Oxunma sayı: 137. 420
20 Apr 2018

Sadələşdirilmiş vergi ödəyicisi olan alıcı e-qaimədən əlavə, satıcıdan VHF tələb etməlidirmi?

by | posted in: Vergi, Xəbər | 0

Sual: Sadələşdirilmiş vergi ödəyicisi olan alıcı e-qaimədən əlavə satıcıdan VHF tələb etməlidirmi və VHF olmamasına görə maliyyə sanksiyası tətbiq olunurmu?

Cavab: Bildiririk ki, ƏDV-nin ödəyicisi kimi qeydiyyatdan keçən və vergi tutulan əməliyyat aparan şəxs malları, işləri və ya xidmətləri qəbul edən şəxsə elektron vergi hesab-fakturasını verməyə borcludur.

ƏDV-nin ödəyiciləri olmayan alıcılara pərakəndə mal göndərildikdə və ya xidmət göstərildikdə, elektron vergi hesab-fakturası əvəzinə elektron qaimə-faktura və ya qəbz və ya çek verilə bilər.

Bu baxımdan da sorğunuzda qeyd olunan halda ƏDV ödəyicisi tərəfindən elektron vergi hesab-fakturasının verilməsi qanunvericilikə istisna olunmur. Bununla belə, sadələşdirilmiş vergi ödəyicisində elektron qaimə-faktura olduqda elektron vergi hesab-fakturasının olmaması maliyyə sanksiyasının tətbiqini istisna edir.

Bax: Vergi Məcəlləsinin 58.8-ci və 176-cı maddələri.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

20 Apr 2018

900 manat əmək haqqı ilə Maliyyəçi tələb olunur

by | posted in: İş elanı, Maliyyə, Xəbər | 0

İşəgötürən: Gross Market

İş barədə məlumat

  • Gündəlik və aylıq hesabatların tərtib edilməsi
  • Pul vəsaitlərinin hərəkəti ilə bağlı əməliyyatların mühasibat hesabatlarında əks etdirilməsi
  • Müştərilər tərəfindən edilən ödənişlərin uçotu və gündəlik nəzarət edilməsi
  • Bank, kassa əməliyyatlarının uçotu
  • Borcların ödənilməsinə dair hesabatların hazırlanması
  • Müdüriyyət tərəfindən verilən əlavə tapşırıqların yerinə yetirilməsi
  • İş vaxtı: Bazar ertəsi-Cümə (09:00-dan 18:00-dək), Şənbə günləri (09:00-dan 13:00-dək)

Namizədə tələblər

  • Yaş: 28-45
  • Azərbaycan dilində mükəmməl səviyyədə bilmək
  • Mikro proqramında işləməyi bacarmalı
  • Microsoft Office proqramlarını, əsasən də Excell proqramını yaxşı səviyyədə bilmək
  • Mühasibat sahəsində ən azı 3 il iş təcrübəsi
  • Məsuliyyət, düzgünlük, dəqiqlik və etibarlılıq kimi müsbət göstəricilərə sahib olmaq
  • Namizədin kollektivlə işləmək bacarığı və nizam-intizam qaydalarına hörmətlə yanaşmağı və ünsiyyət qura bilmə bacarığı

Mənbə: 600-900 AZN

Mənbə: boss.az

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

19 Apr 2018

Azərbaycanda maliyyə və sığorta sektorunda işçilərin sayı artıb

by | posted in: iqtisadiyyat, Maliyyə, Xəbər | 0

Azərbaycanda maliyyə və sığorta sektorunda çalışanların sayı 2018-ci il martın 1-nə 23,7 min nəfərə çatıb.

Fevral ayında bu sahədə çalışanların sayında 100 nəfər artım qeydə alınıb.

İşçilərin 4,5 min nəfəri və ya 19%-i dövlət, 19,2 min nəfəri və ya 81%-i özəl sektorda çalışıb. Rəsmi statistikaya əsasən, özəl sektorda işləyənlərin sayı sabit qalıb, artım dövlət sektoru hesabına baş verib.

2018-ci il aprelin 1-i vəziyyətinə ilkin məlumatlara əsasən, iqtisadi fəal əhalinin sayı 5075,9 min nəfər olub, onlardan 4823,4 min nəfərini məşğul əhali təşkil edib.

Cari il martın 1-i vəziyyətinə muzdla işləyənlərin sayı 1516,5 min nəfər, o cümlədən iqtisadiyyatın dövlət sektorunda 887,9 min nəfər, qeyri-dövlət sektorunda isə 628,6 min nəfər olub.

İqtisadiyyatın neft sektorunda 33,5 min nəfər, qeyri-neft sektorunda isə 1483,0 min nəfər çalışıb.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

19 Apr 2018

Ölkəmizdə neçə nəfər sahibkar var?

by | posted in: Xəbər | 0

Fərdi sahibkarlar 2018-ci ilin aprelin 1-i vəziyyətinə hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçmiş fərdi sahibkarların sayı 804 minə yaxınlaşıb.

Dövlət Statistika Komitəsindən verilən məlumata görə hesabat dövründə hər altı fərdi sahibkardan beşi “Kənd təsərrüfatı, meşə təsərrüfatı və balıqçılıq”, “Ticarət; nəqliyyat vasitələrinin təmiri”, “Digər sahələrdə xidmətlərin göstərilməsi” və “Nəqliyyat və anbar təsərrüfatı” sahələri üzrə qeydiyyatdan keçib.

Sahibkarlıqla məşğul olmaq niyyətində olan fərdi sahibkarların əsas hissəsi Bakıda 29,8%, Aranda 20,7%, Gəncə – Qazaxda 14,0% və Lənkəranda 10,1% iqtisadi rayonlarında qeydiyyata alınıb.

Fərdi sahibkarların 78,5% kişilər, 21,5% isə qadınlar təşkil edib. Qadınlar “Kənd təsərrüfatı, meşə təsərrüfatı və balıqçılıq” fəaliyyət növündə mövcud sahibkarların ümumi sayının 27,0%-ni, “Digər sahələrdə xidmətlərin göstərilməsi” fəaliyyət sahəsində 25,6%-ni, “Ticarət, nəqliyyat vasitələrinin təmiri” fəaliyyət sahəsində isə 20,7%-ni təşkil edir.

Sahibkar qadınların Bakıda 31,7%-i, Aranda 17,6%-i, Gəncə-Qazax 17,0%-i, qalanları isə digər iqtisadi rayonlarda qeydiyyatdan keçib. Fərdi sahibkarların cins tərkibinin regionlar üzrə say bölgüsündən aydın olur ki, Bakıda 22,8%, Gəncə-Qazaxda 26,0% və Lənkəranda 22,5% iqtisadi rayonlarında qadın sahibkarların payı ölkə üzrə orta göstəricidən yuxarıdır.

Mənbə: apa.az

 

1 … 2. 432 2. 433 2. 434 2. 435 2. 436 2. 437 2. 438 … 2. 683