Blog Full

Oxunma sayı: 150. 781

13 Noy 2021

Pandemiyadan ən çox zərər çəkən iqtisadiyyatlar məlum olub (II hissə)

by | posted in: Xəbər | 0

Pandemiyadan ən çox zərər çəkən iqtisadiyyatlar (II hissə) → I hissəyə nəzər yetirin

Rusiyaya gəldikdə, o, Meksika, Braziliya və Avstraliya ilə yanaşı, reytinq agentliyinin mütəxəssislərinin fikrincə, koronavirus böhranının mənfi nəticələrinin mülayim olacağı (böhran öncəsi ÜDM proqnozu ilə müqayisədə fərq 2 ilə 8% arasındadır) ölkələr sırasındadır.

Beynəlxalq reytinq agentliyinin analitikləri onu da qeyd ediblər ki, “COVİD-19 böhranının iqtisadi nəticələri ölkələrin büdcə kəsirləri və borclarının yığılması ilə bağlı əsas problemləri daha da dərinləşdirəcək. Bu, gəlir səviyyəsinin azalmasına gətirib çıxaracaq, bərabərsizliyi dərinləşdirəcək və yoxsulluğu ağırlaşdıracaq”.

“Moody’s”in hesabatında, 2021-ci ildə qlobal iqtisadi artımın 5,7% olacağını və 2023-cü ildə 3,3%-ə qədər yavaşlayacağı proqnozlaşdırılır. İnkişaf etməkdə olan bəzi ölkələrdə və yoxsul ölkələrdə pandemiya, əvvəlki illərdə yoxsulluğun və sosial-iqtisadi bərabərsizliyin azaldılmasında əldə edilən irəliləyişi əvəzləyə bilər.

“Moody’s”in məruzəsində turizmdən asılı olan dövlətlər haqqında da ayrıca danışılır. Onlar pandemiyadan ən çox əziyyət çəkənlər kimi göstərilir, baxmayaraq ki, bəziləri nəqliyyatın əlçatanlığı sayəsində daha tez bərpa oluna biləcəklər. Beləliklə, turistlərin böyük bir hissəsinin avtomobillə gəldiyi ölkələrdə, məsələn Xorvatiyada, pandemiyanın nəticələrini aradan qaldırmaq daha asan olacaq. Eyni zamanda, Asiya-Sakit okean regionunun, o cümlədən Tailandın populyar turizm istiqamətləri vaksinasiyanın aşağı templərinə görə daha az tələb oluna bilər.

Əmək bazarı baxımından pandemiya artıq inkişaf etməyə başlayan (iş yerlərinin avtomatlaşdırılması və rəqəmsallaşdırılması) meylləri sürətləndirib, lakin ticarət proteksionizmini artırıb. Pandemiya şəraitində əmək bazarları xüsusilə insan varlığının lazım olduğu sektorlarda məhsuldarlığın azalması ilə üzləşib.

Buraxılış həcminin azalması ev təsərrüfatlarının və korporasiyaların gəlirlərinin azalmasına gətirib çıxaracaq, bu da büdcələrə vergi daxilolmalarına birbaşa təsir göstərəcək və dövlət borcuna xidmət edən problemləri daha da ağırlaşdıracaq. Verginin böyük hissəsinin mal və xidmət sahəsindən keçdiyi dövlətləri də bu cür aqibət gözləyir, – “Moody’s” xəbərdarlıq edib.

12 Noy 2021

Ağıllı mühasibatlıq – firmaların müvəffəqiyyətinin sirri (II hissə)

by | posted in: Xəbər | 0

Mühasiblərin keyfiyyətli xidmətlərinin zəruriliyi → I hissəyə nəzər yetirin

Bir çox təşkilatın öz mühasibat şöbələri və ya bu öhdəliklərə görə məsuliyyət daşıyan şəxsləri var. Amma mühasibat uçotunun aparılması üçün başqa bir variant da var. Bu istiqamətin geniş profilli yüksək ixtisaslı mütəxəssislərin mühasibat xidmətləri, yəni:

kənd təsərrüfatı müəssisələrində mühasibatlıq;
bank mühasibatlığı;
təhsil müəssisələrinin mühasibatlığı və s. mövcuddur.

Hər bir təşkilatın öz fəaliyyət sahəsi üzrə vergilərin ayrılması, vəsaitdən istifadə edilməsi, balansın tərtib edilməsi xüsusiyyətləri vardır. Məhz, buna görə də mühasibat xidməti istənilən halda çox yüksək səviyyədə aparılmalıdır. Belə xidmətlər göstərən firmanın düzgün seçimi müəssisənin mövcud olması prosesində bir çox problemlərin qarşısını almağa kömək edəcək. İlk növbədə həmin firmanın reputasiyası yoxlanılmalıdır, auditor şirkətlərinin rəyləri də arzuolunandır. Bundan sonra qiymət siyasəti, həmçinin sizin təşkilatla əməkdaşlıq edən hər kəsin şəxsi keyfiyyətləri üzrə istiqamətlənmək lazımdır.

Mühasibatlıq hər bir maliyyə əməliyyatını müşayiət etməlidir. Belə xidmətləri göstərən firmanın əməkdaşları münasib qiymətlərlə perspektivləri və zəif yerləri yüksək səviyyədə müəyyən etməyə həmişə hazırdırlar. Belə şirkətlərdə kadr seçimi sərt meyarlara əsaslanır. Namizədlərin həm nəzəri, həm də praktiki hazırlığını qiymətləndirirlər.

Axı, onların hər biri istənilən gözlənilməz situasiyalara hazır olmalıdır. Bundan başqa, onlar üçün daim bilik attestasiyaları keçirilir ki, bu da peşəkarların yüksək keyfiyyətli hazırlığına daha çox zəmanət verir.

12 Noy 2021

Biznesi məhv edə biləcək 5 mühasib keyfiyyəti

by | posted in: Məqalə, Xəbər | 0

Fərdi sahibkarın sağ əli və əsas köməkçisi olacaq yaxşı bir mühasibə malik olmağın nə qədər vacib olduğu aydındır. Biznesdə maliyyə-iqtisadi qaydaya görə, məhz, o məsuliyyət daşıyır.

Amma əgər mütəxəssisdə öz vəzifələrini vicdanla yerinə yetirmək üçün kifayət qədər bilik, təcrübə və şəxsi keyfiyyətlər çatmırsa, müəyyən çətinliklər yarana bilər. Hər bir rəhbərin vəzifəsi problemləri vaxtında görməkdir.

Əgər mühasibiniz bu təsvirlərdən birinə uyğundursa diqqətli olun:

Qurbanlıq mövqeyi

Belə insanlardan həmkarlarının ünvanına və ya iş şəraiti ilə bağlı şikayətlər eşidə bilərsiniz.Guya ki, onlara görə öz funksiyalarını keyfiyyətlə yerinə yetirə bilmir. Özü də bu zaman qurbanının problemlərinin həlli üçün konkret səbəblər və yollar göstərmir.

“Heç nəyi çatdıra bilmirəm!”

Əlbəttə, bu nadir hal deyil. Bəzən hər birimiz işlərin həcminin öhdəsindən gələ bilmirik və çox vaxt bunun özü də əsaslı olur. Məsələn, son anda qanunvericilikdə edilən dəyişikliklər, son anda əsas işçinin xəstəliyi ilə bağlı olunan yer dəyişikliyi və ya proqramda baş verən nasazlıqlar vaxt çərçivəsinə təsir göstərə bilər. Lakin bəzi mühasiblərdən ötrü “çatdıra bilmirəm” – bir diaqnozdur.

Əgər əməkdaş lazım olandan iki və ya üç dəfə artıq vaxt sərf edirsə, bu onun qeyri-peşəkarlığından və ya işinə yarıtmaz münasibət bəslədiyindən xəbər verir.

Texniki səhvlər

Vaxtla bağlı bölümdə olduğu kimi, bu hal da yaşanır. Lakin daimi əsasda deyil. Mühasibin səhvi, proqram tərtibatçılarının bütün mümkün vəziyyətləri düşündüklərinə inanmaması ilə əlaqəlidir. Mütəxəssis bu və ya digər məbləğin haradan ortaya çıxdığını bilməli və bunu “barmaqlar üzərində” izah etməyi bacarmalıdır.

Həddən ziyadə dəqiqlik

Bəli, mühasiblər hər şeyi qəpiyinə kimi hesablamağa vərdiş ediblər. Ancaq bəzən rəhbərliyin təcili qərar verməsi üçün səhv də olsa cari nəticələri bilməsi lazım gəlir. Mühasib isə “hələ də ötən ayı bağlaya bilməyib”.

Bu çətinliklərdən yayınmaq üçün bir qayda tətbiq etmək olar – gəlirlər və vergi məbləğləri barədə ayın sonuna kimi idarəetmə hesabatı təqdim etmək.

Köhnə stereotip

Mühasibatlıqda yaradıcılıq və eksperimentlər üçün elə də çox yer olduğunu söyləmək olmaz. Amma, əgər mühasib rəhbərliyin yenilikçi ideyalarını dəstəkləmirsə – şirkət necə yüksəliş əldə edə bilər? Öz işini bilən mütəxəssis bütün yeniliklərdən xəbərdar olmalı və istənilən imkandan öyrənmək üçün istifadə etməlidir.

12 Noy 2021

Dünyanın ən qeyri-adi bankomatları (I hissə)

by | posted in: Xəbər | 0

Bankomatların mənbəyi öz başlanğıcını 1960-cı illərdə yapon firmaları öz kredit kartlarını daxil edən müştərilərə 5% dərəcəsi ilə üç aylıq borc verməyə başladığı vaxtdan götürməyə başlayıb. ABŞ bankirləri bankograph-ı işə saldılar, ingilis müəssisələri isə London sakinlərinə nağd pulun verilməsi üçün tam dəyərli aparat təqdim etdilər.

Müştərilərin bankomatlara ümumi başlıca tələbatı – banknotlarla ödəniş etmək üçün nağd pulların həmin aparatlardan çəkilməsini təmin etmək zərurətidir. Lakin belə bir aparatdan istifadə edərkən mövcud olan xidmətlərin tam çeşidi düşünməyə alışdığımızdan daha geniş ola bilər. Bu yazıda sizə qeyri-adi bankomatlar və onlarda aparıla bilən əməliyyatların reytinqini təqdim edirik. Dünyada ən qeyri-adi bankomatlar hansılardır?

Venesiya bankomatı – orqan

Bizim hit-paradı ənənəvi bankomatlarla müqayisədə nağd pulların çıxarılması zamanı daha yüksək nəticələr göstərən və İtaliyada təqdim edildiyi anda nağd pulların verilməsi üçün nəzərdə tutulan ən qeyri-adi aparat açır. Sözügedən aqreqat 2011-ci ildə, iki ildə bir dəfə Venesiyada keçirilən dünyada ən məşhur incəsənət sərgisi olan 54-cü Venesiya Biennale tədbiri zamanı istismara verilmişdi. İstifadəçi aparatın düymələrini basdığı zaman orqan musiqisi səsi çıxarır və nağd pulların çıxarılması əməliyyatı başa çatdıqda yenə də melodiya səslənir. Bəzi məlumatlara görə, melodiyanın müddəti kart sahibinin bank hesabında olan vəsaitinin həcmindən asılı olaraq dəyişsə də, səlahiyyətli şəxslər belə şayiələri təkzib etmişlər.

Qurbanlıq kəsimi üçün keçilər “verən” bankomatlar

2006-cı ildə İndoneziya bankları imkanlı yerli sakinlərdən olan müştərilərinə, kasıblara ət şəklində ianələr etməsini yerinə yetirmək üçün qurban kəsməkdən ötrü heyvanlar almağı təklif edib. Keçi, qoyun və ya inəklərin qurbanlıq kəsimləri müsəlmanların Qurban bayramı ərəfəsi üçün nəzərdə tutulmuşdu. Bazara getmək və qurban kəsmək üçün heyvan axtaran, lakin buna zamanı çatmayan indoneziyalı imkanlı şəxslərə, pul ianələrini üzərində kəsilmiş keçi və ya inək təsviri olan bankomatlar vasitəsilə etmək təklif olunmuşdu və həmin ətin yoxsul insanlara çatdırılmasını təşkil edəcəklərini bildirmişdilər.

Qızıl verən bankomatlar

Bankomatda pul vəsaiti əvəzinə qızıl almaq istəyən insanlar üçün Almaniyanın “TG Gold Super Markt” korporasiyası müştərilərə təmiz qızıldan hazırlanmış əşyaları “götürmək” imkanını verən “Gold to Go” bankomatları çeşidini hazırlayıb istifadəyə vermişdir. İlk belə aparat Əbu-Dabidə yerləşən “Emirates Palace” mehmanxanasının hollunda quraşdırılmışdır. Bankomatda 320 qızıl əşya, o cümlədən 10 qramlıq külçələr və qızıl sikkələr var. 2010-cu ildə şirkət ABŞ-ın Florida ştatının Boca bölgəsində qızıl çıxarmaq üçün ilk bankomat quraşdırılmışdı. Müştərilər nağd şəkildə və ya plastik kartla ödənişlərini hər 10 dəqiqədən bir bankomat tərəfindən yenilənən cari valyuta məzənnəsinə əsasən həyata keçirə bilərlər.