Blog Full - Muhasibat.Az

Oxunma sayı: 137. 829

15 May 2018

Gilan Holding Mühasib axtarır

by | posted in: İş elanı, muhasibat, Xəbər | 0

Vəzifə: Mühasib (Gilan Tekstil Parkı)

Kateqoriya: Yüngül Sənaye

İş növü: Tam iş günü (Full-time)

Tələb olunan iş təcrübəsi: 1 ildən 3 ilə qədər

İş yeri: Azərbaycan / Sumqayıt

Təhsil: Bakalavr

Tələb olunan ixtisas: Maliyyə

Öhdəliklər:

“Gilan Tekstil Park” MMC-nin müxtəlif mədaxil, məxaric orderlərı, ciddi hesabat blankları və s. rəsmi sənədlərin doldurulmasına və hərəkətinə nəzarət etmək;
Dövlət büdcəsinə ödənilşlərin düzgün hesablanılması və vaxtında köçürülməsi, Dövlət Sosial Müdafiə Fonduna sosial ayırmaların hesablanması təmin etmək;
Mühasibat uçotunun aparılması qaydalarını rəhbər tutaraq mühasibat uçotunun aparılmasını təşkil etmək;
Hesabat-uçot işlərini müasir avtomatlaşdırılma vasitələrindən istifadə edərək qurulmasında iştirak etmək;
Daxil olan pul vəsaitlərinin, mal-material ehtiyatlarının və əsas vəsaitlərin tam uçotu və onların hərəkəti ilə bağlı əməliyyatların vaxtında mühasibat uçotunda əks etdirilməsini təmin etmək;
Xərc smetalarin icrası, mal satışı, işlərin görülməsi və xidmətlərin görülməsinin uçotunu aparmaq;
Mühasibat sənədərinin saxlanılması, qorunması və müəyyən olunmuş müddətlərdə arxivə təhvil verilməsini təşkil etmək;
İlkin sənədlər və mühasibat yazılışları əsasında vergi və mühasibat hesabatlarının tərtib olunması və qanunvericilikdə müəyyən edilmiş müddət ərzində müvafiq orqanlara göndərilməsini həyata keçirmək;
Əmək haqqı fondunun xərclənməsinə, ştat cədvəlinə ciddi riayət olunmasına nəzarət etmək;
Pul vəsaitlərinin, mal-material qiymətlilərinin və əsas vəsaitlərin inventarizasiyasının müəyyən olunmuş müddətə keçirilməsinə nəzarət və iştirak etmək;
Vəzifəsinin icrası ilə əlaqədar digər tapşırıqları yerinə yetirmək.

Namizəddə tələblər:

Ali iqtisadi təhsil;
Mühasib kimi ən az 3 il iş təcrübəsi;
Beynəlxalq mühasibatlıq bilikləri;
Mühasibatlıqla bağlı yerli qanunvericiliyi bilməli;
Ünsiyyət qurmaq və danışıqlar aparmaq bacarığı;
Vergi məktublarının cavablandırlması;
MS Office proqramlarını (xüsusəndə Excel) yüksək səviyyədə bilmək;
Vergi, əmək qanunvericilikləri üzrə məlumatlı olmaq;
Riyazi hesablama aparma, analitik təhlil etmə qabiliyyəti;
Mal-materialların uçotunun aparılması və balansın çıxarılması bacarıqları.

Dillər:

Azərbaycan: Ana dili

İngilis: Orta səviyyədən yuxarı

Rus: Orta

İT bilikləri: MC office,ERP

Müraciət üçün bu linkə daxil olun.

Mənbə: gilanholding.com

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

14 May 2018

Azərbaycanda 10 gömrükçü barədə sənədlər prokurorluq orqanlarına göndərilib

by | posted in: Xəbər | 0

2017-ci ildə Azərbaycanda korrupsiya ilə mübarizə çərçivəsində 10 gömrük orqanı əməkdaşı barədə sənədlər prokurorluq orqanlarına göndərilib.

Bunu Bakıda keçirilən “Gömrük orqanlarının fəaliyyətində şəffaflıq və hesabatlılıq” adlı tədbirdə çıxış edən Dövlət Gömrük Komitəsinin daxili təhlükəsizlik idarəsinin rəisi Fuad Qasımov deyib.

Bundan başqa, onun sözlərinə görə, ötən il adı korrupsiyada hallandırılan 7 nəfər haqqında sənədlər isə DGK-nın istintaq idarəsinə verilib.

“Vəzifə səlahiyyətlərini yerinə yetirərkən pozuntuya yol vermiş 209 gömrük orqanı əməkdaşı intizam məsuliyyətinə cəlb edilib. Onlardan 10-u gömrük orqanlarından, 2-si isə tutduğu vəzifədən azad edilib. Həmçinin 1 nəfər aşağı vəzifəyə keçirilib, 5 nəfərin xüsusi rütbəsi aşağı endirilib, 47 nəfərə sonuncu xəbərdarlıq edilib və şiddətli töhmət verilib, 30 nəfərə adi xəbərdarlıq edilib, 114 nəfərə isə adi töhmət verilib”, – deyə gömrük rəsmisi əlavə edib.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

14 May 2018

Qadın mühasib 908.000 manatı necə oğurladı??

by | posted in: muhasibat, Məqalə, Xəbər | 0

Keçmiş mühasib 33 milyon rubl (908.000 manat) oğurluğuna görə mühakimə edilib.

Vladivostok şəhər məhkəməsi Rusiya poçtları filialının keçmiş Baş mühasibini 33 milyon rubl pul oğurluğuna görə üç il azadlıqdan məhrum edib. Cinayət əməli barədə regional prokurorluğun mətbuat xidməti məlumat verib.

“Vladivostok şəhərinin Frunze rayon məhkəməsində yerli sakinə qarşı mənimsəmə maddəsi ilə məhkəmə prosesi keçirilib. Qadın xidməti vəziyyətindən istifadə edərək, filialın hesabındakı qalıq pul vəsaitlərinin toplanmasını təşkil edib, sonra isə həmin məbləğləri qeyri-qanuni yollarla çıxararaq mənimsəyib. Ümumilikdə baş mühasib Rusiya poçtları idarəsinə məxsus 33 milyon rubldan çox vəsaitin arxasına keçib. Məhkəmə mühakimə olunanı təqsirli hesab edərək, onun barəsində cəzasını ümumi rejimli islah əmək koloniyasında çəkməklə üç il həbs cəzası kəsib”, – xəbərdə belə deyilir.

Məhkəmə həmçinin həbsə məhkum olunandan 33 milyon rublun tutularaq müəssisəyə qaytarılması ilə bağlı da qərar qəbul edib.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

14 May 2018

SABAH-dan uğurlu karyeraya doğru

by | posted in: Vergi, Xəbər | 0

Təhsil və Vergilər nazirlikləri arasında imzalanmış əməkdaşlıq memorandumu çərçivəsində keçirilən görüşün məqsədi SABAH qrupu tələbələrinin Vergilər Nazirliyi və onun tabeliyində olan struktur bölmələrində işə qəbul qaydaları və prosedurları haqda məlumatlandırılmasıdır.

Memorandum vergi sahəsində gənc və peşəkar kadrların yetişdirilməsini, ali təhsil müəssisələri ilə birgə vergi ixtisası üzrə vahid tədris proqramlarının tərtibini, təhsilalan və təhsilverənlərin peşəkar inkişafına müxtəlif vasitələrlə (təlim, müsabiqə, seminar və s.) dəstək göstərilməsini, Vergilər Nazirliyi əməkdaşlarının ali təhsil müəssisələrində akademik fəaliyyətə cəlb olunması və digər nazirliklərarası əməkdaşlıq məsələlərini əhatə edir.

Memarandum imzalandıqdan sonra keçirilən ilk görüşdə tələbələrin gələcək karyera yüksəlişləri ilə bağlı sorğuları cavablandırılmışdır. Tədbirdə çıxış edən Vergilər Nazirliyi aparatının rəhbəri Nigar Alimova tələbələrə öz uğur hekayəsini təqdim etmiş, yüksəliş yolunda qarşılaşdığı çətinliklərdən və onların aradan qaldırılması üsullarından danışmışdır.

İnsan resursları departamentinin baş direktorunun müavini Kamran Məmişov isə SABAH qrupu tələbələrinə Vergilər Nazirliyində işə qəbulla bağlı karyera imkanları haqqında məlumat vermişdir.

Bildirilmişdir ki, dövlət vergi orqanlarına işə qəbul 2005-ci ildən başlayaraq müsabiqə əsasında həyata keçirilir və işə qəbulun müsabiqə və rəqabətlilik əsasında təşkili baxımından Vergilər Nazirliyi öndə gələn dövlət orqanlarındandır: «İndiyədək dövlət vergi orqanlarına işə qəbul üzrə 13 müsabiqə yekunlaşdırılmış, 1356 nəfər vergi orqanlarında işlə təmin edilmişdir. Bu, hazırda vergi orqanlarında xidmət edənlərin yarısından çoxunu təşkil edir. Sevindirici haldır ki, həmin şəxslərdən bir qismi artıq rəhbər vəzifələr tutur. Hazırda 14-cü müsabiqə davam edir».

Tələbələrin nəzərinə çatdırılmışdır ki, 2018-ci ilin əvvəlindən vergi siyasətində əsaslı islahatların başlanılması istiqamətində əhəmiyyətli əməli işlər görülmüş, bir sıra nəticələr əldə edilmişdir: «Təbii ki, islahatların yüksək keyfiyyətlə həyata keçirilməsi üçün peşəkar kadrlar tələb olunur. Bu baxımdan, biz, ilk növbədə, SABAH qruplarının tələbələri kimi savadlı, bacarıqlı və hazırlıqlı gənclərimizin potensialına və enerjisinə güvənirik».

Mənbə: taxes.gov.az