Avropanın ən iri avia-şirkətlərindən biri – Air France – iflas ərəfəsindədir. Bu barədə Fransanın İqtisadiyyat və Maliyyə naziri Bryuno Le Mer BFM Business-ə müsahibəsində bildirib.
O, qeyd edib ki, əgər güclü dövlət dəstəyi almasa, Air France şirkəti müflis olacaq. Nazir hava daşıyıcısının ölkə üçün strateji əhəmiyyətli bir şirkət olduğunu qeyd edib. Fransanın öz hava yolu şirkəti olmalıdır, bu ölkənin suverenliyinin təminatlarından biridir, deyə, Le Mer əlavə edib. Hakimiyyət artıq Air France şirkətinə 2020-ci ildə yeddi milyard avro ayırıb.
Bunun əvəzində şirkət öz rəqabət qabiliyyətini artırmalı, planetin ekologiyasının qorunması üzrə normalara əməl olunmasında lider olmalı, həmçinin davamlı inkişaf prinsiplərinə sadiq aviadaşıyıcılıq nümunəsi olmalıdır. Bundan əvvəl Air France-ın kütləvi ixtisarlara başlamağa hazırlaşdığı məlum olmuşdu.
Yaxın iki il ərzində şirkət təxminən 7,5 min iş yerini ixtisar etməyi planlaşdırır. Bu kimi qeyri-populyar tədbirlərə şirkəti koronavirus pandemiyasının yaratdığı böhranın nəticələri getməyə məcbur edib. Digər bir aviasiya nəhəngi – Almaniyanın Lufthansa şirkəti də, işçiləri kütləvi şəkildə ixtisar etmək məcburiyyətindədir, həmin səbəbdən on minlərlə insan işsiz qala bilər. Şirkətdə hesab edirlər ki, yeni reallıqlarda 26 minə yaxın iş yeri artıq görünür.