Blog Full - Muhasibat.Az

Oxunma sayı: 132. 507

27 Okt 2017

PİN kodlar haqqında bilmədiklərimiz (1-ci hissə)

by | posted in: Məqalə, Xəbər | 0

Bank hesabınızdakı pulları yalnız dörd rəqəmli PİN kodun vasitəsilə çıxara bilərsiniz. Baxmayaraq ki, kod sadədir, bir çox insan onu yaddaşlarında saxlamaqda çətinlik çəkir. Yaddaş tərəfindən asan mənimsənilən və təhlükəsiz kodların seçiminə dair xarici ölkə saytlarından birində maraqlı yazı dərc edilib. Həmin yazını sizin diqqətinizə çatdırırıq.

1-ci hissə

Bu, ödəniş kartları bir yox, bir neçə ədəd olduqda, xüsusilə mühüm əhəmiyyət kəsb edir. Çünki həmin kartların hər birinin öz kodu olur. Bundan əlavə mobil telefon cihazlarının əksəriyyətində də PİN kodlardan istifadə edilir.

İstifadəçilərin hər biri rəqəmlər kombinasiyasından ibarət bu kodu yadda saxlamaq və qorumaqdan ötrü özünəməxsus üsuldan yararlanır. Biz isə xoşagəlməzliklərdən can qurtarmaq üçün vacib olan təhlükəsizlik tədbirlərindən söz açacağıq.

PİN kodların tarixi barədə.

Dünyada ilk dəfə PİN koddan 1967-ci ildə Londonda istifadə olunub, həmin tarixdə Barclays bankı özünün ilk bankomatını istifadəyə verib. Həmin dövrdə bankomat yalnız çek qəbul edə bilirdi. İlk bank kartını isə müştəriyə 1972-ci ildə dünyada Llyods bankı verib.

Bankomatı icad edən John Shepherd-Barron PİN kodlar üçün öncə altırəqəmli kod hazırlamağı düşünüb. Lakin həyat yoldaşı ilə məsləhətdən sonra o, dördrəqəmli kodun üzərində dayanmalı olub, çünki xanımı yalnız dörd rəqəmi yaddaşında saxlaya bilib.

Bu gün beynəlxalq PİN kod standartı (ISO 9564-1) ən çox 12 simvolu olan koddan istifadə etməyə imkan verir. İstifadədə rahatlıq üçün altı simvoldan artıq koddan istifadə etmək məsləhət bilinmir. Altı rəqəmdən ibarət PİN kodlar əsasən Asiyada geniş yayılıb. Avropada isə altırəqəmli PİN kodlardan yalnız İsveçrədə istifadə olunur.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

26 Okt 2017

Vergi Məcəlləsində dəyişikliklər barədə qanun layihəsi müzakirə olunub

by | posted in: Vergi, Xəbər | 0

Oktyabrın 19-da Milli Məclisin İqtisadi siyasət, sənaye və sahibkarlıq komitəsinin iclası keçirilib. İclasda “Azərbaycan Respublikasının 2003-cü il 17 iyun tarixli 478-IIQ nömrəli Qanunu ilə təsdiq edilmiş “Bələdiyyələrin vergi xidməti orqanı haqqında Əsasnamə”də, “Sığorta fəaliyyəti haqqında”, “Qiymətli kağızlar bazarı haqqında”, “Poçt haqqında”, “Kommersiya sirri haqqında”, “İnvestisiya fondları haqqında”, “Banklar haqqında”, “Bank olmayan kredit təşkilatları haqqında”, “Reklam haqqında”, “Daşınmaz əmlakın dövlət reyestri haqqında”, “Avtomobil yolları haqqında” qanunlarda dəyişikliklər edilməsi barədə qanun layihələri müzakirə olunub. Bildirilib ki, bu qanun layihələrində texniki dəyişikliklər edilir.

Deputatlar, həmçinin, Vergi və İnzibati Xətalar məcəllələrində dəyişiklik edilməsi haqqında qanun layihələrinə də baxıblar. Qeyd edilib ki, bu qanun layihələrinə də təklif olunan dəyişikliklər texniki xarakter daşıyır. Layihəyə əsasən, vergi ödəyicisi kimi qeydiyyatda olmayan şəxslər tərəfindən vergi və maliyyə mübadiləsini nəzərdə tutan Azərbaycan Respublikasının tərəfdar çıxdığı beynəlxalq müqavilələr əsasında xarici dövlətlərdən daxil olmuş məlumat mübadiləsi üzrə sorğuların cavablandırılması üçün tələb olunan məlumat və sənədlərin müəyyən edilən müddətdə təqdim edilməməsinə və ya bilərəkdən təhrif olunmaqla təqdim edilməsinə görə fiziki şəxslər əlli manat məbləğində, hüquqi şəxslər yüz manat məbləğində cərimə edilir.

Müzakirə edilən məsələlər barədə deputatların fikir və təklifləri səsləndirildikdən sonra qeyd olunan layihələr Milli Məclisin plenar iclasına tövsiyyə edilib.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

26 Okt 2017

2017-ci ilin noyabr ayı ərzində vergi orqanına təqdim edilməli olan bəyannamələr və ödənilməli vergilər barədə YADDAŞ

by | posted in: Uncategorized, Vergi, Xəbər | 0

2017-ci ilin oktyabr ayına görə vergi ödəyiciləri tədiyəçisi olduğu

Əlavə dəyər vergisi bəyannaməsi,
Aksiz bəyannaməsi,
Yol vergisi bəyannaməsi,
Mədən vergisi bəyannaməsi,
Pul vəsaitlərinin nağd çıxarılmasına görə Sadələşdirilmiş verginin bəyannaməsi və
Uduşlardan (mükafatlardan) əldə edilən gəlirdən ödəmə mənbəyində tutulan vergi bəyannaməsi

cari ilin noyabr ayının 20-dən gec olmayaraq vergi orqanına təqdim edilməli və təqdim edilmiş bəyannamələr üzrə hesablanmış vergilər həmin müddətədək tam həcmdə dövlət büdcəsinə ödənilməlidir.

Daşınmaz əmlakın təqdim edilməsi üzrə Sadələşdirilmiş verginin bəyannaməsi cari ilin noyabr ayının 20-dən gec olmayaraq alqı-satqı müqaviləsini təsdiqləyən notarius tərəfindən vergi orqanına təqdim edilməlidir (vergi əməliyyat aparıldığı gün – 1 bank günü ərzində ödənilir).

Muzdlu işlə əlaqədar 2017-ci ilin oktyabr ayı üzrə ödəmə mənbəyində hesablanaraq tutulan vergi cari ilin noyabr ayının 20-dən gec olmayaraq dövlət büdcəsinə ödənilməlidir (ƏDV və Sadələşdirilmiş vergi ödəyiciləri bəyannaməni illik – növbəti ildə yanvar ayının 31-dən gec olmayaraq, digər vergi ödəyiciləri 4-cü rüb üzrə bəyannaməni yanvar ayının 22-dən gec olmayaraq təqdim edirlər).

Xüsusi notariusların 2017-ci ilin oktyabr ayı üzrə hesabladığı gəlir vergisi cari ilin noyabr ayının 20-dən gec olmayaraq dövlət büdcəsinə ödənilməlidir (4-cü rüb üzrə bəyannamə yanvar ayının 22-dən gec olmayaraq təqdim edilməlidir).

Əmlak və torpaq vergisinin ödəyiciləri olan müəssisələr

2017-ci il üzrə hesablanmış Torpaq vergisinin yarısını cari ilin noyabr ayının 15-dən gec olmayaraq dövlət büdcəsinə ödəməlidirlər.

2017-ci ilin 4-cü rübü üzrə hesablanmış əmlak vergisinin cari ödəmələrini noyabr ayının 15-dən gec olmayaraq dövlət büdcəsinə ödəməlidirlər.

***

Bəyannamələr müəyyən edilən müddətdə təqdim edimədikdə 40 manat məbləğində maliyyə sanksiyası tətbiq edilir (VM, 57), vergilər vaxtında ödənilmədikdə isə bir ildən çox olmamaqla ötmüş hər bir gün üçün 0,1 faizi məbləğində faiz tutulur (VM, 59).

Hörmətli vergi ödəyiciləri, Siz öz bəyannamələrinizi və hesablanmış vergiləri Vergilər Nazirliyinin İnternet Vergi İdarəsi portalı (https://www.e-taxes.gov.az) vasitəsi ilə elektron qaydada təqdim edə və ödəyə bilərsiniz. Vergi öhdəliklərinizi vaxtında yerinə yetirməyi Sizə tövsiyə edirik.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

26 Okt 2017

İnternet vasitəsilə alınan malların ƏDV-yə cəlb olunması

by | posted in: Məqalə, Vergi, Xəbər | 0

Xarici internet saytlarından alınan mallara görə ödənilən vəsaitdən bank tərəfindən ƏDV hesablanırmı?

Vergi Məcəlləsinin 169.1-ci maddəsinə əsasən, ƏDV-nin məqsədləri üçün qeydiyyata alınmayan qeyri-rezident Azərbaycan Respublikasının ərazisində həmin Məcəllənin 169.2-ci və ya 169.5-ci maddələrində adı çəkilən vergi agenti üçün xidmət göstərirsə və ya iş görürsə (o cümlədən elektron ticarət qaydasında Azərbaycan Respublikasının hüdudlarından kənarda otel xidmətlərinin və ya aviabiletlərin sifarişi üzrə xidmətlər istisna olmaqla, işlərin görülməsi və xidmətlərin göstərilməsi), Məcəllənin 11-ci fəslinin məqsədləri üçün işlərin görülməsi və ya xidmətlərin göstərilməsi bu maddəyə uyğun olaraq vergiyə cəlb olunur.

Vergi Məcəlləsinin 169.3-cü maddəsinə əsasən, Məcəllənin 169.1-ci maddəsi tətbiq edildikdə, vergi agenti qeyri-rezidentə ödənməli olan məbləğə ƏDV hesablamalı və ödəməlidir. Verginin məbləği Məcəllənin 173.1-ci maddəsinin müddəalarına uyğun olaraq vergi dərəcəsinin qeyri-rezidentə ödənilməli olan məbləğə (ƏDV nəzərə alınmadan) tətbiq edilməsi yolu ilə müəyyənləşdirilir.

Qeyd olunan müddəalara əsasən: Vergi orqanlarında uçotda olmayan şəxslər tərəfindən xarici saytlardan elektron ticarət qaydasında malların alınmasına görə aparılan ödənişlərdən banklar tərəfindən alıcının hesabından ƏDV tutulmur.

Mənbə: vergiler.az