Blog Full

Elmi-texniki tərəqqinin təsiri altında ayrı-ayrı peşələrin və istehsal heyətinin peşəkar qruplarının sayında və xüsusi çəkisində dəyişikliklər baş verir. Mühəndis-texniki işçilərin və mütəxəssislərin sayı menecerlərin və texniki icraçıların xüsusi çəkisinin nisbi sabitliyinin artması ilə müqayisədə daha sürətli templərlə artır. Bu kateqoriyadan olan işçilərin sayının artması istehsalın genişlənməsi və təkmilləşdirilməsi, onun texniki təchizatının artırılması, sahə strukturunun dəyişməsi, mühəndis hazırlığı tələb olunan iş yerlərinin yaranması, habelə buraxılan məhsulun artan mürəkkəbliyi ilə şərtlənir. Belə görünür ki, bu tendensiya gələcəkdə də davam edəcək.

İşçi heyəti istisnasız olaraq bütün müəssisələr tərəfindən istifadə olunan ən mühüm, unikal iqtisadi resurs olduğundan, əmək prosesində məhz bu keyfiyyətdə iştirak edir.

Əmək prosesi bir-biri ilə əlaqəli üç elementdən ibarətdir: əməyin özü, əmək obyektləri və əmək vasitələri. Əməyin səmərəli təşkili əmək prosesinin bütün elementlərinin ən az əmək və maddi resurslardan, yəni, işçi qüvvəsindən, əmək predmetlərindən və istehsal vasitələrindən istifadə olunacağı vahid sistemə birləşdirilməsinin bu üsulunu nəzərdə tutur və daha çox səmərə əldə ediləcəkdir.

Əməyin təşkilinin təkmilləşdirilməsinin əsas istiqamətləri əməyin bölünməsi və kooperasiyası, müəssisələrdə onların optimallaşdırılması üsullarıdır.

Malların və xidmətlərin istehsalı prosesində insanların istehsal fəaliyyətinin fərqləndirilməsi əmək bölgüsü adlanır. Başqa sözlə, bu iş yerlərinin və personalın onlara təhkim edilmiş müvafiq funksiyaların, işlərin və əməliyyatların yerinə yetirilməsində ixtisaslaşmasını nəzərdə tutan işçilərin müxtəlif əmək növlərinin ayrılmasıdır.

Fəaliyyətin miqyasına görə əmək bölgüsünün üç əsas növü fərqlənir:

• bütün ölkə miqyasında müxtəlif fəaliyyət növlərinin təcrid edilməsini nəzərdə tutan ümumi əmək bölgüsü (sənaye istehsalı və kənd təsərrüfatı, mədənçilik və emal sənayesi, istehsal və xidmət sahələri və s.);
• özəl – sahə daxilində (dəzgahqayırma, avtomobil tikintisi və s.);
• vahid – müəssisə və ya onun bölmələri çərçivəsində.

Müəssisələrdə əmək bölgüsünün bir neçə forması mövcuddur: funksional, peşəkar, texnoloji, ixtisas və s.

Əməyin funksional bölgüsü müəssisələrdə personalın məzmun və funksiyalarından asılı olaraq ayrı-ayrı işlərinin və kateqoriyalarının ayrılmasını nəzərdə tutur. Bu əlamətə görə işçilər fəhlələrə və qulluqçulara bölünür.

Əməyin peşəkar bölgüsü hər bir funksional qrup daxilində texnoloji məzmundan və yerinə yetirilən işlərin növündən asılı olaraq müxtəlif peşə və ixtisasların ayrılmasını nəzərdə tutur. Bununla əlaqədar qeyd etmək maraqlıdır ki, peşə geniş anlamda insanın əmək fəaliyyəti növünü xarakterizə edir (məsələn, usta, İqtisadçı, menecer, mühasib, dəzgahçı, dəmirçi və s.).

Əməyin texnoloji bölgüsü müəssisədə fəaliyyət göstərən istehsal proseslərinin müvafiq icraçılara təhkim olunan ayrı-ayrı mərhələlərə, çatışmazlıqlara və əməliyyatlara parçalanması deməkdir. Texnoloji əmək bölgüsü çərçivəsində istehsal texnologiyasının xüsusiyyətlərinə uyğun olaraq əməyin fənn və əməliyyat bölgüsü fərqlənir.

Əməyin əyani bölgüsü hazır məhsulun, predmetin və ya məmulatın alınması üçün lazım olan işlərin və ya əməliyyatların işçi kompleksinə təhkim edilməsini nəzərdə tutur.

Əməyin əməliyyat bölgüsü ayrı-ayrı əməliyyatların ayrılmasına və onların ayrı-ayrı icraçılara təhkim edilməsinə əsaslanır.

Əməyin ixtisas bölgüsü yerinə yetirilən texnoloji proseslərin mürəkkəbliyində və dəqiqliyində, habelə işçilərin peşəkarlıq ustalığı, istehsalat təcrübəsi və şəxsi qabiliyyətində mövcud olan fərqlər ilə müəyyən edilir.

Müəssisədə personalın əmək bölgüsünün formasının seçilməsi istehsal növü, profil və məhsulun mürəkkəbliyi, istehsal texnologiyası və təşkili ilə müəyyən edilir. Vahid istehsalatda universal avadanlıq, marşrut texnologiyası və əməyin əyani bölgüsü tətbiq olunur. Kütləvi – xüsusi avadanlıq, əməliyyat texnologiyası və işçilərin dar ixtisaslaşması. Əməyin konkret istehsal şəraitində bölünməsinin ən effektiv formalarının əsaslandırılması zamanı texniki, iqtisadi, psixofizioloji və sosial amillərin qarşılıqlı təsiri nəzərə alınmalıdır.

Birgə planlı mütəşəkkil əmək fəaliyyətində iştirak etmək üçün əmək kooperasiyası işçi heyətinin bütün kateqoriyalarının birləşdirilməsi adlanır. Əmək kooperasiyası idarəetmənin bütün səviyyələrində həyata keçirilir: iş yerindən tutmuş, bütün ölkənin və ya bütün dünya təsərrüfatının iqtisadiyyatına qədər. O, məhsulların hazırlanması və satışı prosesində ayrı-ayrı ifaçılar və ya istehsalat bölmələri arasında davamlı əmək münasibətləri sistemindən ibarətdir. Ümumi iqtisadi məqsədə nail olmaq üçün işçi qrupları (briqadalar), istehsal sahələri, müxtəlif şöbə və ya xidmətlər və müəssisənin özü kooperasiya nümunələri kimi xidmət edə bilər.

Müəssisə daxilində işçilərin əməyinin kooperasiyası aşağıdakı növlərə malikdir:

• sexlərarası-istehsal prosesinin ayrı-ayrı sexlər arasında bölünməsinə əsaslanır və bu sexlərin məhsulun hazırlanması üzrə birgə proseslərdə planlı iştirakının təmin edilməsinə yönəlib;
• sexlərdaxili  – istehsalat prosesinin sahələr, briqadalar, fəhlələr arasında bölünməsinə əsaslanır;
• sahədaxili-sahənin daxilində ayrı-ayrı fəhlə və ya briqadalar arasında istehsal əlaqələrində ifadə olunur.

Sahədaxili kooperasiyasının təşkilinin ən xarakterik forması briqadaların formalaşdırılmasıdır. Əmək kooperasiyasının bu forması insanın digər fəaliyyət sahələrində də geniş tətbiq olunmuşdur, məsələn, müvəqqəti əmək (yaradıcılıq) kollektivlərinin yaradılması yayılmışdır. Müasir şəraitdə bu, xüsusilə, layihə komandalarının formalaşmasına aiddir, zaman məhdud olan hər hansı bir layihənin yerinə yetirilməsi üçün personalın xüsusi komandası-mahiyyətcə briqada formalaşır.

Əmək və Əhalinin Sosial Müdafiəsi Nazirliyinin hazırladığı əmək və məşğulluq altsistemində (ƏMAS) işəgötürənlər üçün yeniliklər davam edir. Son dövrlərdə tətbiq edilən yeniliyə əsasən, ƏMAS-da məzuniyyət əmrlərinin hazırlanması üçün xüsusi bölmə işəgötürənlərin ixtiyarına verilib. Lakin bəzən ondan istifadə edən işəgötürənlərin sistemdəki funksionallıqla bağlı çətinlikləri yaranır.

İqtisadçı ekspert Anar Bayramov açıqlamasında elektron əmək məzuniyyəti ilə bağlı 3 vacib məqamı vurğulayıb:

“Birinci məqam odur ki, “Məzuniyyət əmrləri” bölməsində işçinin bütün növ məzuniyyətlərinin rəsmiləşdirilməsi mümkündür. İnsan resursları sahəsində çalışan mütəxəssislər əmək, təhsil, yaradıcılıq, sosial (hamiləliyə və doğuşa görə), qismən ödənişli sosial və ödənişsiz məzuniyyətlər üzrə əmr formasını ƏMAS-da hazırlamaq imkanına malik olacaq. Məzuniyyət əmrlərinin hazırlanması zamanı Əmək Məcəlləsinin 138-ci maddəsinin tələbləri gözlənilib. Həmin maddədə olduğu kimi, elektron məzuniyyət əmrində işçinin adı, atasının adı və soyadı, vəzifəsi (peşəsi), verilən məzuniyyətin növü, müddəti, müvafiq iş ili, məzuniyyətin başlandığı, qurtardığı və məzuniyyət müddəti bitdikdən sonra işçinin işə başlamalı olduğu il, ay, gün göstərilir. Bundan əlavə, əmək məzuniyyətinə əsas verən sənəd (işçinin ərizəsi, təhsil və ya tibb müəssisəsinin müvafiq sənədi və s.) haqqında məlumatların məzuniyyət əmrində qeyd edilməsi də həyata keçirilir”.

A.Bayramov bildirib ki, ikinci məqam altsistemdə beşgünlük iş rejimində məzuniyyət əmrinin tərtibi zamanı məzuniyyətin başlanma tarixinin qeyd olunması halında məzuniyyətin bitmə və işçinin işə başlama tarixinin avtomatik qeyd edilməsidir. İşəgötürən ƏMAS-da məzuniyyət günlərinin sayı və başlanma tarixini qeyd etdikdə, proqram təminatı 2024-cü ilin istehsalat təqviminə uyğun olaraq məzuniyyətin bitmə və işçinin işə başlama tarixini avtomatik olaraq müəyyənləşdirir. Sistemdə altıgünlük və digər iş rejimlərini tətbiq edən işəgötürənlər üçün məzuniyyətin bitmə və işçinin işə başlama tarixinin əl ilə (manual olaraq) daxil edilməsinə imkan da yaradılıb: “Burada üçüncü vacib məqam ƏMAS-da məzuniyyət əmrlərinin hazırlanmasının işəgötürənlər üçün mütləq tələb kimi nəzərdə tutulmamasıdır. Dövlət qurumu tərəfindən məzuniyyət əmrlərinin tərtib edilməsi prosesi işəgötürənlərə dəstək məqsədilə hazırlanıb. Əmək Məcəlləsinin 49-cu maddəsinə əsasən, əmək müqaviləsinin bağlanılması, ona dəyişiklik edilməsi və ya xitam verilməsi bununla bağlı elektron informasiya sisteminə gücləndirilmiş elektron imza vasitəsilə daxil edilmiş əmək müqaviləsi bildirişinin həmin elektron informasiya sistemində qeydiyyata alınmasından və bu barədə işəgötürənə elektron qaydada məlumat göndərilməsindən sonra hüquqi qüvvəyə minir. Maddədən göründüyü kimi, məzuniyyət əmrlərinin elektron informasiya sistemində qeydiyyata alınması qanunvericilikdə nəzərdə tutulmayıb. Yəni işəgötürən məzuniyyət əmrlərini kağız və (və ya) ƏMAS üzərindən elektron formada hazırlamaqda sərbəstdir”.

A.Bayramov işəgötürənlərə məzuniyyət əmrlərini ƏMAS-da hazırlamağı tövsiyə edib. Onun sözlərinə görə, yaxın gələcəkdə kadr kargüzarlığı ilə bağlı əməliyyatların elektronlaşdırılması prosesinə tam keçidin yekunlaşdırılması və həmin prosesin məcburiliyinin qanunvericiliklə tənzimlənməsi gözlənilir.

Bəzi hallarda işəgötürənlər və ya onların insan resursları bölməsini idarə edən şəxslər məzuniyyət əmrlərini elektron sistemə daxil edərkən yanlışlıqlara yol verirlər. ƏMAS-ın mövcud funksiyaları isə onu dərhal düzəltməyə imkan vermir. Yanlışlıq düzəlmədikcə digər əmrlərin elektron sistemə daxil edilməsi də ləngiyir. Bəs bu halda işəgötürənlər necə davranmalıdır?

Sualımıza Dövlət Əmək Müfəttişliyinin Risklərin idarəedilməsi və elektron audit şöbəsinin müdir muavini, ƏMAS-a nəzarət sektorunun müdiri Aynurə Tağıyeva aydınlıq gətirib. Onun sözlərinə görə, məzuniyyət əmrlərinin elektron informasiya sistemində qeydiyyata alınması qanunvericiliyin tələbi deyil. Bu, sadəcə, ƏMAS-ın funksionallığının artırılmasıdır: “Sistemdə yaranan hər hansı texniki yanlışlıqla bağlı Dövlət Əmək Müfəttişliyi Xidmətinə rəsmi müraciət ünvanlanmalıdır. Onun əsasında həmin xətanın silinib-silinməməsi ilə bağlı məsələyə toplanmış sənədlər əsasında 15 gün müddətində baxılır. Əlavə araşdırma tələb olunarsa, müddət daha 15 gün uzadıla bilər. Hazırkı şəraitdə elektron sistemdə məzuniyyət əmrinin yerləşdirilməsində ortaya çıxan yanlışlıq digər əmrlərin verilməsində məhdudiyyət yaratmır. İşəgötürən digər işçilərin hüquqlarını məhdudlaşdırmadan kağız üzərində növbəti əmrləri hazırlayıb imzalaya bilər. Qanunvericilik də bunu tələb edir”.

Mənbə: vergiler.az

Mühasibat uçotu məlumatları biznesin idarə edilməsində əhəmiyyətli rola malikdir. Uçot məlumatlarının maraqlı tərəfləri müxtəlifdir. Bu məqalədə onlar haqqında danışacağıq.

Uçot qeydlərinin aparılmasının əhəmiyyəti nədir?

Uçot qeydlərinin aparılması, mühasibat uçotu məlumatları, onların maraqlı tərəflər üçün əhəmiyyətini daha yaxşı anlamaq üçün bir nümunəyə baxaq. Fərid və Fəridənin kiçik ailə biznesi var. Fərid müxtəlif təchizatçılardan – topdansatış müəssisələri, fərdi sexlər və digər dükanlardan müxtəlif növ şirniyyat alır. Fəridə isə onları münasib qiymətə dükanda satır. Fərid şəxsi istehlak məqsədi ilə – çay süfrəsi arxasında istifadə etmək üçün dükandan şirniyyat götürür. Fəridə isə evdə – stolun üstündə müxtəlif şirniyyatların olmasını sevir, yaxın saydığı insanlara isə onları daha aşağı qiymətlərlə satır.

Dükanın yaxınlığında fəaliyyət göstərən 2 kafe və 3 çay evi onların daimi və əsas müştəriləridir.

Onlar fəaliyyətləri üzrə uyğun hesabatları vermək üçün ailə dostunun yardımından yararlanırlar. O, əsas müştərilərin təqdim etdikləri sənədlər üzrə hesabatları hazırlayır. Amma bu zaman bütün əməliyyatlar üzrə qeydlər aparılmır. Bu cür hesabatlıq və günün sonunda kassada müəyyən məbləğdə pul vəsaitlərinin qalması Fərid və Fəridəni qane edir.

İlin  sonunda  dükanın  təchizatı  üçün  aldıqları  malların  qiyməti  kəskin  artır.  İl  ərzində apardıqları qiymət siyasəti onlara satış qiymətini topdansatış qiymətlərinə uyğun qaldırmağa imkan vermir – bu, bir çox müştərilərin itirilməsinə səbəb olacaq. Problemin həlli üçün 2 variant mövcuddur:

1. Ötən dövrü təhlil etmək və biznesə fərqli yanaşma ortaya qoymaq;
2. Əgər gəlirliliyi təmin etmək olmasa, onda dükanı satmaq. Tanışlardan dükanı almaq istəyən var, amma o, ötən dövrdə nə qədər mənfəət əldə edildiyin bilmək istəyir.

Hər iki variant ötən dövrü əhatə edən bütün xərc və gəlirlər haqqında məlumatın mövcudluğunu tələb edir. Bunu isə onlar edə bilməyəcək, çünki:

• il ərzində aparılan alqı-satqı əməliyyatları, xərclər və digərləri tam qeydə alınmayıb;
• 5 əsas müştəri üzrə aparılan satışlar və topdansatış təchizatçılarında alışı qeyd etsələr də, digər fərdi müştəri və təchizatçılar üzrə məlumatlar yoxdur;
• şirniyyatı evə aparır və ondan dostlar ilə birgə istifadə edirdilər; beləliklə, onların alışına xərc çəkilir, gəlir isə yox idi. Onlar ailə biznesinə fərdi müəssisə kimi yanaşmır və uyğun qeydlər etmirdilər.

Nəticədə, problemlərlə üzləşiblər və təcili qərar qəbul etməlidirlər. Təcili qərar qəbul etmək üçün müəyyən məlumatlar lazımdır. Fəaliyyətləri barədə məlumat çatışmazlığından yaranan hazırkı vəziyyətdə təcili qərar qəbul etmək çətindir, bu isə müəyyən itkilər deməkdir. Belə ki, onlar müəssisəni sataraq qazanc əldə etmək, yaxud biznesi daha da inkişaf etdirərək əldə saxlama imkanından məhrum ola bilərlər.

Mühasibat uçotu məlumatları hansı mənbələrdən formalaşır?

Mühasibat müxtəlif təsərrüfat əməliyyatlarının fasiləsiz uçotu vasitəsilə müəssisənin əmlakı, öhdəlikləri, habelə onların hərəkəti haqqında məlumatların toplanması, təsbiti və sistemləşdirilməsi sistemidir.

Mühasibat uçotunun aparılması  prosesində müvafiq təsərrüfat əməliyyatlarını, habelə onların nəticələrini əks etdirən sənədlər toplusu formalaşır.

Sənədləri formalaşma mənbələrinə görə 2 qrupa ayırmaq mümkündür:

• mühasibat uçotu məlumatlarının mənbələri;
• maliyyə hesabatlarına aid edilən sənədlər.

Birinci qrupa aşağıdakılar aiddir:

• ilkin sənədlər;
• uçot registrləri.

İlkin sənədlər müəssisənin təsərrüfat fəaliyyətində baş verən bütün faktları (məsələn, malların tədarükü, satışı, xidmətlərin göstərilməsi, alışı) özündə əks etdirir. İlkin sənədlərin çeşidi genişdir, tətbiqi normativ aktlarla tənzimlənir.

Uçot registrləri ilkin sənədlərinin məlumatlarını sistemli şəkildə təsvir etdirən mənbələrdir. Müəssisələrin mühasibat uçotunda registrlər də ən geniş diapazonda təmsil oluna bilər. Memorial order forması əsasında sintetik uçot aparan müəssisələrdə registrlərin tərkibi Maliyyə Nazirliyinin “Maliyyə Hesabatlarının Beynəlxalq Standartlarına, Kiçik və Orta Sahibkarlıq Subyektləri üçün Maliyyə Hesabatlarının Beynəlxalq Standartlarına və İctimai Sektor üçün Mühasibat Uçotunun Beynəlxalq Standartlarına uyğun olaraq memorial order forması əsasında sintetik uçotun aparılması Qaydası”  ilə tənzimlənir.

Mühasibat hesabatları toplusu aşağıdakı sənədlər əsasında formalaşır:

• təşkilatın balans hesabatı;
• maliyyə nəticələri, kapitalda dəyişikliklər, pul vəsaitlərinin hərəkəti və s. haqqında hesabatlar.

Mühasibat uçotu məlumatları hansı məqsədlə toplanır?

Mühasibat uçotu məlumatları maraqlı şəxsləri müəssisənin fəaliyyəti haqqında dolğun və etibarlı məlumatlarla təmin edir. Həmçinin məlumatlar müəssisələrə:

• Azərbaycan Respublikası qanunvericiliyinə riayət olunmasına;
• əmlakın, öhdəliklərin mövcudluğuna, hərəkətinə;
• resurslardan səmərəli istifadəyə nəzarət imkanı yaradır.

Müvafiq məlumatlar istifadəçilərə mənfi tendensiyaların qarşısını almağa, maliyyə sabitliyinin daxili ehtiyatlarını aşkar etməyə kömək edə bilər.

Müəssisənin ətraf mühiti məlumat istifadəçilərinin tərkibinə, onların məqsədlərinə birbaşa təsir edir.

Maliyyə uçotu məlumatlarının istifadəçiləri, bir qayda olaraq, 2 qrupa bölünür:

• daxili;
• xarici (kənar).

Mühasibat uçotu məlumatlarının daxili istifadəçilərinə şirkətin inzibati heyətini, şöbə müdirləri, menecerləri, işçiləri və s. aid etmək olar.

Mühasibat uçotu məlumatlarına kənar istifadəçilərin marağının məqsədi müəssisənin maliyyə vəziyyətini qiymətləndirmək, təhlil etməkdir. Şirkətin mühasibat sənədlərinin kənar istifadəçilərinin təhlilinə əsaslanan nəticələr, maraqlı tərəflərin böyük bir auditoriyası üçün qərar qəbulu prosesində əhəmiyyətli ola bilər.

Eyni zamanda, həm daxili, həm də xarici istifadəçilər arasında:

• birbaşa maliyyə marağı olan;
• dolayı maliyyə marağı olan;
• maliyyə marağı olmayan istifadəçilər fərqlənir.

Təsisçilər, iştirakçılar, kreditorlar və investorlar birbaşa maliyyə marağı olan, vergi orqanları, digər kontragentlər dolayı marağı olan, statistika orqanları yaxud qiymətləndiricilər maliyyə marağı olmayan istifadəçilərdir.

Uçot məlumatlarının dəyər meyarları hansılardır?

Mühasibat uçotu məlumatlarının dəyəri onun qərarların qəbuluna təsir imkanlarına görə qiymətləndirilə bilər. Məlumatlar aşağıdakı qiymət meyarlarına cavab verməlidir:

• operativlik – məlumatın qəbulu vaxtında baş verməlidir, əks halda öz aktuallığını itirir, müəssisənin real vəziyyətinə uyğun gəlmir;
• proqnozlaşdırılan – məlumat müəssisənin inkişaf tendensiyalarını izah edir, gələcək fəaliyyətin proqnozlaşdırılması üçün əsas rolunu oynayır;
• məlumat mənbəyi ilə əks-əlaqə – amil operativ idarəetmə qərarlarının həyata keçirilməsin təmin edir;
• etibarlılıq – istifadəçilərə tam, obyektiv, doğru məlumat lazımdır. Fəaliyyət faktlarını yoxlamağa və təsdiq etməyə imkan verən şəffaf məlumatlar etibarlı hesab olunur.

Maliyyə hesabatlarında açıqlanan məlumatların şərh edilməsi asan olmalıdır. Aşağıdakı cədvəldə istifadəçi qruplarına maraqlı məlumatlara nümunələr verilib.

Mühasibat uçotu məlumatları maliyyə marağı olan şəxslərə tələb olunduqda təqdim edilir. Sorğu edilən məlumatlar dövlət orqanlarının müəyyən etdiyi yaxud sorğu edən qurumların (məsələn, kredit təşkilatı, sığorta müəssisəsi) blank formasında hazırlanır. Kreditlər, subsidiyalar yaxud qrantlar almaq imkanı verilən məlumatın tamlığı və etibarlılığından asılıdır.