Blog Full - Muhasibat.Az

Oxunma sayı: 134. 124

23 Yan 2018

Əmək və Əhalinin Sosial Müdafiəsi Nazirliyi öz elektron xidmətinin keyfiyyəti barədə interaktiv sorğu keçirib

by | posted in: Xəbər | 0

Əmək və Əhalinin Sosial Müdafiəsi Nazirliyi keçirdiyi interaktiv sorğunun nəticəsini açıqlayıb.

Sorğu zamanı respondentlərə “Əmək və sosial müdafiə sahəsində e-xidmətlərdən asan və rahat şəkildə faydalana bilirsinizmi?”, sualı ünvanlanıb.

Sualı ümumilikdə 2 717 nəfər cavablandırıb. Onlardan 80%-i əmək və sosial müdafiə sahəsində e-xidmətlərdən asan və rahat şəkildə faydalana bildiyini qeyd edib. Sorğuda iştirak edənlərin 16%-i suala “xeyr” cavabını verib. Respondentlərin 4-ü isə ümumiyyətlə, bu barədə məlumatsız olduğunu vurğulayıb.

Son illərdə nazirli tərəfindən “Elektron hökumət” portalı üzərindən istifadəyə verilən e-xidmətlər əmək və sosial müdafiə, sosial sığorta sahələri üzrə dövlət xidmətlərinin göstərilməsində məmur-vətəndaş təmaslarının minimuma endirilməsinə, vətəndaşların bu xidmətlərdən müasir və şəffaf şəkildə faydalanmalarına şərait yaradıb. Hazırda həmin e-xidmətlərin sayı 30-a yaxındır və onlara olan böyük sosial tələbin, ictimai marağın ifadəsi kimi, təkcə son bir ildə əmək və sosial müdafiə sahələri üzrə e-xidmətlərə 9 mln. 341 min müraciət qeydə alınıb.

“Hər bir e-xidmət hazırlanarkən əhalinin ondan daha sadə və rahat şəkildə istifadə imkanlarına malik olmasına xüsusi diqqət yetirilir. Eyni zamanda, istifadəyə verilən hər hansı e-xidmət, ondan istifadə prosedurları barədə ardıcıl olaraq geniş ictimai məlumatlandırma işləri aparılır. Sorğuya qoşulanların böyük əksəriyyətinin əmək və sosial müdafiə sahəsində e-xidmətlərdən asan və rahat şəkildə faydalana bildiklərini qeyd etmələri də həmin işlərin müsbət nəticəsidir”, – deyə məlumatda vurğulanıb.

Bununla belə, sorğu iştirakçılarından bir qisminin həmin e-xidmətlərdən asan və rahat şəkildə istifadə edə bilmədiklərini və ya ümumiyyətlə həmin e-xidmətlər barədə məlumatsız olduqlarını bildirmələri müvafiq məlumatlandırma işlərinin qarşıdakı dövrdə də davam etdirilməsinin zəruriliyini göstərir.

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

23 Yan 2018

Bəzi benzin növləri üçün aksiz dərəcəsi artırılıb

by | posted in: Vergi, Xəbər | 0

Azərbaycan ərazisinə gətirilən aksiz vergisinə cəlb olunan mühərrik benzin növlərinə tətbiq ediləcək yeni aksiz dərəcələri açıqlanıb.

Bu, Nazirlər Kabinetinin “Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələrinin təsdiq edilməsi haqqında” qərarında etdiyi dəyişiklikdə əksini tapıb.

Dekabrın 21-də dərc olunmuş qərar 30 gün sonra, gələn il yanvarın 23-də qüvvəyə minir.

Aviasiya benzin növləri istisna olmaqla, tərkibində qurğuşunun miqdarı 0,013 q/l-dən çox olmayan, 95-dən az oktan ədədi ilə mühərrik benzin növlərinə aksiz dərəcəsi 1 ton üçün 1 manatdan 200 manata qaldırılıb. Tərkibində qurğuşunun miqdarı 0,013 q/l-dən çox, 95-dən az oktan ədədi ilə mühərrik benzin növlərinə tətbiq olunan 1 ton üçün 1 manat aksiz dərəcəsi də 200 manata qaldırılıb. Tərkibində qurğuşunun miqdarı 0,013 q/l-dən çox olmayan və çox olan, 95 və ya daha çox, lakin 98-dən çox olmayan oktan ədədi ilə mühərrik benzin növlərinə tətbiq olunan 1 ton üçün 80 manat, tərkibində qurğuşunun miqdarı 0,013 q/l-dən çox olmayan və çox olan, 98 və ya çox oktan ədədi ilə mühərrik benzin növlərinə tətbiq olunan 1 ton üçün 120 manat aksiz dərəcəsi qüvvədə qalıb.

Aviasiya benzini və reaktiv benzin yanacağına tətbiq edilən aksiz dərəcələri dəyişməyib.

Xatırladaq ki, bu ilin iyul ayının 17-də Nazirlər Kabineti “Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələrinin təsdiq edilməsi haqqında” 19 yanvar 2001-ci il tarixli və “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” 12 aprel 2001-ci il tarixli qərarlarına dəyişiklik edib. Dəyişikliyə əsasən, aviasiya benzini istisna olmaqla, mühərrik benzininin hər 1 tonu üçün aksiz vergisi 200 manatdan 1 manata endirilib.

Nazirlər Kabinetinin “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” 12 aprel 2001-ci il tarixli 80 nömrəli qərarının əlavəsi olan 22 dekabr 2003-cü il tarixli 161 nömrəli qərarı ilə təsdiq edilmiş mətndə “Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri”ndə 92 oktanlı benzin üçün gömrük rüsumu 0% müəyyən edilib.

Onu da əlavə edək ki, analoji qərar 2016-cı ilin avqustunda Heydər Əliyev adına BNEZ-in təmirə dayanması ilə əlaqədar verilmişdi. Təmir prosesinin modernizasiya işləri ilə bağlı bir qədər uzun çəkə biləcəyi nəzərə alınaraq, daxili bazardakı tələbatı ödəmək məqsədi ilə SOCAR Nazirlər Kabinetinə idxal olunacaq “Ai-92” markalı benzinin gömrük rüsumu və aksiz vergisindən azad edilməsinə dair müraciət etmişdi.

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

22 Yan 2018

Mühasiblər haqqında maraqlı lətifələr (7-ci hissə)

by | posted in: muhasibat, Məqalə, Xəbər | 0

Donuz qripi nə deməkdir?

– Bu o deməkdir ki, donuzun biri hesabat dövründə bütün kollektivi yoluxdurub!

Yaşlı mühasib ailəsi ilə birlikdə xarici ölkələrdən birindən geri qayıdırmış. Aeroportda gömrük işçisi:

– Hardan gəlirsiniz?

– Hansı gəlirdən danışırsınız, heç bir gəlir-filan yoxdur, başdan-ayağa zərər içindəyik!

Yaxşı mühasib tapmaq çox çətindir, elə o səbəbdəndir ki, Vera Pavlovna iyirmi ildir ki, federal axtarışdadır.
Mühasib həkim qəbulundadır: – Həkim, məndə yuxusuzluq yaranıb, yata bilmirəm. Həkim mühasibə: – Siz heç hesablamağı sınaqdan keçirmisiniz? Bəlkə yatağınıza uzanandan sonra saymağa başlayasınız, belədə tez yuxuya gedə bilərsiniz. Mühasib: – Həkim, mən saymağı da təcrübədən keçirmişəm. Amma, arada hesabı itirdiyimdən, səhvi düzəltmək üçün səhərə kimi saymağa davam etmişəm.

Məqalənin 6-cı hissəsini bu linkə daxil olaraq oxuya bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

22 Yan 2018

Vergilər nazirinə yeni müavin təyin edildi

by | posted in: Vergi, Xəbər | 0

Mətin Eynullayev Vergilər nazirinin müavini vəzifəsinə təyin edilib.

Mətin Balasən oğlu Eynullayev 22.03.1975-ci ildə anadan olub. Bakı Dövlət Universitetinin hüquq fakültəsini bitirib. Dövlət qurumlarında yüksək vəzifələrdə, o cümlədən Azərbaycan Respublikası təhsil nazirinin müavini vəzifəsində çalışıb. Azərbaycan Respublikası Prezidentinin sərəncamı ilə Mətin Eynullayev vergilər nazirinin müavini vəzifəsinə təyin edilib.

Mənbə: taxes.gov.az