Estoniyanın Vergi-Gömrük Departamentindən bildirilib ki, Estoniya və Finlandiyanın vergi orqanları məlumatların real vaxt rejimində mübadiləsini həyata keçirməyə başlayıblar. Bu layihə çərçivəsində dünyada ilk dəfə olaraq iki ölkənin vergi departamentləri arasında məlumatların avtomatik mübadiləsi aparılıb.
Estoniyanın Vergi-Gömrük Departamentinin direktor müavini Rivo Reytmann bildirib ki, hazırda Estoniya ilə Finlandiya arasında məlumatlarla bağlı müraciətlərin sayı hər iki ölkənin vergi orqanlarına xaricdən göndərilmiş müraciətlərin ümumi sayının üçdə ikisi qədərdir. “Beləliklə, məlumatların avtomatik mübadiləsi Estoniya və Finlandiya dövlətləri arasında yaxşı əməkdaşlığın qabaqcıl nümunəsidir”.
Qeyd edilib ki, məlumatların real vaxt rejimində mübadilə edilməsi transsərhəd qanun pozuntularının daha yaxşı araşdırılmasına şərait yaradacaq, eləcə də müştərilərə göstərilən xidmətlərin keyfiyyətini yüksəldəcək.
Mənbə: vergiler.az
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
