ödənilir. Qocalar və əlillər üçün internat evlərində (pansionatlarda) yaşayan əmək pensiyaçılarına təyin olunmuş əmək pensiyası tam məbləğdə ödənilir. Cəzaçəkmə müəssisələrində və həbsdə saxlanılma yerlərində məhkumlara əmək pensiyası məhkəmənin fərqli qərarı yoxdursa tam məbləğdə ödənilir. Keçmiş müddət üçün alınmamış əmək pensiyasının məbləği müddətindən asılı olmayaraq ödənilir.

Mənbə: sspf.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

1 … 2. 386 2. 387 2. 388 2. 389 2. 390 2. 391 2. 392 … 2. 683