Sual: Məlumat üçün bildirirəm ki, mən avtomobillərin təmiri sahəsində xidmət göstərirəm, həm vətəndaşlara xidmət göstərirəm, həm də ki, A sığorta şirkəti ilə müqavilə bağlayaraq vətəndaşların sığorta olunmuş avtonəqliyyat vasitələrinin təmiri ilə məşğul oluram.Hal-hazırda sadələşdirilmiş vergi ödəyicisi kimi fəaliyyət göstərirəm. Bilmək istəyərdim ki, 2019-cu ildə də mən sadələşdirilmiş vergi ödəyicisi kimi fəaliyyət göstərə biləcəm?
Bax: Nəhayət ki, Yeni Vergi məcəlləsi təsdiqləndi
Cavab: Vergi Məcəlləsinə ediləcək dəyişikliklərə əsasən 1 yanvar 2019-cu il tarixdən etibarən vergi ödəyicisi kimi vergi orqanında uçotda olmayan şəxslərə (əhaliyə) göstərilən xidmətlərdən başqa, xidmətlərin göstərilməsini həyata keçirən şəxslər sadələşdirilmiş verginin ödəyicisi ola bilməz. Buna əsasən fərdi sahibkar kimi digər hüquqi şəxslərə xidmət göstərdiyinizi nəzərə alaraq, sizin sadələşdirilmiş verginin ödəyicisi olmaq hüququnuz olmadığı üçün 1 yanvar 2019-cu il tarixdən gəlir vergisinin ödəyicisi kimi fəaliyyət göstərməlisiniz.
O da nəzərə alınmalıdır ki, Vergi Məcəlləsinə ediləcək dəyişikliklərə əsasən 1 yanvar 2019-cu ildən mikro sahibkarlıq subyektlərinin gəlirlərinin 75 faizi gəlir vergisindən azaddır.