Blog Full - Muhasibat.Az

Oxunma sayı: 133. 629

29 Dek 2017

Mühasiblərin diqqətinə! İnternet Vergi İdarəsinə 2 gün ərzində daxil olmaq mümkün olmayacaq

by | posted in: muhasibat, Vergi, Xəbər | 0

VERGİ ÖDƏYİCİLƏRİNİN NƏZƏRİNƏ!

Vergilər Nazirliyi tərəfindən elektron xidmətlərin genişləndirilməsi məqsədi ilə zəruri avadanlıqların quraşdırılması, əsas məlumat bazasının yeni serverlərə keçirilməsi ilə əlqədar Avtomatlaşdırılmış Vergi İnformasiya Sistemi, İnternet Vergi İdarəsi və digər qrumlarla məlumat mübadiləsi xidmətləri 01.01.2018-ci il saat 22:00-dan 03.01.2018-ci il saat 22:00-dək müvəqqəti dayandırılıcaqdır.

Azərbaycan Respublikası Vergilər Nazirliyi

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

28 Dek 2017

Trump kriptovalyutalara vergi təyin etdi

by | posted in: Vergi, Xəbər | 0

1 Yanvar tarixindən başlayaraq müxtəlif kriptovalyutalar arasında daxili mübadilə də daxil olmaqla bütün kriptovalyuta tranzaksiyalarına ABŞ-da vergi qoyulacaq.

Ölkənin vergi məcəlləsinə bu barədə dəyişiklikləri prezident Donald Trump əlavə edib. Yeni dəyişikliklər ABŞ-ın vergi məcəlləsinin mübadilə tipli əməliyyatlar barəsində olan 1031 (a) 1 IRC maddəsini dəyişir. ABŞ-da həmin maddəni həmçinin “1031 əməliyyat” da adlandırırlar. Uzun illər ərzində həmin maddə sayəsində ABŞ vətəndaşları sənət əsərləri və daşınmaz əmlakın vergi ödəmədən mübadiləsini reallaşdırırdılar.

İndi isə bu qanun artıq kriptovalyutalar üçün çalışmayacaq. 2014-cü ildə kriptovalyutaya sahib olan insanlar kapitalları yüksəldikləri halda vergi ödəyirdilər. Və o halda ki onlar kriptovalyutanı real pula çevirsinlər. İndi isə bu qanun bir kriptovalyutanın digərinə dəyişilməsinə də şamil olunur. Bundan əlavə olaraq hansısa şəxsdə hansısa kriptovalyuta 1 ildən az bir vaxtda qalırsa, həmin kriptovalyuta 10%-dən 37%-dək Amerikanın standart fiziki şəxslərinin gəlir vergisinə düşür. 1 ildən çox qalan rəqəmsal tokenlər isə 24%-dək uzunmüddətli kapital yüksəlişi üzrə vergi altına düşürlər. Bundan sonra istənilən kriptovalyuta arasında aparılan hər bir əməliyyat (məsələn bitcoini efirə dəyişmək) nəticəsində istifadəçi fiziki şəxslərin gəlir vergisini ödəməli olacaq.

Mənbə: banker.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

28 Dek 2017

Beynin yumor mərkəzi var

by | posted in: Məqalə, Xəbər | 0

Yaddaşımızla bağlı ikinci fakt.

Beynin yumor mərkəzi var.

Yumorun nə olduğunu müəyyən etmək çox çətindir, biz yalnız onunla üzləşdiyimiz zaman yumoru başa düşürük. Nəzəriyyələrdən birinə görə, yumorun təsiri sürprizdən asılıdır, yəni, indiyədək məntiq və təcrübəyə əsaslanan standart vəziyyətdən, adi bir şeyin qeyri-adi təfsiri, interpretasiyası sizə olduqca başqa bir formada çatdırılır.

Bunun məntiqi bir tapmaca deyil, bir zarafat kimi qəbul olunması üçün, nəticə gözlənilməz hadisə və ya proses ilə, lakin, adi anlayışda çox da məqbul olmayan bir hekayə ilə əlaqəli olmalıdır. Beynin alın payı zədəli olan bəzi xəstələr isə ümumiyyətlə, zarafatı qəbul etmirlər. Bir qayda olaraq bu ona görə baş verir ki, onların prosesin interpretasiya mərhələsi ilə bağlı problemləri olur. Misal üçün, bir sonluqda zarafatın seçimi ilə bağlı mərhələdə, onlar bunlardan hansı birinin daha çox gülüş doğurduğunu müəyyən edə bilmirlər.

Yaddaşımızla bağlı birinci faktı bu linkə daxil olmaqla oxuya bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

28 Dek 2017

“Vergi müfəttişlərinin” qastrolları

by | posted in: Məqalə, Vergi, Xəbər | 0

“Vergi müfəttişlərinin” qastrollarının qarşısını hüquq-mühafizə orqanları kəsib. Hadisə ötən il baş versə də bu haqda məlumat nədənsə gözdən yayınıb. Həm də bu tip hadisələr istənilən ölkədə baş verə bilər. Hər halda belə cinayətlərdən xəbərdar olmaq, kimsəyə ziyan gətirməz. O səbəbdən bu kriminal faktı, sizin diqqətinizə çatdırmaq qərarına gəldik.

Rusiya hüquq-mühafizə orqanları 2016-cı ildə Tatarıstanda kriminal qastrolçuları ələ keçirib. Onlar 2013-2016-cı illər ərzində özlərini vergi müfəttişləri kimi təqdim edərək, Kursk vilayətində yerləşən müəssisələrdə “yoxlamalar” həyata keçiriblər. Bu zaman xeyli pulları mənimsəyiblər. Rusiyanın Kursk vilayət daxili işlər idarəsindən verilən məlumata görə, maxinatorlar özlərini çox soyuqqanlı və hətta həyasız aparıblar. Onlar ticarət müəssisəsinə daxil olaraq, yoxlama keçirəcəklərini bildiriblər. Bu zaman saxta vəsiqələr təqdim edən kriminal qrup, müəssisə rəhbərinə mənəvi təzyiq göstərib. Bundan sonra kassalardan yerləşən nağd pulları saymağı tələb ediblər və özləri də həmin məbləği saymağa başlayıblar. Sonra birdən “yadlarına” əlavə sənədlər düşüb və onlar müdiriyyətdən onları gətirməyi tələb ediblər. Müəssisə rəhbəri həmin sənədləri gətirmək üçün çıxan kimi, saxtakarlar nağd pulları götürüb, aradan çıxıblar. Hər bir bu cür epizod zamanı onlar bir qayda olaraq bir neçə on min rubl miqdarında pul mənimsəyiblərmiş.