Uşaq pulu: Məbləğ və tənzimlənmə
Uşaq pulu: Məbləğ və tənzimlənmə
Uşaq pulu və ya 3 yaşınadək uşağa qulluğa görə müavinət Azərbaycan Respublikası qanunvericiliyi ilə tam həcmdə tənzimlənmiş və sosial təminata aid edilən ödəniş kimi çıxış edir.
Xatırladaq ki, bu növ müavinət uşağın doğumuna görə ödənilən birdəfəlik müavinətdən çox fərqli bir ödənişdir. Uşağın anadan olmasına görə müavinət bu faktın təsdiq edilməsini özündə əks etdirən arayış təqdim edildikdən sonra birdəfəlik (yalnız bir dəfə) ödənilir. Hazırda bu müavinətin məbləği 90 Azn təşkil edir. Ölkə başçısının 23.02.2018-ci il tarixli sərəncamı ilə bu məbləğ 1 mart 2018-dən etibarən 10% artırılmışdır.
Uşağa 3 yaşınadək qulluğa görə 2016-cı il fevralın 1-dən bir yaş yarımadək uşağa qulluğa görə qismən ödənişli sosial məzuniyyətdə olanlara verilən aylıq müavinətin məbləği 40 manat, bir yaş yarımdan üç yaşınadək uşağa qulluğa görə isə həmin müavinətin məbləği 25 manat miqdarında müəyyən edilmişdir. Qeyd edək ki, Prezidentimizin 23.02.2018-ci il tarixli sərəncamı ilə bu məbləğlər də 1 mart 2018-dən etibarən 10% artırılmışdır.
Bu müavinət kimə ödənilir?
Qanunvericiliyə əsasən məcburi dövlət sosial sığortasına cəlb olunan şəxslərin uşaq 3 yaşına çatana qədər uşağa qulluğa görə müavinət almaq hüququ vardır. Daha ətraflı desək DSMF-nə əmək müqaviləsinə əsasən 3% və ya sadələşdirilmiş vergi ödəyicisi olaraq sosial öhdəliyinə əsasən ayda 26 AZN ödəyən və fərdi sahibkarlıqla məşğul olan şəxslər, hərbi qulluqçular kimi şəxslər qismən ödənişli sosial məzuniyyətə çıxdıqda bu müavinəti almaq hüququ əldə edirlər.
Xatırladaq ki, uşağa bilavasitə qulluq edən əmək müqaviləsinə əsasən çalışan valideynlərdən biri, yaxud ailənin başqa üzvü uşağın üç yaşı tamam olanadək ona qulluq etməkdən ötrü qanunvericiliklə müəyyən edilmiş məbləğdə müavinət verilən qismən ödənişli sosial məzuniyyət almaq hüququna malikdirlər. Bu hüququndan yazılı ərizəsinə əsasən tam və ya hissə-hissə istifadə edə bilərlər.
Uşağın üç yaşı tamam olanadək ona qulluq etməyə görə müavinət işləyən qadınlara hamiləliyə və doğuşa görə məzuniyyət qurtardıqdan sonra haqqı qismən ödənilən məzuniyyət rəsmiləşdirildikdə uşağın üç yaşı tamam olanadək ödənilir.Mühüm bir məsələni də diqqətinizə çatdıraq ki, əgər uşaq məktəbəqədər uşaq müəssisəsində (körpələr evi, uşaq bağçası) yerləşdirilmişdirsə, belə hallarda məzuniyyət təqdim edilmir və uşaq üç yaşına çatanadək ona qulluq edilməsinə görə müavinət təyin edilmir. Qeyd etmək lazımdır ki, bu məbləğin təyin olunması üçün Dövlət Sosial Müdafiə Fonduna müraciət edilməlidir və bu müavinətlərin məbləğinə heç bir vergi və ya sosial sığorta haqqı tətbiq edilmir.
Müəllif: Şəhriyar Həbilov / Praktiki Hüquqşünas
Sual: Sualım ümidsiz borclara aiddir. Müəssisənin uzun illər ərzində ödənilməmiş (mühasibat balansında, mənfəət vergi bəyannaməsində hər il göstərilir) debitor borcları yığılıb qalır. Debitor borclar əsasən 2000- 2003-cü ilədək olan borclardan ibarətdir. Müəssisə həmin ümidsiz borc olan debitor borclarını vergi ilində xərclərinə salaraq silmək istəyir. Vergi Məcəlləsinin 111.2-ci maddəsinə əsasən “Ümidsiz borc məbləğinin gəlirdən çıxılmasına vergi ödəyicisinin mühasibat kitablarında ümidsiz borc məbləğinin dəyəri olmayan borc kimi silindiyi vaxt yol verilir”. Müəssisə debitor borc məbləğini mühasibat kitablarında silmək istəyir. Çünki debitor borcu olan müəssisələr ya ləğv edilib, ləğv edilməyənlər də işlərinin olmaması,və s. bəhanələrlə ödəməyiblər. Borcların iddia müddəti keçdiyinə görə məhkəməyə də müraciət etmək olmur. Xahiş edirəm Vergi Məcəlləsinin Maddə 111. “Ümidsiz və şübhəli borcların gəlirdən çıxılması” maddəsi mənə misallarla izah edərdiniz. Ümidsiz debitor borcların xərcə salınaraq silinməsinin müddəti varmı?
Qiymətli kağızların dövriyyəsi – mülki-hüquq əməliyyatları müqavilələrinin bağlanması, mülkiyyət hüququnun qiymətli kağızlara ötürülməsini tələb edir.
Maliyyə Elm-Tədris Mərkəzi Mühasiblərin Peşəkar Sertifikasiyası Proqramına daxil olan “Maliyyə uçotu” fənni üzrə təlimlərə 50 faiz endirim təklif edir.